ᐱᕙᑦᓕᐊᔪᑎᒍᑦ ᓴᕿᑕᐅᔪᑦ — ᑐᓴᕐᑕᐅᑲᐅᑎᒋᒋ ᐊᓖᑦ

ᑲᓇᑕᐅᑉ ᒐᕙᒪᑯᖏᑦ ᐊᒻᒪᓗ ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᖏᑦ ᐊᑎᓕᐅᖃᑎᒌᓚᐅᕐᑐᑦ ᓴᕿᑦᑎᕙᑦᓕᐊᓂᐊᕐᒪᑕ ᐃᓄᒃᓄᑦ ᐊᐅᓚᑕᐅᒻᒪᕆᒃᓗᑎᒃ ᓇᒃᒥᓂᖅ ᑕᑯᔭᒃᓴᖃᕐᑎᑦᑎᓂᐊᕐᓂᖏᓐᓂᒃ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ.

ᑕᒪᓐᓇ ᑭᓇᐅᔭᖅ $23−ᒥᓕᐊᓐ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑦ ᐃᑲᔪᕈᑕᐅᔪᖅ ᐃᓄᒃᓄᑦ ᐊᐅᓚᑕᐅᒻᒪᕆᒃᓗᑎᒃ ᑲᓇᑕᒥ ᐃᑦᑕᕐᓂᑕᓕᕆᓂᑯᑦ ᓄᓇᕗᑉᒥ.

ᐅᓂᑳᕐᑕᐅᕙᒃᑐᑐᖃᐅᒃᒪᑕ ᑕᑯᐊᑦ ᕗᕋᐃᖕᓕᓐ ᐊᐅᓚᖅᓂᖓ ᐃᓄᒃᓂᑦ ᖃᐅᔨᒪᔭᐅᒃᒪᑕ ᑕᒪᓂᓚᐅᕐᓯᒪᒃᒪᑕ, ᑐᑭᓯᓇᓱᐊᕐᑐᑦ ᐅᑭᐅᖅᑕᖅᑐᒥᒃ ᖃᓄᖅᓗ ᐊᖁᑎᖃᓕᕈᓐᓇᕐᓂᖏᑦ ᐅᒥᐊᕐᔪᐊᑯᑦ. ᑕᐃᒪᖓᓂᑦ, ᐃᓄᐃᑦ ᐅᓂᑲᐅᓯᖃᖃᑕᕐᓯᒪᒃᒪᑕ ᓱᓕᕆᓚᐅᕐᓂᖏᓐᓂᒃ ᑕᑯᐊᑦ ᐅᒥᐊᕐᔪᐊᕐᒥᐅᑕᐃᑦ ᐊᔪᓕᕐᑎᑦᓗᒋᑦ ᐅᒥᐊᕐᔪᐊᖃᕈᓐᓇᐃᕐᒪᑕ ᐱᖁᑎᒃᑎᒃ ᐃᓚᖏᑦ ᕿᒪᓚᐅᕐᒪᑦᔪᒃ ᐅᒥᐊᕐᔪᐊᕕᓂᕐᓄᑦ. ᑕᒪᐃᑎᒍᑦ, ᐅᓂᑳᕐᑕᐅᓂᖓᒍᑦᓗ ᐱᖁᑎᑐᖃᐃᑦᓗ ᐃᓗᐊᓃᑦᑐᑦ ᖃᓄᖅ ᐊᑐᖃᐅᖃᑦᑕᓚᐅᕐᓂᖏᓐᓂᒃ ᐅᒥᐊᕐᔪᐊᕕᓂᑦᓗ ᓇᒥ ᐊᔪᓕᓚᐅᕐᒪᑕ.

ᒪᔨ 2, ᓂᕐᑐᖅᓇᕐᑐᖅ ᓯᑏᕙᓐ ᒋᓪᐳ, ᒥᓂᔅᑕ ᐊᕙᑎᓕᕆᓂᕐᒧᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᓪᓗ ᑲᓇᑕᒥ ᐊᒻᒪᓗ ᒥᓂᔅᑕ ᑲᒪᔪᖅ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ, ᐊᒻᒪᓗ ᕋᐳᑦ ᒍᕆᓐᓕ, ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᑦ ᐃᓱᒪᑕᖓᑦ ᐊᑎᓕᐅᓚᐅᕐᐳᑦ ᐅᑭᐅᓄᑦ ᖁᓕᓄᑦ ᐊᑐᕐᓂᐊᕐᑐᒥᒃ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑦ ᑕᑯᓂᖓ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᑦᑕᕐᓂᑕᓕᕆᓂᑯᑦ ᐱᓕᕆᐊᕆᓗᓂᑦᔪᒃ, ᑕᒪᓐᓇ ᐅᒦᔭᕈᑕᐅᔪᕕᓃᒃ ᓇᔪᕐᑕᖓᑦ ᑐᑭᓯᔭᐅᓯᒪᔪᒪᑦᓗᐊᕐᒪᑦ ᓄᓇᕐᔪᐊᒥᐅᓗᒃᑖᓂᑦ ᐅᑭᐅᓄᑦ ᐊᒥᓱᓄᑦ.

ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑦ ᐊᑐᕐᓂᐊᕐᑕᖏᑦ ᑕᑯᐊᑦ ᐊᖏᕈᑎᑯᑦ ᓴᕕᑕᐅᔪᑦ ᑭᓇᐅᔭᑦ ᐃᑲᔪᕐᑎᒌᒃᓗᑎᒃ ᑲᓇᑕᒥ ᒥᕐᖑᐃᓯᕐᕕᓕᕆᔨᑯᑦ ᐃᓄᐃᑦᓗ ᐱᓕᕆᖃᑎᒌᒃᓂᐊᕐᓗᑎᒃ. ᑐᓴᐅᒪᖃᑎᒋᒃᓗᑎᒃ ᐊᒻᒪᓗ ᕗᓂᒃᓴᒧᑦ ᐊᑐᕐᓂᐊᕐᑕᒥᓐᓂᒃ ᐊᕿᓱᐃᖃᑎᒌᖃᑦᑕᖅᓗᑎᒃ, ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᓄᒃᓄᑦ ᐊᐅᓚᑕᐅᒻᒪᕆᒃᓗᑎᒃ ᑲᓇᑕᒥ ᐃᑦᑕᕐᓂᑕᓕᕆᓂᑯᑦ. ᐊᖏᕈᓯᐅᕐᓯᒪᔪᖅ ᐃᑲᔪᕐᑐᐃᓂᐊᕐᐳᖅ ᑭᓇᐅᔭᓕᐅᕈᑕᐅᓗᓂ ᓴᓇᔪᑕᐅᓗᓂ ᐅᖅᓱᖅᑐᖅᒥᐅᓂᑦ ᐊᒻᒪᓗ ᐃᖃᓗᒃᑐᑦᑎᐊᖅᒥᐅᓂᑦ ᐃᓄᐃᑦ ᓇᒃᒥᓂᖃᕐᑐᑦ ᐱᓕᕆᕕᒃᔪᐊᕐᓂᒃ ᐊᑐᕐᑕᐅᓂᐊᕐᒪᑕ ᐱᓕᕆᑎᑕᐅᓂᐊᕐᒪᑕ, ᐃᓄᐃᑦ ᐃᓕᖁᓯᑐᖃᑯᑦ ᐃᑦᑕᖅᓂᑕᓕᕆᓂᑯᑦᓗ ᑭᓇᐅᔭᖁᑎᖏᑦ, ᐃᓄᒃᓂᒃ ᓴᓇᓂᑯᑦ ᐃᓕᓐᓂᐊᕐᑎᑦᑎᕙᑦᓕᐊᔪᑕᐅᓂᐊᕐᐳᑦ, ᑕᑯᐊᑦ ᐅᒦᔭᕈᑕᐅᔪᕕᓃᒃ ᐱᓕᕆᐊᖑᕙᑦᓕᐊᓂᐊᕐᓂᖏᓐᓂ.

ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᖏᑦ ᐊᒻᒪᓗ ᓇᑦᑎᓕᒃ ᐃᑦᑕᖅᓂᑕᓕᕆᔨᑦ ᑲᑐᑦᔨᖃᑎᒋᑦ, ᐅᖅᓱᖅᑐᒥ, ᑭᓇᐅᔭᕐᑖᕐᑎᑕᐅᓂᖓᕐᒪᑕ $23−ᒥᓕᐊᓐ ᐅᖓᑕᓂ ᐊᑐᕐᓂᐊᕐᑕᖓᑦ ᐊᕿᓱᐃᓗᑎᒃ ᐊᐅᓚᑦᑎᓗᑎᒃᓗ ᒥᕐᖑᐃᓯᕐᕕᐅᓂᐊᕐᑎᑦᓗᒍ ᑲᓇᑕᒥ ᐱᓕᕆᖃᑎᒋᒃᓗᑎᒃ. ᑭᓇᐅᔭᑦ ᐊᑐᕐᑕᐅᓂᐊᖓᕐᑐᑦ ᐊᑭᓕᕐᑐᕐᑕᐅᓗᑎᒃ ᓴᓇᔪᑦ, ᐃᖏᖃᑎᑕᐅᓂᖓᓄᑦᓗ, ᑐᓕᐅᕐᑕᐅᕙᑦᓕᐊᓂᖓᓄᑦᓗ, ᒥᐊᓂᕆᔭᐅᑦᑎᐊᕆᐊᖃᕐᓂᖓᓄᑦᓗ ᑕᑯᐊᑦ ᐅᒦᔭᕈᑕᐅᔪᕕᓃᒃ ᓇᒥ ᑐᕋᕐᑕᕐᕕᖃᕐᓂᐊᕐᐸᑦ ᑕᑯᔭᕐᑐᖃᑦᑕᖅᓂᐊᕐᑐᑦ ᐅᒦᔭᕈᑕᐅᔪᕕᓃᒃᓗ ᒥᐊᓂᕆᔭᐅᑦᑎᐊᕐᓗᑎᒃ. ᐃᓄᐃᑦ ᐅᓂᑲᕐᑎᑕᐅᖃᑦᑕᖅᓂᐊᕐᑐᑦ ᖃᓄᖅ ᐊᑐᕐᑕᐅᓚᐅᕐᓂᖏᓐᓂᒃ ᑐᓴᐅᒪᔭᐅᓕᕐᐸᑦᓕᕐᓂᐊᕐᒪᑕ ᕗᕋᐃᖕᓕᓐ ᓱᓇᓂᒃ ᐱᓕᕆᐊᖃᓚᐅᕐᓂᖏᓐᓂᒃ ᐃᓄᐃᑦᓗ ᐃᓕᖁᓯᑐᖃᖏᓐᓂᒃ ᖃᐅᔨᒪᓂᖏᓐᓂᒃᓗ ᐊᑐᕐᑎᑕᐅᓚᐅᕐᒪᑕ ᐊᓐᓂᐊ ᐅᒪᓇᓱᐊᕐᓂᖏᓐᓄᑦ, ᐊᖑᓇᓱᐊᕐᓂᑯᑦ, ᐃᓄᒃᐃᑦ ᐃᓕᖁᓯᖏᑦᑎᒍᑦ ᐃᓕᓐᓂᐊᕐᐸᑦᓕᐊᑉᓗᑎᒃ ᐃᑲᔪᕐᑎᒋᒃᓂᑯᑦ ᑕᐃᑉᓱᒪᓂᓗ ᐃᓄᐃᑦᓗ ᕗᕋᐃᖕᓕᓐᓗ ᖃᓄᖅ ᐃᑲᔪᕐᑎᒌᓚᐅᕐᐸᑦ ᐱᓕᕆᖃᑎᒌᓚᐅᕐᐸᑦ ᖃᓄᖅᓗ ᐃᓄᐃᑦ ᓄᓇᖓᓐᓂᒃ ᑎᒍᓯᕙᑦᓕᐊᓚᐅᕐᒪᑕ ᐅᑭᐅᑦ 170 ᖃᖏᕐᓯᒪᓕᕐᑐᖅ.

ᑲᓇᑕᐅᑉ ᒐᕙᒪᑯᖏᑦ ᐊᒻᒪᓗ ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᖏᑦ ᓂᑉᓕᕈᒪᓕᕐᐳᑦ ᖁᔭᓐᓇᒦᕈᒪᑉᓗᒋᑦ ᑕᑯᐊᑦ ᕗᕋᐃᖕᓕᓐ ᐅᖃᐅᔾᔩᒋᐊᖅᑏᑦ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᐊᕿᓱᐃᑦᑎᐊᕐᒪᑕ ᐅᖃᐅᔪᐃᑦᑎᐊᕐᖢᑎᒃᓗ ᖃᓄᖅ ᐊᐅᓚᑕᐅᓂᐊᕐᓂᖏᓐᓂᒃ ᑕᑯᐊᒃ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᑦᑕᕐᓂᓴᖃᕐᕕᒃ ᑲᓇᑕᒥ. ᑕᑯᐊᑦ ᕗᕋᐃᖕᓕᓐ ᐅᖃᐅᔾᔩᒋᐊᖅᑏᑦ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᐊᕿᑕᐅᓯᒪᔪᑦ ᐃᓄᐃᑦ ᓄᓇᓕᒃᓂᖔᕐᑐᑦ ᑭᒡᒐᑐᕐᑎᖃᕐᖢᑎᒃ ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᖏᓐᓂᖔᕐᑐᓂᒃ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑎᖔᕐᑐᓂᒃᓗ, ᓄᓇᕗᑉ ᒐᕙᒪᑯᖏᓐᓂᖔᕐᑐᓂᒃᓗ ᐊᒻᒪᓗ ᕿᑎᖅᒥᐅᓂ ᐳᓚᕋᕐᑐᓕᕆᔨᑯᓐᓂᖔᕐᑐᓂᒃ.

ᐅᖃᖅᑕᐅᓯᒪᔪᑦ

“ᓇᓂᔭᐅᓚᐅᕐᑎᑦᓗᒋᑦ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐅᓂᑳᖃᑦᑕᖅᓯᒪᔭᖏᑦ ᐃᓄᐃᑦ ᑐᑭᓕᐅᕐᓯᒪᒃᒪᑕ ᖃᐅᔨᓴᕐᑕᐅᕙᑦᓕᐊᓂᕐᒧᑦ. ᑕᐃᒪᓕ, ᐊᑎᓕᐅᕐᑕᐅᓚᐅᕐᑎᑦᓗᒋᑦ ᐊᑐᕐᑕᐅᓂᐊᕐᑐᑦ ᐊᖏᕈᓯᐅᕐᓯᒪᓕᕐᖢᑎᒃᓗ, ᕿᑎᕐᒥᐅᑦ ᐃᓄᖏᑦ ᐱᓕᕆᖃᑎᖃᐃᓐᓇᕐᓂᐊᓕᕐᐳᑦ ᐊᐅᓚᑦᑎᖃᑕᐅᓗᑎᒃᓗ ᑕᑯᓂᖓ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᑦᑕᕐᓂᓴᖃᕐᕕᒃ ᑲᓇᑕᒥ. ᐊᖏᕈᓯᐅᕐᓯᒪᔪᑦ ᑕᑯᐊᑦ ᑲᔪᓯᕙᑦᓕᐊᑎᑦᓯᓂᐊᕐᐳᑦ ᓴᓇᔭᒃᓴᓄᑦ ᑭᓇᐅᔭᓕᐅᕐᓂᕐᒧᑦᓗ ᐃᓄᐃᑦ ᐱᓕᕆᓂᑯᑦ ᐃᑲᔪᕐᑎᒋᒃᓗᑎᒃ ᓄᓇᕗᒥ ᓯᕗᑦᓕᕐᐹᖑᓗᒍ ᑕᒪᓐᓇ ᐊᑐᕐᑕᐅᓂᐊᓕᕐᑐᖅ ᐃᓄᒃᓄᑦ ᐊᐅᓚᑕᐅᒻᒪᕆᒃᓗᑎᒃ ᑲᓇᑕᒥ ᐃᑦᑕᖅᓂᑕᓕᕆᓂᑯᑦ. ᑲᓇᑕᐅᑉ ᒐᕙᒪᑯᖏ ᓂᕆᐅᒃᐳᑦ ᓯᕗᓂᒃᓴᒥ ᐱᓕᕆᖃᑎᖃᐃᓐᓇᕐᓂᐊᕋᒥᒃ ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᖏᓐᓂᒃ ᐊᒻᒪᓗ ᓇᑦᑎᓕᒃ ᐃᑦᑕᖅᓂᑕᓕᕆᔨᑯᑦ ᑲᑐᑦᔨᖃᑎᒋᖏᓐᓂᒃ ᐱᓕᕆᖃᑎᖃᕐᓂᐊᕐᒪᑕ ᑲᓇᑕᒥᐅᓗᒃᑖᓂᒃ ᐊᒻᒪᓗ ᓄᓇᕐᔪᐊᕐᒥᐅᓕᒫᓂᒃ.”

“ᐊᖏᕈᓯᐅᕐᓯᒪᔪᖅ ᑕᒪᓐᓇ ᓴᕿᑦᑎᓂᐊᕐᐳᖅ ᐊᒥᓱᓂᒃ ᐊᖏᔪᓂᒃ, ᐅᑭᐅᓄᑦ ᓯᕗᓂᒃᓴᒥ ᐊᑐᕐᓂᐊᕐᑕᖏᓐᓂᒃ ᐱᓕᕆᖃᑎᒋᒃᓂᐊᕐᓂᖏᓐᓂᒃ ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᖏᓐᓂᒃ ᐊᒻᒪᓗ ᑲᓇᑕᐅᑉ ᒐᕙᒪᑯᖏᑦ. ᓴᕿᑕᐅᑎᑦᓗᒋᑦ ᐊᐅᓚᑦᑎᔨᓂᑦ ᐃᓄᒃᓂᑦ, ᓴᕿᑕᐅᓂᐊᕐᐳᑦ ᑕᒪᑯᐊᑦ ᓯᕗᑦᓕᕐᐸᖅ ᐃᑦᑕᕐᓂᑕᓕᕆᓂᑯᑦ ᐊᑐᕐᑕᐅᓂᐊᓕᕐᐳᖅ ᐃᑦᑕᕐᓂᓴᖃᕐᕕᒃ ᑲᓇᑕᒥ ᐊᒻᒪᓗ ᓄᓇᕗᑉ ᐃᓗᐊᓃᑦᖢᓂ ᐅᓂᑲᓕᐅᕐᑕᐅᕙᑦᓕᐊᓂᐊᕐᐳᑦ ᑕᑯᐊᑦ ᕗᕋᐃᖕᓕᓐ ᐊᐅᓚᖅᓂᖓ ᐅᒥᐊᕐᔪᐊᕐᒥᑕᐅᑕᕕᓂᑦ ᐱᓕᕆᐊᕆᓚᐅᕐᑕᖏᑦ ᑲᓇᑕᐅᑉ ᐃᓗᐊᓂᕐᒥᐅᓄᑦ ᐊᒻᒪᓗ ᓄᓇᕐᔪᐊᕐᒥᐅᓄᑦ. ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᑦᑕᕐᓂᓴᖃᕐᕕᒃ ᑲᓇᑕᒥ ᖃᓄᐃᓕᐅᕐᐸᓚᐅᕐᓂᖏᑦ ᐃᓄᐃᑦ ᑕᐃᑉᓱᒪᓂ ᐊᒻᒪᓗ ᓯᕗᓂᒃᓴᒧᑦ ᑲᔪᓯᕙᑦᓕᐊᔪᑕᐅᓂᐊᕐᒪᑕ ᐳᓚᕋᕐᑐᓕᕆᓂᖅ ᐊᖏᓕᒋᐊᕐᓂᐊᕐᐳᖅ ᓄᓇᑉᑎᓐᓂ ᕿᑎᖅᒥᐅᓂ. ᖁᕕᐊᓱᒃᐳᖓ ᐃᒃᐱᒋᑦᑎᐊᕐᖢᖓᓗ ᐊᑎᓕᐅᖃᑕᐅᓚᐅᖃᒪ ᑕᒪᑐᒧᖓ ᐊᖏᕈᑎᒧᑦ.”

“ᓇᑦᑎᓕᒃ ᐃᑦᑕᖅᓂᑕᓕᕆᓂᕐᒧᑦ ᐱᓕᕆᕕᒃᒥ ᑲᑎᒪᑉᕕᐅᖃᑦᑕᖅᐳᖅ ᓴᓇᕕᐅᖃᑦᑕᖅᖢᓂᓗ ᐃᓄᒃᓄᑦ ᐳᓚᕋᕐᑐᓄᑦᓗ ᐃᓄᐃᑦ ᐃᓕᖁᓯᖏᓐᓂᒃ ᐃᓄᓯᖏᓐᓂᒃ ᑐᑭᓯᒋᐊᕈᒪᔪᓄᑦ, ᖃᐅᔨᓴᕐᐸᓚᐅᕐᑐᓄᑦᓗ ᐊᒻᒪᓗ ᐱᖁᑎᑐᖃᕐᓄᑦ ᑕᒪᐅᖓ ᕿᒪᒃᑕᐅᕙᓚᐅᕐᑐᓄᑦ. ᑕᐃᑉᓱᒪᓂᓵᖅ, ᓇᑦᑎᓕᒃ ᐃᑦᑕᖅᓂᑕᓕᕆᓂᕐᒧᑦ ᐱᓕᕆᕕᒃᒥ ᑭᓇᐅᔭᖃᕐᑎᑕᐅᕙᓚᐅᕐᐳᖅ ᑲᓇᑕᐅᑉ ᒐᕙᒪᑯᖏᓐᓂᑦ ᐊᑐᕐᑕᐅᕙᒃᖢᑎᒃ ᐊᕿᓱᕐᑕᐅᑉᓗᑎᒃ ᐃᑦᑕᖅᓂᑕᓕᕆᓂᕐᒧᑦ ᐊᑐᕐᑕᐅᓂᐊᕐᑐᓄᑦ ᑕᑯᔭᒃᓴᖃᕐᕕᐅᓗᓂ. ᑕᑯᔭᒃᓴᖃᕐᕕᒃᒥ ᐱᖁᑎᑐᖃᑕᖃᐅᕐᐳᖅ ᑕᑯᔭᒃᓴᓂᒃ ᐅᑭᐅᖅᑕᖅᑐᒥᓗ ᖃᐅᔨᓴᕐᐸᓚᐅᕐᑐᓂᒃ ᐃᓄᐃᑦ ᐃᓕᖁᓯᑐᖃᖏᑦ ᐱᖁᓯᑐᖃᖏᑦ ᓴᖏᔪᒃᒪᑕ ᑐᑭᓯᕙᑦᓕᐊᓂᐊᕐᐳᑦ ᐅᖅᓱᖅᑐᒧᑦ ᐳᓚᕋᕐᐸᒃᑐᑦ.”

ᑐᑭᓕᐅᕐᓯᒪᖃᑕᔪᑦ

• ᓄᓇᑖᕈᑎᑎᒍᑦ ᓄᓇᕗᒻᒥ ᐊᖏᕈᓯᐅᕐᓯᒪᔪᑎᒍᑦ, ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑦ ᐱᓕᕆᓂᑯᑦ ᑭᓇᐅᔭᑦ ᐊᐃᕙᓂᑯᑦ ᑐᒃᓯᕋᕐᑕᐅᒋᐊᖃᕐᑐᑦ ᐃᓄᐃᑦ ᑲᑎᒪᔨᐅᕕᖃᕐᑐᑦ ᐊᑐᕐᑕᐅᓗᑎᒃ ᓴᕿᑦᑎᓂᐊᓵᕐᑎᑦᓗᒋᑦ ᓄᓇᕗᑉ ᐃᓗᐊᓂ ᓴᐳᑦᔭᐅᓯᒪᔪᒃᓴᓂᒃ ᓄᓇᕗᑉ ᐃᓗᐊᓂ. ᑕᐃᒪ ᓇᓂᔭᐅᓚᐅᕐᒪᑕ ᐅᒦᔭᕈᑕᐅᔪᕕᓂ ᑯᐄᓐ ᐅᒥᐅᖁᑖ ᐃᕆᐸᔅ 2014ᒥ ᐊᒻᒪᓗ ᑐᓴᕐᑎᑕᐅᓚᐅᕐᐳᑦ ᐃᓄᐃᑦ, ᑲᓇᑕᐅᑉ ᒐᕙᒪᑯᖏᑦᓗ ᑐᐊᕕᕐᓇᕐᑐᑯᑦ ᓴᕿᑦᑎᒋᐊᖃᕐᐳᑦ ᓄᓇᕗᒥ ᐊᖏᕈᓯᐅᕐᓯᒪᔪᑎᒍᑦ, ᓇᓴᐅᑎᖃᕐᑐᖅ 9.41, ᑕᑯᐊᑦ ᐅᒦᔭᕈᑕᐅᔪᕕᓂ ᓴᐳᑦᔭᐅᓯᒪᖁᑉᓗᒋᑦ ᐊᐃᕙᓂᑯᑦ ᐊᑐᕐᑐᒃᓴᓂ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑦ.
• ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑎᒍᑦ ᓴᕿᑦᑎᓂᐊᓵᕐᑎᑦᓗᒋᑦ ᐊᑎᓕᐅᕐᓂᐊᓴᕐᑎᑦᓗᒋᑦ, ᐊᐅᓚᑕᐅᓚᐅᕐᑐᒻ ᑕᒪᓐᓇ ᓄᓇᑖᕈᑎᑎᒍᑦ ᓄᓇᕗᒻᒥ ᐊᖏᕈᓯᐅᕐᓯᒪᔪᑎᒍᑦ ᑕᑯᓇᖓᑦ ᕗᕋᐃᖕᓕᓐ ᐅᖃᐅᔾᔩᒋᐊᖅᑏᑦ ᑲᑎᒪᔨᕋᓛᕆᑲᐃᓐᓇᖅᑕᖏᑦ. ᑕᑯᐊᑦ ᕗᕋᐃᖕᓕᓐ ᐅᖃᐅᔾᔩᒋᐊᖅᑏᑦ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᐊᕿᑕᐅᓯᒪᔪᑦ ᐃᓄᐃ ᓄᓇᓕᒃᓂᖔᕐᑐᑦ ᐊᒻᒪᓗ ᑭᒡᒐᕐᑐᖅᑎᖃᕐᖢᑎᒃ ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᖏᓐᓂᖔᕐᑐᓂᒃ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑎᖔᕐᑐᓂᒃᓗ, ᓄᓇᕗᑉ ᒐᕙᒪᑯᖏᓐᓂᖔᕐᑐᓂᒃᓗ ᐊᒻᒪᓗ ᐳᓚᕋᕐᑐᓕᕆᔨᑯᓐᓂᖔᕐᑐᓂᒃ ᐊᒻᒪᓗ ᑕᑯᐊᑦ ᐊᐅᓚᑦᑎᓯᐊᕐᑐᑦ ᐃᖏᕋᑎᑎᓯᐊᕐᑐᑦ ᐅᒦᔭᕈᑕᐅᔪᕕᓃᒃ ᒥᒃᓴᓐᓄᑦ.
• ᓇᓃᒪᕆᒃᒪᑕ ᖃᐅᔨᒪᔭᐅᓚᐅᖏᑦᑐᑦ ᕗᕋᐃᖕᓕᓐ ᐊᐅᓚᖅᓂᖓ ᐅᒥᐊᕐᔪᐊᕕᓃᑦ ᐅᑭᐅᓄᑦ 150 ᑕᐃᒪᓕ ᐊᖏᕋᖏᓕᕐᒪᑕ ᑕᑯᐊᑦ ᓱᕐ ᔭᓐ ᕗᕋᐃᖕᓕᓐ ᐅᒥᐊᕐᔪᐊᕐᒥᐅᑕᐃᑦ 1846ᖑᑎᑦᓗᒍ ᕿᓂᕐᖢᑎᒃ ᐅᑭᐅᖅᑕᖅᑐᒥ ᐊᑉᖁᑎᖓ ᑕᕆᐅᒃᑯᑦ. ᑕᑯᐊᒃ ᐅᒦᔭᕈᑕᐅᔪᕕᓂ ᑯᐄᓐ ᐅᒥᐅᖁᑖ ᐃᕆᐸᔅ ᓇᓂᔭᐅᓕᑕᐃᓐᓇᓚᐅᕐᐳᑦ 2014ᒥ ᐊᒻᒪᓗ ᐅᒦᔭᕈᑕᐅᔪᕕᓂ ᑯᐄᓐ ᐅᒥᐅᖁᑖ ᑎᐅᕐᕈᕐ ᓇᓂᔭᐅᓕᓚᐅᕐᐳᖅ 2016ᒥ.
• ᐅᒦᔭᕈᑕᐅᔪᕕᓂ ᑯᐄᓐ ᐅᒥᐅᖁᑖ ᐃᕆᐸᔅ ᐃᓚᓕᐅᑎᔭᐅᓕᓚᐅᕐᐳᖅ ᐃᑦᑕᕐᓂᑕᐅᖃᑕᐅᓕᕐᖢᓂ ᑲᓇᑕᒥ ᐊᕿᑕᐅᑉᓗᓂ ᐊᐅᓚᑦᑎᔨᒻᒪᕆᒃᓂᑦ ᑲᓇᑕᒥ 2015ᒥ, ᒪᓕᒐᕐᑎᒍᑦᓗ ᓴᐳᑦᔭᐅᓯᒪᓕᕐᖢᓂ ᐅᒦᔭᕈᑕᐅᔪᕕᓂ ᒪᓕᒐᖏᑦᑎᒍᑦ ᑲᓇᑕᒥ ᐃᑦᑕᕐᓂᑕᓕᕆᔨᑯᓐᓄᑦ ᒪᓕᒐᒻᒪᕆᖏᑦᑎᒍᑦ. ᐅᒦᔭᕈᑕᐅᔪᕕᓂ ᑯᐄᓐ ᐅᒥᐅᖁᑖ ᑎᐅᕐᕈᕐ ᐃᓚᓕᐅᑎᔭᐅᓕᓚᐅᕐᐳᖅ 2017ᒥ, ᐊᑐᓕᕐᑎᑕᐅᖁᔭᖏᑦ ᐊᕿᑕᐅᖁᔭᖏᑦ ᒪᓕᒃᑕᐅᑉᓗᑎᒃ ᑕᑯᐊᑦ ᕗᕋᐃᖕᓕᓐ ᐅᖃᐅᔾᔩᒋᐊᖅᑏᑦ ᑲᑎᒪᔨᕋᓛᕆᑲᐃᓐᓇᖅᑕᖏᑦ.
• ᑕᑯᐊᒃ ᐅᒦᔭᕈᑕᐅᔪᕕᓃᒃ ᑯᐄᓐ ᐅᒥᐅᖁᑖ ᐃᕆᐸᔅ ᐊᒻᒪᓗ ᑯᐄᓐ ᐅᒥᐅᖁᑖ ᑎᐅᕐᕈᕐ ᓇᔪᕐᑕᖏᑦ ᑭᑯᑐᐃᓐᓇᕐᓄᑦ ᑕᑯᔭᕐᑐᕐᑕᐅᖁᔭᐅᖏᑦᑐᑦ ᒪᓐᓇᒧᑦ ᑭᓯᐊᓂᒃ ᐱᔪᓐᓇᐅᑎᖃᕐᑎᑕᐅᓗᑎᒃ ᑕᑯᔭᕐᑐᕐᑎᑕᐅᔪᓐᓇᕐᑐᑦ ᓴᐳᑦᔭᐅᓯᒪᓂᖏᓐᓄᑦ; ᑭᓯᐊᓂᒃᑕᐅᖅ, ᒥᕐᖑᐃᓯᕐᕕᓕᕆᔨᑯᑦ ᑲᓇᑕᒥ ᐊᒻᒪᓗ ᓇᑦᑎᓕᒃ ᑕᑯᔭᖃᕐᕕᐊᓂ ᑲᑐᑦᔨᖃᑎᒋᖏᑦ ᐊᕿᓱᐃᕙᑦᓕᐊᔪᑦ ᖃᓄᖅ ᐊᕿᐅᒪᑎᑕᐅᓂᐊᕐᓂᖓᓂᒃ ᑕᑯᔭᕐᑐᖃᑦᑕᕐᓂᐊᕐᑐᓄᑦ ᑕᒪᓐᓇ ᒪᓕᒐᑯᑦ ᓴᐳᑦᔭᐅᓯᒪᓂᖓᑦ ᓴᖏᔪᒃᒪᑦ ᐅᒦᔭᕈᑕᐅᔪᕕᓃᒃ ᑐᕋᖓᔪᖅ.
• ᐃᓄᐃᑦ ᐱᔪᓐᓇᐅᑎᑖᕈᓐᓇᕐᑐᑦ ᐊᖑᓇᓱᐊᕐᓂᕐᒧᑦ ᖃᓂᒋᔭᖓᓂ ᑕᑯᐊᑦ ᓄᓇᕗᒥ ᐊᖏᕈᓯᐅᕐᓯᒪᔪᑎᒍᑦ.

ᑎᑎᖃᑦ ᐱᒻᒪᕆᖁᔪ ᑕᑯᓄᖓ ᑐᕋᖓᔪᑦ

ᖃᓄᐃᓕᐅᖅᐸᓪᓕᐊᓂᐅᓯᒪᔪᑦ

ᐊᕙᑕᓂᑦ ᐱᓕᕆᖃᑎᒋᒃᑐᑦ

• ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ (Parks Canada) (ᖃᓪᓗᓈᑎᑐᑦ ᑭᓯᐊᓂ)
• ᕗᕋᐃᖕᓕᓐ ᐊᐅᓚᖅᓂᖓ - ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ (The Franklin Expedition - Parks Canada) (ᖃᓪᓗᓈᑎᑐᑦ ᑭᓯᐊᓂ)
• ᐃᒪᐅᑉ ᐃᓄᐊᓂ ᐃᓂᑐᖅᓂᑐᖃᓕᕆᔨᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ (Underwater Archaeology at Parks Canada) (ᖃᓪᓗᓈᑎᑐᑦ ᑭᓯᐊᓂ)
• ᓄᓇᑖᕈᑎᑎᒍᑦ ᓄᓇᕗᒥ ᐊᖏᕈᓯᐅᕐᓯᒪᔪᑎᒍᑦ (Nunavut Agreement) (ᖃᓪᓗᓈᑎᑐᑦ ᑭᓯᐊᓂ)
• ᕿᑎᖅᒥᐅᑦ ᐃᓄᐃᑦ ᑲᑐᑦᔨᖃᑎᒋᖏᑦ (Kitikmeot Inuit Association) (ᖃᓪᓗᓈᑎᑐᑦ ᑭᓯᐊᓂ)

ᑐᑭᓯᒋᐊᕈᑎᒃᓴᑦ

ᑲᐃᓕᓐ ᐸᐅᕙ
ᐱᕙᓪᓕᐊᔪᓄᑦ ᐱᓕᕆᔨ
ᒥᓂᔅᑕ ᐊᕙᑎᓕᕆᓂᕐᒧᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᓪᓗ ᑲᓇᑕᒥ ᑎᑎᕋᕐᕕᐊᓂ
819-230-1557
kaitlin.power@ec.gc.ca

ᐱᕙᑦᓂᐊᔪᓄᑦ ᐊᕿᓱᐃᔨᑦ
ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ
855-862-1812
pc.media@pc.gc.ca