ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᕿᑭᕐᑕᓂ ᐃᓄᐃᑦ ᑲᑐᔾᔨᖃᑎᒋᖏᑦ ᒪᑐᐃᕐᓯᔪᑦ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ

ᐋᒋᓯ 10, 2017
ᖃᐅᓱᐃᑦᑐᖅ, ᓄᓇᕗᑦ
ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᕕᖓ

  • ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᕿᑭᕐᑕᓂ ᐃᓄᐃᑦ ᑲᑐᔾᔨᖃᑎᒋᖏᑦ ᒪᑐᐃᕐᓯᔪᑦ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ/"Parks Canada and Qikiqtani Inuit Association officially open Qausuittuq National Park" in Inuktitut (PDF, 0.13 MB)
  • ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ, ᕿᑭᕐᑕᒐᓚᐃᑦ ᖁᑦᑎᒃᑐᒥ ᐅᑭᐅᕐᑕᕐᑐᒥ ᐃᓄᒃᓄᑦ ᓇᔪᕐᑕᐅᖃᑦᑕᕐᓯᒪᔪᖅ ᐊᕋᒍᑦ 4,500 ᑭᖑᓂᑦᑎᓐᓂᑦ. ᑲᓇᑕᒥ ᒥᕐᖑᐃᓯᕐᕕᒃ ᐊᖓᓇᓱᒃᕕᐅᖃᑦᑕᕐᓯᒪᓪᓗᓂ ᐃᖃᓗᒐᓱᒃᕕᐅᓪᓗᓂᓗ ᐃᓄᒃᖏᓐᓄᑦ ᖃᐅᓱᐃᑦᑐᕐᒥᐅᓄᑦ ᖃᖓᑦᑎᐊᒃᑯᑦ. ᑲᓇᑕᒥ ᒥᕐᖑᐃᓯᕐᕕᒃ ᓴᕿᔮᕐᑎᑦᑎᕗᑦ ᐱᐅᓛᖑᔪᓂᒃ ᑲᓇᑕᒥ ᑕᑯᒃᓴᐅᔪᓂ ᐊᒻᒪᓗ ᐅᓂᒃᑳᖃᕐᐳᖅ ᑭᓇᐅᓂᑦᑎᓐᓂᒃ, ᐱᖃᓯᐅᑎᓪᓗᒍ ᐊᑐᕐᑕᐅᓚᐅᕐᓯᒪᔪᓂᒃ, ᐃᓕᖁᓯᐅᔪᓂᒃ ᐊᒻᒪᓗ ᐃᑲᔪᑎᓯᒪᓂᖏᓐᓂᒃ ᐃᓄᐃᑦ.

    ᐅᓪᓗᒥ, ᒥᓂᔅᑕ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑦ ᐊᓯᓪᓕᕐᐸᓪᓕᐊᓂᖓᓄᑦ ᐊᒻᒪᓗ ᒥᓂᔅᑕᐅᒋᓪᓗᓂ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ, ᑲᑐᕆᓐ ᒪᒃᑭᓐᓇ, Catherine McKenna, ᐃᓚᐅᓪᓗᓂ ᐱ.ᔭ. ᐊᕿᐊᕈᖅ P.J. Akeeagok,ᐃᒃᓯᕙᐅᑕᖅ ᑲᑎᒪᔨᖏᓐᓄᑦ ᕿᑭᕐᑕᓂ ᐃᓄᐃᑦ ᑲᑐᔾᔨᖃᑎᒋᖏᓐᓄᑦ, ᒪᑐᐃᕐᓯᓚᐅᕐᑐᑦ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᖁᕕᐊᓱᑕᐅᓪᓗᓂᓗ ᓄᓇᓕᖓᓂ ᖃᐅᓱᐃᑦᑐᖅ.

    ᐃᓄᒃᓄᑦ ᐃᒃᐱᒃᓇᐅᑎᔪᑦ ᐱᕚᓪᓕᐅᑎᓪᓗ ᐊᖏᖃᑎᒋᒍᑎ ᐅᑯᓄᖓ ᒐᕙᒪᒃᑯᑦ ᑲᓇᑕᒥ ᐊᒻᒪᓗ ᕿᑭᕐᑕᓂ ᐃᓄᐃᑦ ᑲᑐᔾᔨᖃᑎᒋᖏᑦ ᐱᔪᓐᓇᕐᑎᑦᑎᕗᖅ ᐃᓄᐃᑦ ᓄᓇᖃᕐᑐᑦ ᖃᓂᒋᔭᖓᓂ ᐊᒻᒪᓗ ᓄᓇᓕᐅᔪᖅ ᖃᐅᓱᐃᑦᑐᖅ ᐱᕚᓪᓕᕈᓐᓇᖁᓪᓗᒍ ᓴᕿᑕᐅᓂᖓᓄᑦ ᒥᕐᖑᐃᓯᕐᕕᒃ ᐅᓪᓗᒥ ᓯᕗᓂᒃᓴᒥᓗ.

    ᓯᕕᖓᔪᑦ ᓄᓇᖓ, ᐃᒪᕐᓱᖃᐅᕐᖢᓂᓗ ᓇᑎᕐᓇᖃᐅᕐᖢᓂᓗ ᑕᕆᐅᕐᒥᐅᑕᐃᓪᓗ, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓴᕿᑕᐅᓚᐅᕐᓯᒪᔪᖅ ᓴᐳᔾᔭᐅᓯᒪᔪᒪᓪᓗᓂ ᐊᕙᑎᖓ ᑭᖑᕕᕈᓐᓇᖏᒻᒪᑦ ᐃᓕᖁᓯᕐᓱᕐᓂᖓ ᐊᒻᒪᓗ ᐃᓕᖁᓯᐅᓚᐅᕐᑐᑦ. ᐃᒥᕐᒧᑦ ᖃᓂᒃᓴᕋᓗᐊᕐᑎᓪᓗᒍ, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐸᓂᕐᑑᕗᖅ. ᓄᓇᕐᔪᐊᕐᒥ ᐃᓚᒋᔭᐅᒍᓗᐊᕐᑎᓪᓗᒍ ᐸᓂᕐᑐᓄᑦ ᐊᒃᓱᕈᕐᓇᕐᑐᓄᓪᓗ, ᐅᓄᕐᑐᑦ ᐆᒪᔪᐃᑦ ᐃᓂᖃᕐᐳᑦ ᑕᕙᓂ. ᓴᐳᔾᔭᐅᓯᒪᓕᓚᐅᕐᑐᖅ ᓇᓗᓇᐃᕐᑕᐅᓯᒪᓪᓗᓂ ᑲᓇᑕᒥ ᒥᕐᖑᐃᓯᕐᕕᓕᕆᓂᕐᒧᑦ ᐱᖁᔭᐃᑦ 2015-u, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓴᕿᑕᐅᕗᖅ ᐱᓕᕆᐊᖑᓂᖓᓄᑦ ᑲᑐᔾᔨᓪᓗᑎᒃ, ᒐᕙᒪᒃᑯᑦ ᑲᓇᑕᒥ ᐊᒻᒪᓗ ᒐᕙᒪᒃᑯᑦ ᓄᓇᕗᑦᒥ ᓴᐳᔾᔭᐅᓯᒪᓪᓗᓂ ᐊᔾᔨᐅᖏᑦᑐᓂᖓᓄᑦ. ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐊᐅᓚᑕᐅᕗᖅ ᐃᑲᔪᕐᑎᒌᒃᖢᑎᒃ ᐊᖁᑕᐅᓪᓗᑎᒃ ᐃᓄᐃᑦ ᖃᐅᓱᐃᑦᑐᖅ ᒥᕐᖑᐃᓯᕐᕕᒃ ᐊᐅᓚᑕᐅᓂᖓᓄᑦ ᑲᑎᒪᔨᖏᑦ.

    ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᑕᕙᓂ ᑐᒃᑐᓕᐊᕐᕕᒃ ᕿᑭᕐᑕᖓᓂ ᐃᒪᒋᔭᖓ ᑯᐃᓐ ᐃᓕᓴᐱ ᕿᑭᕐᑕᐃᑦ, ᑕᒫᓂ ᑲᓇᑕᐅᑦ ᑕᕆᐅᒃᑯᑦ ᐊᖁᑕᐅᔪᓐᓇᕐᑐᖅ ᑕᓪᓗᕈᑎᐅᑦ ᐃᒪᖓᒎᖓᔪᖅ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑐᕋᒐᖃᕐᑐᑦ ᓴᕿᑦᑎᔪᒪᓪᓗᑎᒃ ᒥᕐᖑᐃᓯᕐᕕᐅᔪᓂᒃ ᐊᑐᓂ ᑲᓇᑕᒥ 39 ᖑᓪᓗᑎᒃ. ᐃᓚᒋᓪᓗᓂᐅᒃ ᐊᑭᓐᓇᖓᓂ ᖁᑦᑎᒃᑐᒥ ᐃᓕᖁᓯᕐᓱᕐᑐᖅ ᐅᑭᐅᕐᑕᕐᑐᒥ ᓄᓇᖓ ᑲᓇᑕᒥ, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓴᐳᔾᔨᓯᒪᕗᖅ ᐆᒪᔪᓂᒃ ᐃᓂᒋᔭᖏᓐᓂᒃ ᑕᒃᔪᐊᕕᖏᓐᓂᒃᓗ ᑐᒃᑐᕋᓛᓂᒃ, ᐊᒻᒪᓗ ᐅᒥᖕᒪᖕᓂᒃ, ᐊᒪᕈᕐᓂᒃ, ᑎᕆᒐᓂᐊᓂᒃ, ᐊᕕᖓᕐᓂᒃ ᐊᒻᒪᓗ ᐅᑲᓕᕐᓂᒃ. ᑕᕙᓇ ᑕᑯᔪᒥᓇᕐᑐᑦ ᐊᕙᑎᖓ ᐃᓚᒋᔭᐅᕗᖅ ᐃᓅᔾᔪᑕᐅᖃᑦᑕᕐᓯᒪᓪᓗᓂᓗ ᐃᓄᒃᓄᑦ ᐊᕋᒍᒐᓴᒃᓄᑦ ᐊᒻᒪᓗ ᑲᔪᓯᓂᐊᕐᐳᖅ ᐃᓅᔾᔪᑕᐅᓗᓂ ᐃᓄᐃᑦ ᐃᓕᖁᓯᖏᓐᓄᓪᓗ ᐊᒃᑐᐊᓂᖃᕐᓗᓂ.

    ᑲᓇᑕᒥ ᓄᓇᐅᔪᑦ ᓴᐳᔾᔭᐅᓯᒪᔪᑦ ᐱᓪᓚᕆᐅᒃᒪᑕ ᐃᑲᔫᑕᐅᓪᓗᑎᒃᓗ ᐋᕿᒋᐊᖃᕐᑐᖃᓐᓂᕈᓂ ᓯᓚᐅᑦ ᐊᓯᓪᓕᕐᐸᓪᓕᐊᓂᖓᓄᑦ ᐃᒃᐱᒃᓇᐅᑎᔪᓄᑦ ᓴᐳᔾᔭᐅᓯᒪᓗᓂ ᐱᑕᖃᐃᓐᓇᕐᑎᑕᐅᓇᓱᒃᓗᓂᓗ ᐊᕙᑎᖓ ᑭᓱᖃᕐᓂᖏᓪᓗ ᐊᒻᒪᓗ ᐆᒪᔪᖏᑦ ᐅᓗᕆᐊᓇᕐᑐᒦᑦᑐᑦ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᖏᕐᓯᒪᔪᑦ ᑲᔪᓯᑎᑦᑎᓂᐊᕐᖢᑎᒃᓗ ᐊᐅᓚᓂᐅᔪᓂᒃ ᑲᓇᑕᒥ ᐃᓕᖁᓯᐅᔪᒃᑯᑦ ᓄᓇᒋᔭᐅᔪᓂᒃ ᐃᓕᓴᕆᔭᐅᔾᔪᑕᐅᓪᓗᑎᒃ ᐃᓄᐃᑦ ᑲᓇᑕᒥ ᐃᓚᐅᓂᕆᔭᖏᓐᓂᒃ ᐊᒻᒪᓗ ᐃᓕᖁᓯᖏᑎᒍᑦ ᐊᑐᕐᑕᐅᓯᒪᓂᖓᓂᒃ ᐊᔾᔨᐅᖏᑦᑐᑦ ᓄᓇᐅᔪᑦ.

    ᐅᖃᕐᑕᐅᓯᒪᔪᑦ

    “ᐅᐱᒍᓱᑦᑎᐊᕐᑐᖓ ᒪᑐᐃᕐᓯᖃᑕᐅᔪᓐᓴᕋᒪ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ. ᑖᓐᓇ ᓄᑖᖑᔪᖅ ᓴᕿᑕᐅᓵᕐᑐᖅ ᓴᐳᔾᔭᐅᓯᒪᔪᖅ ᐱᕕᖃᕐᑎᑦᑎᒃᒪᑦ ᑲᓇᑕᒥᐅᓂᒃ ᐃᓄᖏᓐᓂᒃᓗ ᓄᓇᕐᔪᐊᕐᒥ ᖃᐅᔨᔪᓐᓇᖁᓪᓗᒋᑦ ᑲᔾᔮᕐᓇᕐᓂᖓᓂᒃ ᑐᒃᑐᓕᐊᕐᕕᒃ ᕿᑭᕐᑕᖓ ᓄᓇᖓᓗ, ᐊᒻᒪᓗ ᐅᓂᒃᑳᖏᑦ ᐃᓄᖏᑕ ᖃᐅᔨᔭᐅᓗᑎᒃ. ᐱᓪᓚᕆᐅᒋᕗᖅ ᓴᐳᔾᔭᐅᓯᒪᓗᓂ ᐊᒃᑐᐊᓂᖃᕐᓂᖓᓄᑦ ᐃᓕᖁᓯᖏᓐᓄᑦ ᐱᖁᓯᖏᓐᓄᓪᓗ ᐃᓄᐃᑦ. ᑭᒐᕐᑐᕐᖢᒋᑦ ᒐᕙᒪᒃᑯᑦ ᑲᓇᑕᒥ, ᖁᔭᓕᔪᖓ ᑕᐃᒃᑯᓄᖓ ᐃᓚᐅᖃᑕᐅᓚᐅᕐᑐᓄᑦ ᓴᕿᑕᐅᓇᓱᒃᑎᓪᓗᒍ ᑲᓇᑕᒥ 45−ᒋᔭᐅᔪᖅ ᒥᕐᖑᐃᓯᕐᕕᐅᓪᓗᓂ. ᐃᑲᔪᕐᑎᒌᒃᓂᒃᑯᑦ ᒐᕙᒪᒃᑯᑦ ᑲᓇᑕᒥ ᐊᒻᒪᓗ ᕿᑭᕐᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᓕᖓᓗ ᖃᐅᓱᐃᑦᑐᖅ, ᒐᕙᒪᒃᑯᑦ ᓄᓇᕗᑦ, ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓴᐳᔾᔭᐅᓯᒪᓕᕐᐳᖅ ᐱᕙᓪᓕᐅᑎᒃᓴᐅᖁᓪᓗᒍ ᒫᓐᓇ ᓯᕗᓂᒃᓴᒥᓗ ᐃᓄᓂᐊᕐᑐᓄᑦ.”

    ᓂᕈᐊᕐᑕᐅᓯᒪᔪᖅ ᑳᑐᕆᓐ ᒪᒃᑭᓐᓇ The Honourable Catherine McKenna,
    ᒥᓂᔅᑕᐅᔪᖅ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑦ ᐊᓯᓪᓕᕐᐸᓪᓕᐊᓂᖓᓄᑦ ᐊᒻᒪᓗ ᒥᓂᔅᑕᐅᔪᖅ ᑲᒪᒋᔭᖃᕐᖢᓂ
    ᒥᕐᖑᐃᓯᕐᕕᓕᕆᔨᒃᑯᓐᑦ ᑲᓇᑕᒥ

    “ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐱᓪᓚᕆᐅᓯᒪᒃᒪᑦ ᐃᓕᖁᓯᖏᑎᒍᑦ ᓇᔪᕐᑕᐅᓯᒪᓪᓗᓂ ᐃᓄᒃᓄᑦ ᐊᔾᔨᒌᖏᑦᑐᓄᑦ ᐊᕋᒍᒐᓴᒃᓄᑦ. ᐆᒪᔪᐃᑦ ᑕᒫᓃᑦᑐᑦ, ᐱᖃᓯᐅᑎᓪᓗᒋᑦ ᑐᒃᑐᕋᓛᑦ, ᐃᓅᔾᔪᑕᐅᓯᒪᕗᑦ ᐃᓄᒃᓄᑦ ᐊᕋᒍᒐᓴᒃᓄᑦ ᑕᐅᓴᓄᑦ. ᒪᑐᐃᕐᑕᐅᓂᖓ ᐊᒻᒪᓗ ᖃᐅᓱᐃᑦᑐᖅ ᐃᓄᒃᓄᑦ ᐃᒃᐱᒃᓇᐅᑎᔪᑦ ᐱᕚᓪᓕᐅᑕᐅᔪᓪᓗ ᐊᖏᖃᑎᒌᒍᑎ ᐱᒋᐊᕐᕕᐅᓂᐊᕐᐳᖅ ᐃᓄᒃᓄᑦ ᐊᒻᒪᓗ ᓄᓇᓕᖓᓄᑦ ᖃᐅᓱᐃᑦᑐᖅ ᑲᔪᓯᔪᓐᓇᖁᓪᓗᒋᑦ ᐱᕚᓪᓕᐅᑕᐅᔪᓂᒃ ᒥᕐᖑᐃᓯᕐᕕᒃ ᐃᓄᓂᐊᕐᑐᓄᑦ ᓯᕗᓂᑦᑎᓐᓄᑦ.”

    ᐱ.ᔭ. ᐊᕿᐊᕈᖅ P.J. Akeeagok,
    ᐃᒃᓯᕙᐅᑕᖅ ᕿᑭᕐᑕᓂ ᐃᓄᐃᑦ ᑲᑐᔾᔨᖃᑎᒋᖏᑦ

    ᖃᐅᔨᒪᔭᒃᓴᐃᑦ

    • ᐊᑎᖓ ᖃᐅᓱᐃᑦᑐᖅ ( ᑕᐃᔭᐅᓪᓗᒥᓂ ᖃᐅᓱᐃᑦᑐᖅ) ᑐᑭᖃᕐᑐᖅ “ᓄᓇᐅᔪᖅ ᓯᑭᓂᕐ ᖃᐅᖃᑦᑕᖏᑕᖓ” ᐃᓄᒃᑎᑐᑦ, ᐱᔾᔪᑎᖃᕐᑐᖅ ᓯᑭᓐᓂᕐᓂᖓ ᓯᕿᓂᐅᑦ ᓴᕿᔮᕈᓐᓂᓃᕐᖃᑦᑕᕐᒪᑦ ᑕᕿᒐᓴᒃᓄᑦ ᐅᑭᐅᒃᑯᑦ.
    • ᐃᑦᑕᕐᓂᓴᓕᕆᓂᕐᒧᑦ ᖃᐅᔨᓴᕐᑕᐅᑎᓪᓗᒍ ᓇᓂᓯᖃᑦᑕᕐᓯᒪᔪᑦ ᓄᓇᑐᕐᓕᕕᓂᕐᓂᒃ ᑐᒃᑐᓕᐊᕐᕕᒃᒥ ᕿᑭᕐᑕᖓᓂ ᐊᕋᒍᐃᑦ 4500 ᐊᓂᒍᕐᑐᓂ ᐱᖃᓯᐅᑎᓪᓗᒋᑦ ᑐᓃᑦ, ᑐᓂᔾᔪᐊᓪᓗ ᐃᓄᐃᓪᓗᑦ.
    • ᐃᓄᒃᓄᑦ ᐃᒃᐱᒃᓇᐅᑎᔪᑦ ᐊᒻᒪᓗ ᐱᕚᓪᓕᐅᑎᔪᑦ ᐊᖏᖃᑎᒌᒍᑎ ᐱᔭᕆᐊᖃᕐᑎᑕᐅᓚᐅᕐᑐᖅ ᒪᓕᒃᓗᒋᑦ ᓄᓇᕗᑦ ᐊᕈᑕᐅᔪᑦ ᒐᕙᒪᒃᑯᑦ ᑲᓇᑕᒥ ᓴᕿᑎᑦᑎᓇᓱᒃᑎᓪᓗᒋᑦ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃᒥᒃ
    • ᐃᓄᒃᓄᑦ ᐃᒃᐱᒃᓇᐅᑎᔪᑦ ᐊᒻᒪᓗ ᐱᕚᓪᓕᐅᑎᔪᑦ ᐊᖏᖃᑎᒌᒍᑎᑦ ᐋᔨᕈᑕᐅᖃᑦᑕᓚᐅᕐᑐᑦ ᐃᓄᐃᑦ ᐱᕚᓪᓕᖁᓪᓗᒋᑦ ᐱᕕᖃᕐᑎᑕᐅᓗᑎᒃᓗ ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓴᕿᑕᐅᓂᖓᓄᑦ, ᐊᒻᒪᓗ ᑐᑭᒥᐊᒍᑕᐅᓪᓗᑎᒃ ᓄᓇᕗᑦ ᐊᖏᖃᑎᒌᒍᑎᑦ.
    • ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᓴᐅᔾᔨᓯᒪᕗᖅ ᐊᖏᔪᓂ ᓄᓇᐅᔪᓂᒃ ᐃᓕᖁᓯᕐᓱᕐᑐᓂᒃ ᐊᒻᒪᓗ ᐃᓅᓯᖃᕐᕕᐅᓚᐅᕐᑐᓂᒃ ᐱᖃᓯᐅᑎᓪᓗᒍ 46 ᑲᓇᑕᒥ ᒥᕐᖑᐃᓯᕐᕕᐅᔪᑦ, 171 ᐃᓕᖁᓯᖃᕐᕕᐅᓂᑰᔪᑦ, ᑎᓴᒪᑦ ᑕᕆᐅᖓᓂ ᓴᐳᔾᔨᓯᒪᓂᐅᔪᑦ ᐊᒻᒪᓗ ᐊᑕᐅᓯᖅ ᑲᓇᑕᒥ ᐃᓄᒋᐊᕐᑐᓂ ᒥᕐᖑᐃᓯᕐᕕᒃ..

     

    ᑎᑎᕋᕐᓯᒪᔪᑦ ᑕᑯᔭᐅᔪᓐᓇᕐᑐᑦ

    ᖃᓄᐃᓕᖓᓂᕕᓂᐊ: ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ
    ᐃᓄᒃᑎᑐᑦ ᑎᑎᕋᕐᓯᒪᔪᑦ

    ᑕᑯᔭᐅᔪᓐᓇᕐᒥᔪᑦ ᐅᕙᓂ

    ᖃᐅᔨᒋᐊᕐᕕᒃ

    Marie-Pascale Des Rosiers
    Office of the Minister of Environment and Climate Change
    613-462-5473
    marie-pascale.desrosiers@canada.ca

    Media Relations
    Parks Canada Agency
    855-862-1812
    pc.media@pc.gc.ca