ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ (ᐱᒋᐊᕐᕕᒃ ᕿᑭᕐᑕᖅ Bathurst Island, Nunavut)

  • ᖃᓄᐃᓕᖓᓂᕕᓂᖓ/Backgrounder in Inuktitut (PDF, 95 KB)
  • ᖃᐅᓱᐃᑦᑐᖅ ᑲᓇᑕ ᒥᕐᖑᐃᓯᕐᕕᒃ ᐱᒋᐊᕐᕕᒃ ᕿᑭᕐᑕᒦᑦᑐᖅ, ᐱᒪᒋᔭᖓ ᕿᑭᒃᑕᒐᓚᐃᑦ ᑯᐃᓐ ᐃᓕᓇᐱ Queen Elizabeth , ᐅᐊᖕᓇᖓᓂ ᑲᓇᑕᐅᑦ ᑕᕆᐅᖓᓂ ᐃᑭᖓᓂ ᑕᓪᓗᕈᑎᐅᑦ. ᑖᓐᓇ ᑲᓇᑕᒥ ᒥᕐᖑᐃᓯᕐᕕᐅᔪᖅ ᐃᓚᒋᔭᐅᔪᖅ ᐅᐊᓕᓂᕐᒥ ᖁᑦᑎᒃᑐᒥ ᐅᑭᐅᕐᑕᕐᑐᒥ ᐃᓕᖁᓯᕐᓱᕐᑐ ᓄᓇᖓ ᑲᓇᑕᐅ ᖃᐅᔨᒪᔭᐅᔾᔪᑎᖓ ᓄᓇᕐᔪᐊᕐᒥᐅᓄᑦ ᑲᓇᑕᒥ ᒥᕐᖑᐃᓯᕐᕕᐅᔪᑦ. 

    ᖁᐅᓱᐃᑦᑐᖅ (ᑕᐃᔭᕆᐊᓕᒃ ᖁᐅᓱᐃᑦᑐᖅ) ᑐᑭᖃᕐᑐᖅ “ᓄᓇ ᓯᕿᓂᖅ ᖁᐅᖃᑦᑕᖏᓐᓂᖓᓄᑦ” ᐃᓄᒃᑎᑐᑦ, ᐱᔾᔪᑎᒋᓪᓗᒍ ᓯᕿᓐᓂᕐᓂᖓ ᓴᕿᖃᑦᑕᕈᓐᓃᖃᑦᑕᕐᒪᑦ ᑕᕿᒐᓴᒃᓄᑦ ᐅᑭᐅᒃᑯᑦ.

    ᐊᖏᓂᖃᕐᑐᖅ 11,000 ᑭᓛᒥᑕ ᑭᑉᐸᕇᒃᓯᓗᒍ ᐅᑭᐅᕐᑕᕐᑐᒥ ᓄᓇᐅᔪᖅ ᐊᒻᒪᓗ ᑕᕆᐅᖓ ᓴᐳᔾᔭᐅᓯᒪᓪᓗᓂ ᖃᐅᓱᐃᑦᑐᖅ ᑲᓇᑕ ᒥᕐᖑᐃᓯᕐᕕᒃ ᐱᖃᓯᐅᑎᓪᓗᒋᑦ ᐅᐊᖕᓇᖓᓂ ᐱᒋᐊᕐᕕᐅᑦ ᕿᑭᕐᑕᐅᑦ ᐊᒻᒪᓗ ᕿᑭᕐᑕᐃᑦ ᒐᕙᓄ ᔭᓄᓗ Governor General ᐊᑭᓐᓇᖓᓂ, ᐊᒻᒪᓗ ᒥᑭᓐᓂᕐᓴᐃᑦ ᕿᑭᕐᑕᐃᑦ ᐊᑭᓐᓇᖓᓂ ᐅᐊᖕᓇᖓᓂᓗ ᐱᒋᐊᕐᕕᐅᑦ ᕿᑭᕐᑕᐅᑦ. ᕿᑭᕐᑕᖅ ᓯᐊᒧ Seymour Island Migratory Bird Sanctuary ᑎᖕᒥᐊᖃᕐᕕᐅᔪᑦ ᐅᐊᖕᓇᖓᓂ,ᓂᒋᐊᓂᓗ ᑭᒃᓕᖓᓂ ᖁᐅᓱᐃᑦᑐᖅ ᑲᓇᑕ ᒥᕐᖑᐃᓯᕐᕕᒃ ᑭᒃᓕᖓᓃᑦᑐᖅ ᓇᓄᐃᑦ ᐊᖁᑎᖓ ᑲᓇᑕ ᐆᒪᔪᐃᑦ ᓴᐳᔾᔭᐅᓯᒪᔪᑦ.  Polar Bear Pass National Wildlife Area.

    ᑲᓇᑕᒥ ᒥᕐᖑᐃᓯᕐᕖᑦ ᐱᖃᓯᐅᑎᓯᒪᓪᓗᑎᒃ ᑕᕆᐅᖓᓂᒃ ᑲᖏᕐᖢᖏᓐᓂ May ᐊᒻᒪᓗ  Young Inlets, ᐊᒻᒪᓗ ᓄᓇᖓ ᐳᕐᑐᔫᑕᐅᓪᓗᓂ. ᓄᓇᖓ ᓇᑎᕐᓇᔪᖃᕐᖢᓂ, ᐃᒪᕐᓱᓂᖃᐅᕐᖢᓂᓗ, ᓯᕕᖓᔪᓪᓗ ᐱᖑᖏᓪᓗ ᐳᕐᑐᑎᒋᔪᑦ 411 ᒦᑕ. ᐅᔭᕋᖏᓪᓗ ᓯᐅᕋᐅᔭᐃᑦ, ᕿᓕᕐᑐᓪᓗ, ᓄᓇᖓᓗ ᓯᕐᒥᖃᖃᑦᑕᕐᓂᑯᓪᓗᓂ ᐃᓗᑦᑐᕐᓯᒪᐅᕐᑐᑦ ᖃᐅᔨᒪᔾᔪᑕᐅᓪᓗᑎᒃ ᓯᒃᔭᖏᓪᓗ ᐳᕐᑐᓯᓯᒪᔪᑦ.

    ᓄᓇᖑᐊᒃᑯᑦ ᑕᕙᓂ  76˚ ᐅᐊᖕᓇᖓᓂ, ᐱᖏᐊᕐᕕᒃ ᕿᑭᕐᑕᖅ ᐃᓂᖃᕐᐳᖅ ᓂᓚᓱᒃᓂᖃᓛᖑᔪᒥᒃ ᐸᓂᓛᖑᔪᒥᓗ ᓄᓇᕐᔪᐊᕐᒥ ᓂᒃᓚᓱᒃᓂᖃᕈᓐᓇᕐᑐᖅ ᐊᑯᓐᓂᖓᓂ minus 32˚ C ᔭᓄᐊᕆᒥ ᐊᒻᒪᓗ ᐅᕐᖁᓂᖃᕐᖢᓂ  5˚ ᔪᓚᐃᒥ.  ᐊᕋᒍᒥ ᒪᓴᖃᑦᑕᕐᓂᖓ ᑐᖓᓃᑦᑐᖅ 130 mm. ᓯᓚᖓᓄᑦ ᓂᒃᓚᓱᖃᑦᑕᕐᓂᖓᓄᑦ ᐱᕈᕐᑐᖏᑦ ᐅᓄᖏᑦᑐᑦ ᐃᔾᔪᖃᑦᑎᐊᖏᓪᖢᓂᓗ. ᐊᐅᐱᓚᑦᑐᖑᐊᓂᒃ, ᐃᕖᑦ, ᖁᐊᔭᐅᑏᓪᓗ ᐱᕈᕐᑐᓪᓗ ᐊᓯᖏᑦ ᓂᕆᒋᔭᐅᔪᑦ ᐆᒪᔪᖏᓐᓄᑦ.

    ᐳᕐᑐᔪᒦᒃᑲᓗᐊᕐᑎᓪᓗᒍ ᓂᒃᓚᓱᒃᑐᒥᓗ, ᐆᒪᔪᐃᑦ ᐅᓄᕐᑐᑦ ᐃᓂᖃᕐᐳᑦ. ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓴᐳᔾᔨᓯᒪᕗᖅ ᐆᒪᔪᐃᑦ ᐃᓂᒋᔭᖏᓐᓂᒃ ᑐᒃᔪᐊᑎᓪᓗᒋᑦ ᐃᒃᓕᖏᓐᓂᒃ, ᐃᕐᓂᐅᕐᕕᖏᓐᓂᒃ ᐊᒻᒪᓗ ᐅᑭᐅᒃᑯᑦ ᓄᓇᑐᕐᓕᐅᓂᖏᓐᓂᒃ ᑐᒃᑐᕋᓛᓄᑦ.  ᒥᕐᖑᐃᓯᕐᕕᒃ ᐃᓂᒋᔭᐅᒃᒥᔪᖅ ᐅᒥᖕᒪᖕᓄᑦ. ᐊᓯᖏᓪᓗ ᐆᒪᔪᐃᑦ ᐃᓂᖃᕐᑐᑦ ᓲᕐᓗ ᓇᓄᐃᑦ, ᐊᒪᕈᐃᑦ,ᑎᕆᒐᓂᐊᑦ, ᑎᖕᒥᐊᓪᓗ ᐊᔾᔨᒋᖏᑦᑐᑦ ᓲᕐᓗ ᐅᒃᐱᒃᔪᐊᑦ, ᑲᖑᐃᑦ, ᒥᑎᑦ, ᐃᓱᖓᐃᑦ,ᓇᐅᔭᐃᑦ ᓯᒃᔭᕆᐊᓪᓗ. ᑕᕆᐅᕐᒥᐅᑕᐃᑦ ᓲᕐᓗ ᓇᑦᑏᑦ, ᐅᒃᔪᐃᑦ, ᐊᐃᕖᑦ,ᐊᕐᕖᑦ,ᕿᓚᓗᒐᐃᑦ ᖃᑯᒃᑕᐃᑦ ᑐᒑᓕᓪᓗ ᕿᓚᓗᒐᐃᑦ.

    ᐃᑦᑕᕐᓂᓴᕕᕐᓂᕐᓂᒃ ᕿᓂᖃᑦᑕᕐᑐᑦ ᖃᐅᔨᓯᒪᔪᑦ ᐃᓄᒃᑐᖃᖃᑦᑕᕐᓯᒪᓂᖓᓂᒃ ᐊᕋᒍᑦ 4500 ᐃᓗᐊᓂ. ᑐᓃᑦ ᑐᓂᔾᔪᐊᓪᓗ ᐊᒻᒪᓗ ᐃᓄᐃᑦ ᖃᐅᔨᒪᓇᕐᑐᑦ ᓇᔪᑏᖃᑦᑕᕐᑐᕕᓂᐅᓂᖏᓐᓂᒃ, ᓂᒋᐊᓃᓐᓂᕐᓴᐅᓪᓗᑎᒃ ᐅᕙᓘᓐᓃᒃ ᖃᓇᖕᓇᖓᓂ ᒥᕐᖑᐃᓯᕐᕕᐅᑦ. ᐃᓗᐊᓂ ᖃᐅᓱᐃᑦᑐᖅ ᒥᕐᖑᐃᓯᕐᕕᐅᑦ ᐅᓄᕐᑐᑦ ᐃᑦᑕᕐᓂᓴᐅᔪᑦ ᑐᓂᔾᔪᐊᓄᑦ (ᐊᕋᒍᖓca. 500 ᑎᑭᓪᓗᒍ 1200 ᑐᖁᑕᐅᓂᖓᑕ AD) ᓄᓇᖓᓂ ᑲᖏᕐᖢᐊᑕ Bracebridge Inlet.

    ᐱᒋᐊᕐᖢᓂ ᐊᕋᒍᖓᓂ 1819, ᐃᖓᓚᒥᖔᕐᑐᑦ ᐅᒥᐅᐊᕐᔪᐊᑦ ᕿᓂᕐᑐᑦ ᐊᖁᑎᒃᓴᒥᒃ ᐅᑭᐅᕐᑕᕐᑐᒃᑯᑦ ᐊᖁᓵᖃᑦᑕᕐᓯᒪᔪᑦ ᐱᒋᐊᕐᕕᒃ ᕿᑭᕐᑕᖓᓄᑦ. ᑭᖑᓂᐊᒍᑦ ᕿᓂᕐᑐᑦ ᐊᓯᐅᓯᒪᔪᓂᒃ HMS Erebus ᐊᒻᒪᓗ HMS Terror, ᔮᓐ ᕗᓚᒃᓕᓐ ᐅᒥᐊᕐᔪᐊᖏᓐᓂᒃ ᐊᓯᐅᓚᐅᕐᓯᒪᔪᑦ 1845. ᐊᑯᓐᓂᖓᓂ ᐊᕋᒍᖏᓐᓂ 1850 ᐊᒻᒪᓗ 1854,ᑕᕆᐅᕐᒥ ᕿᓂᕐᑐᑦ ᓇᑉᐸᕐᓯᒧᕕᓃᑦ ᐃᓄᒃᓱᒐᕐᓂᒃ ᐊᒻᒪᓗ ᕿᒪᐃᓪᓗᑎᒃ ᓂᕿᓂᒃ ᕿᑭᕐᑕᒥ ᐅᐊᖕᓇᖓᓂ ᐱᒋᐊᕐᕕᒃ ᖓᓂ, ᐃᓗᐊᓂ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ, ᐱᖃᓯᐅᑎᓪᓗᒍ ᐊᖏᔪᑦ ᐃᓄᒃᓱᒐᐃᑦ ᕿᑭᕐᑕᒥ ᕼᐃᓖᓇ  Helena Island.

    ᕿᓂᖃᑦᑕᕐᓯᒪᔪᑦ ᐱᒋᐊᕐᕕᒃ ᕿᑭᕐᑕᖓᓂ ᑲᔪᓯᓪᓗᑎᒃ ᐊᕋᒍᖏᓐᓄᑦ 1900, ᓯᕗᓕᕐᑎ ᔪᓯᐱ−ᐃᐅᔨᐅ ᐳᓂᐊᐃ  (ᑲᐱᑕᐃᑲᓪᓚᒃ) ᐱᖓᓱᐃᕐᓱᕐᖢᓂ ᐊᑯᓐᓂᖓᓂ ᐊᕋᒍᐃᑦ 1906 ᐊᒻᒪᓗ  1911 ᑐᕋᒐᖃᕐᖢᓂ ᑲᓇᑕ ᐱᖁᑎᖃᕐᑎᐅᓂᖓᓂᒃ ᓇᓗᓇᐃᒃᑯᑦᑎᕐᓱᐃᓪᓗᓂ ᐅᑭᐅᕐᑕᕐᑐᒥ ᕿᑭᕐᑕᖏᓐᓂᒃ, ᐱᖃᓯᐅᑎᓪᓗᒍ ᐸᓕᓯᒃᑯᑦ ᖃᐅᔨᓴᕐᑎᓪᓗᖏᑦ, ᖃᖓᑕᓲᕐᑏᓪᓗ ᓂᐱᖃᕐᓇᖓᓂᒃ ᕿᓂᕐᑎᓪᓗᒋᑦ; ᐊᔾᔨᓕᐅᕆᑲᑕᒃᖢᑎᒃᓗ; ᐊᒻᒪᓗ ᐆᒪᔪᓂᒃ ᖃᐅᔨᓇᓱᒃᖢᑎᒃ, ᐅᔭᕋᒃᓂᒃᓗ ᐃᒪᐅᓂᖏᓐᓂᒃᓗ. ᐊᕋᒍᖏᓐᓂ  1960s ᐊᒻᒪᓗ 1970s ᕿᓂᖃᑦᑕᓕᓚᐅᕐᑐᑦ ᐅᕐᓱᐊᓗᒃᓂᒃ ᒐᓯᓂᒃᓗ ᐅᔭᕋᒃᓯᐅᕐᖢᑎᒃᓗ ᖃᓂᒋᔭᖓᓂ. ᖃᐅᔨᓴᕐᕕᐅᔪᑦ ᓱᓕ ᒫᓐᓇ ᑲᔪᓯᔪᑦ ᐅᓪᓗᒥ, ᐃᑲᔪᕐᑐᕐᑕᐅᔪᑦ ᖃᐅᔨᓴᕐᑐᑦ ᑖᒃᑯᓄᖓ ᐅᑭᐅᕐᑕᕐᑐᒥ ᖃᐅᔨᓴᕐᑎᓄᑦ ᐃᑲᔪᕐᐸᒃᑐᑦ  Polar Continental Shelf Program.