ᖁᑦᑎᓂᖅᐹᖅ ᑲᓇᑕᒥ ᒥᕐᖑᐃᓯᕐᕈᕕᓕᕆᔩᑦ ᐊᐅᓚᑦᓯᓂᕐᒧᑦ ᐸᕐᓇᐅᑎᖓ, 2023

ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓄᑦ ᐃᑲᔫᖅᑕᐅᔾᔪᑎᒃᓴᖏᓄᓪᓗ ᐊᖏᕈᑦ ᒪᓕᓪᓗᒍ ᐊᐅᔪᐃᑦᑐᖅ, ᖁᑦᑎᒃᑐᖅ ᐊᒻᒪ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᖏᑦ (ᕿᑭᖅᑖᓗᖕᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎ), ᑲᑐᔾᔨᖃᑎᒌᑦ ᒥᕐᖑᐃᓯᕐᕕᓕᕆᔨᒃᑯᑦ ᐊᐅᓚᑦᑎᔨᑦ ᑲᑎᒪᔨᕋᓛᑦ ᐊᓕᐊᓇᐃᒍᓱᒃᐳᑦ ᐊᖏᕈᓐᓇᕐᒪᑕ ᖁᑦᑎᒃᑐᖅ ᑲᓇᑕᒥ ᒥᕐᖑᐃᓯᕐᕕᖓᑕ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂᑦ.

ᐊᑎᓕᐅᖅᑕᖅ ᑭᒡᒐᖅᑐᐃᔪᒧᑦ ᑲᑎᒪᔨᕋᓛᓂᑦ ᐆᒧᖓ:

ᐊᐅᓚᑦᓯᓂᕐᒧᑦ ᓇᐃᒃᓕᒋᐊᕐᓯᒪᔪᑦ

ᓇᓃᓂᖓ ᐊᐅᓱᐃᑦᑑᑉ ᕿᑭᑕᖓᑕ ᐅᐊᖕᓇᕐᐸᓯᐊᓃᑦᑐᖅ, ᖁᑦᑎᓂᕐᐹᖅ ᒥᕐᖑᐃᓯᕐᕕᒃ ᑲᓇᑕᐅᑉ ᐅᐊᖕᓇᐸᓯᐊᓃᓛᖅ ᒥᖑᐃᓯᕐᕕᐅᔪᓂ, ᑭᒡᒐᖅᑐᐃᔪᑦ ᖁᑦᑎᓂᕐᐹᖅ ᑲᓇᖕᓇᕐᐸᓯᐊᓃᑦᑐᓂᑦ ᓱᓐᓂᕐᓯᒪᖏᑐᖅ ᑲᓇᑕᐅᑉ ᒥᕐᖑᐃᓯᕐᕕᖏᓐᓂᒃ ᐸᕐᓇᐅᑎᑦ. ᓴᖅᑭᑕᐅᒋᐊᖓᓚᐅᖅᑐᖅ ᒥᕐᖑᐃᓯᕐᕕᒃ 1988ᒥ, ᖁᑦᑎᓂᕐᐹᖅ ᒥᕐᖑᐃᓯᕐᕕᒃ ᑲᓇᑕᒥ ᐊᖏᓂᖓ ᑭᒃᐹᕆᒃᑐᒥᑦ ᐊᖏᓂᓕᒃ 37,775 ᑭᓛᒥᑕᓂᑦ ᑲᓇᑕᐅᑉ ᐊᖏᓂᕐᐹᖓᑕ ᒥᓐᖑᐃᓯᕐᕖᑦ ᑐᖓᓃᑦᑐᖅ. ᓄᓇᖓ ᒥᖑᐃᓯᕐᕕᐅᑉ ᐅᓕᒃᑕᐅᓯᒪᓂᕐᓴᐅᔪᖅ ᓯᕐᒥᕐᓄᑦ ᐊᒻᒪ ᖃᖃᕐᓄᑦ ᐊᒻᒪ ᐱᑕᖃᕆᓗᓂ ᐊᔨᒌᖏᑐᓂᒃ ᐱᑐᐃᓇᐅᖏᑐᓂᒃ ᐊᕙᑎᐅᑉ ᖃᓄᐃᖏᓯᐊᕐᓂᖓᓂᒃ, ᓴᕿᑎᓯᓗᓂ ᓴᐳᑎᔭᐅᓯᒪᓂᖏᓂᒃ ᐅᒪᒧᑦ ᐊᔨᒌᖏᑐᑏᑦ.

ᑲᑐᔾᔨᖃᑎᒌᓐᓂᒃᑯᑦ, ᑲᓇᑕᒥ ᒥᕐᖑᐃᓯᕐᕕᓕᕆᔨᑯᑦ ᐃᓄᐃᓪᓗ ᐊᐅᓚᑦᑎᔨᐅᕗᑦ ᖁᑦᑎᓂᕐᐹᑉ ᒥᕐᖑᐃᖅᓯᕕᖓᓂᖕ ᑲᑎᒪᔨᖏᑎᒍᑦ ᒪᓕᑦᑐᒋᑦ ᒪᓕᖁᔭᐅᓯᒪᔪᑦ ᓄᓇᕗᒥ ᓄᓇᑖᕈᑏᑦ ᐊᖏᖃᑎᒌᒍᑎᖓᒍᑦ ᐃᓄᐃᓪᓗ ᐊᒃᑐᖅᑕᐅᓂᖏᓐᓄᑦ ᐊᖏᕈᑏᑦ ᐊᐅᔪᐃᑦᑐᒧᑦ, ᓯᕐᖕᒥᓕᐅᑉ ᐊᒻᒪ ᖁᑦᑎᖕᓂᖅᐹᑉ ᒥᕐᖑᐃᖅᓯᕕᖏᓐᓄᑦ. ᑖᒃᑯᐊ ᐊᐅᓚᑦᑎᓂᖕᒧᑦ ᑲᑎᒪᔩᑦ ᐅᖃᐅᔾᔪᐃᔨᐅᕗᑦ ᒥᓂᔅᑕᒧᑦ ᑭᓱᓕᒫᑦ ᐱᔾᔪᑎᒋᓪᓗᒋᑦ ᑐᕌᖓᔪᑦ ᒥᕐᖑᐃᓯᕐᕕᓂᒃ ᐊᐅᓚᑦᑎᓂᖕᒧᑦ ᒥᓂᔅᑕᒧᑦ ᐊᖏᖅᑕᐅᒋᐊᓕᓐᓂᑦ.

ᑖᓐᓇ ᐸᕐᓇᐅᑎ ᑭᖑᕐᕕᕐᓯᔪᖅ 2009ᒥ ᖁᑎᖕᓂᐹᑉ ᒥᕐᖑᐃᓯᕐᕕᖓᓄᑦ ᐊᐅᓚᑦᑎᓂᖕᒧᑦ ᐸᕐᓇᐅᑎᒋᓚᐅᖅᑕᖓᓂᒃ ᐊᒻᒪ ᑲᓇᑕᐅᑉ ᒥᕐᖑᐃᖅᕕᕐᓕᕆᔨᖏᑕ ᐃᓄᓐᓄᓪᓗ ᐱᓕᕆᖅᑳᖁᔭᐅᔪᑦ ᑲᑐᔾᔨᓂᒃᑯᑦ ᓯᕗᓪᓕᐅᔾᔭᐅᓯᒪᓪᓗᑎᑦ. ᐸᕐᓇᐅᑎ ᓇᓗᓇᐃᓯᖕᒪᑦ ᖁᑦᑎᖕᓂᖅᐹᖅ ᒥᕐᖑᐃᓯᕐᕕᖓ ᐅᓄᖅᑐᓄᑦ ᐱᒻᒪᕆᐅᒋᔭᐅᖕᒪᑦ, ᐃᓚᐅᓪᓗᑎᒃ ᖃᐅᔨᓱᐃᑦᑐᕐᒥᐅᑦ ᐊᐅᓱᐃᑦᑐᕐᒥᐅᓪᓗ ᐃᓄᖏᑕ ᓯᕗᓕᖏᑦ ᖁᑦᑎᖕᓂᖅᐹᒦᓐᓂᑰᖕᒪᑕ. ᖁᑦᑎᓂᖅᐹᖅ ᓄᓇᕐᔪᐊᕐᒥᐅᓄᑦ ᐃᓕᓴᕆᔭᐅᔾᔪᑎᒋᓯᒪᓕᓪᓗᓂᐅᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᑭᓯᐅᒪᔾᔪᑕᐅᓂᖓᑕ.

ᑕᑯᓐᓇᓐᖑᐊᕐᑕᐅᓯᒪᔪᑦ ᐸᕐᓇᐅᑎᓕᐊᓂ ᑕᑯᖅᑯᔾᔨᕗᑦ ᓴᐳᔾᔨᔨᐅᔭᕆᐊᖃᕐᓂᑦᑎᓐᓂᑦ, ᐱᓕᕆᖃᑎᒌᒋᐊᖃᕐᓂᑦᑎᓐᓂᑦ ᐅᐱᒋᔭᐅᓕᖅᑎᓪᓗᒍ ᑐᑭᓯᔭᐅᓗᓂᓗ ᓄᓇᑦᑎᓐᓄᑦ, ᐊᒡᒍᕐᓯᒪᔪᓄᑦ ᓄᓇᕐᔪᐊᒥᐅᓄᓪᓗ ᐱᒻᒪᕆᐅᓂᖓᑕ ᖁᑦᑎᖕᓂᖅᐹᑉ ᒥᕐᖑᐃᓯᕐᕕᖓ ᑕᑯᒥᓇᑦᑎᐊᕐᓂᖓᓄᑦ ᓱᕐᕋᑦᓯᒪᓐᖏᓂᖓ ᐃᓕᖅᑯᓯᑐᖃᒃᑯᓪᓗ ᐃᓂᑐᖃᕕᓂᐊᓘᓂᖓᓄᑦ. ᐱᖓᓲᕗᑦ ᐊᐅᓚᑦᑎᔾᔪᑎᐅᔪᒪᔪᑦ ᐅᐸᓗᖓᐃᕐᑕᐅᓯᒪᔪᑦ, ᑭᓪᓕᓕᕆᓂᖕᒧᑦ ᐸᕐᓇᐅᑏᑦ ᐊᒻᒪ ᐊᕙᓗᐊᓂᑦ ᐊᐅᓚᑦᑎᒍᑎᑦᓴᑦ ᓇᓗᓇᐃᖃᓯᐅᑎᓯᒪᔪᑦ ᐱᔭᑦᓴᖏᓂ ᒥᕐᖑᐃᓯᕐᕕᓕᕆᓂᖕᒧᑦ ᑐᕌᕈᒪᔭᑦᑎᓂ.

1.0 ᑭᓱᒨᖕᒪᖔᑦ

ᑲᓇᑕᒥ ᒥᕐᖑᐃᓯᕐᕕᓕᕆᔨᑯᑦ ᐊᐅᓚᑦᓯᔪᑦ ᐱᐅᓂᕐᐸᐅᖃᑕᐅᔪᕐᒥᒃ ᐊᒻᒪ ᐊᖏᓛᖑᓪᓗᓂ ᐊᕙᑎᓕᒫᖓ ᓴᐳᑎᔭᐅᓯᒪᔪᖅ ᓱᓂᕐᑕᐅᓯᒪᖏᑐᖅ ᐊᒻᒪ ᐃᑦᑕᕐᓂᓴᖃᐅᕐᑐᓂ ᓄᓇᖃᕐᕕᒥᓂᑐᖄᓗᒃ ᓄᓇᔪᐊᓕᒫᕐᒥ. ᒥᖑᐃᓯᕐᑯᓕᕆᔨᒃᑯᑦ ᑎᓕᔭᐅᓯᒪᓂᖏᓐᓄᑦ ᐱᔭᒃᓴᕆᔭᖓ ᓴᐳᔾᔨᔨᐅᖁᓪᓗᒋᑦ ᐊᒻᒪ ᑕᑯᔭᐅᑲᕐᓗᒋᑦ ᓄᓇᖓ ᓇᔪᒐᑐᖃᐅᓂᖓᑕ ᑲᔮᕆᔭᐅᓗᑎᓪᓗ ᐃᓄᓐᓄᑦ ᓯᕗᓕᑦᑎᓂᖔᕐᑐᑦ ᑭᖑᕚᑎᓐᓄᑦ. ᕿᖑᕚᑦᑎᓐᓅᖓᓂᐊᕐᑐᑦ ᑐᑭᑖᕈᑕᐅᓯᒪᓗᑎᑦ, ᐅᐸᓗᖓᐃᕐᓯᒪᑦᓯᐊᕐᓗᑎᑦ ᐊᐅᓚᑦᑎᒍᑎᑦᓴᑦ ᐋᖅᑭᑦᓯᒪᑦᓯᐊᕐᓗᑎᑦ ᐊᑐᓂ ᒥᖑᐃᓯᕐᕖᑦ, ᑲᓇᑕᒥ ᑕᕆᐅᕐᒥ ᓴᐳᔾᔨᕖᑦ, ᐊᖅᑯᑎᑐᖄᓗᐃᑦ ᓱᓪᓗᐊᓗᐃᑦ ᐊᒻᒪ ᑲᓇᑕᒥ ᐃᑕᕐᓂᓴᖃᕖᑦ ᓄᓇᖃᕐᕕᒥᓂᑐᖃᑦ ᐊᐅᓚᑕᐅᔪᑦ ᑲᓇᑕᐅᑉ ᒥᖑᐃᓯᕐᕕᓕᕆᔨᖏᓄᑦ ᐃᑲᔪᕐᑐᐃᕗᑦ ᒥᖑᐃᓯᕐᕕᓕᕆᔨᑯᑦ ᑕᑯᓐᓇᓐᖑᐊᕐᓯᒪᔭᖏᓂᑦ:

ᑲᓇᑕᐅᑉ ᐊᓐᓂᕐᓇᕐᑐᖁᑎᖏᑦ ᓱᓐᓂᕐᓯᒪᖏᑐᑦ ᐊᒻᒪ ᐃᑦᑕᕐᓂᓴᖃᐅᕐᑐᑦ ᐳᐃᒍᕋᒃᓴᐅᖏᑐᑦ ᐱᐅᓂᖏᑦ, ᐃᑉᐱᓐᓇᕐᑐᑦ ᐆᒻᒪᑎᑦᑎᓄᑦ ᐃᓱᒪᒧᓪᓗ ᓴᖏᒃᑎᐹᓪᓕᕐᓇᖅᑐᑦ, ᐃᑎᓂᕐᓴᕐᒥᒃ ᑐᑭᓯᐅᒪᔭᐅᓕᕐᑐᓂ ᑲᓇᑕᐅᑉ ᑐᑭᖓ.

ᑲᓇᑕᐅᑉ ᒥᕐᖑᐃᓯᕐᕕᖏᑕ ᐱᖁᔭᖓ ᐊᒻᒪ ᒥᕐᖑᐃᓯᕐᕕᓕᕆᔨᑯᑦ ᑲᓇᑕᒥ ᐱᓕᕆᕝᕕᖓᑕ ᐱᖁᔭᖓ ᑎᓕᓯᓯᒪᕗᑦ ᒥᕐᖑᐃᓯᕐᕕᓕᕆᒃᑯᑦ ᑲᓇᑕᒥ ᐅᐸᓗᖓᐃᔭᐃᔭᕆᐊᓖᑦ ᐊᐅᓚᑦᓯᓂᕐᒧᑦ ᐸᕐᓇᐅᑎᓂᒃ ᐊᑐᓂ ᒥᕐᖑᐃᓯᕐᕕᖕᓄᑦ. ᐊᑐᓕᖅᑎᑕᐅᓂᖓ ᓄᓇᕗᑦ ᐊᖏᕈᑎᖓᑕ ᐃᓗᐊᓃᑦᑐᑦ ᐅᖃᖅᓯᒪᒻᒪᑕ ᑖᒃᑯᓇᓃᑦᑐᓂᑦ ᐸᕐᓇᐅᑎᓕᐅᕆᐊᖃᕐᖓᑕ ᒥᖑᐃᓯᕐᕕᐅᑉ ᐸᕐᓇᐃᔨᖏᑦ, ᐃᓚᒋᔭᐅᔪᑦ ᐊᔨᒌᓗᐊᒥᒃ ᑎᑯᐊᕐᑕᐅᓯᒪᔪᓂᑦ ᑭᒡᒐᖃᕐᓗᑎᑦ ᑲᓇᑕᐅᑉ ᒥᖑᐃᓯᕐᕕᓕᕆᔨᖏᓂᑦ ᐊᒻᒪ ᕿᑭᕐᑕᓂ ᐃᓄᐃᑦ ᑲᑐᔨᖃᑎᒌᖏᓂᑦ (ᕿᑭᖅᑕᓃᒃᑯᑦ). ᖁᑦᑎᖕᓂᖅᐹᖅ ᑲᓇᑕᐅᑉ ᒥᕐᖑᐃᖅᓯᕝᕕᖓᑕ ᐊᐅᓚᑦᑎᓂᒻᒧᑦ ᐸᕐᓈᕆᓯᒪᔭᖓ, 2023 ᕿᒥᕐᕈᔭᐅᓂᑯ ᕿᑭᖅᑕᓂᒃᑯᓐᓄᑦ, ᐊᖏᖅᑕᐅᓪᓗᓂᓗ ᖁᑦᑎᖕᓂᖅᐹᖅ ᑲᑐᔾᔭᖅ ᒥᕐᖑᐃᖅᓯᕝᕕᐅᑉ ᐊᐅᓚᑦᑎᔨᑦ ᑲᑎᒪᔨᕋᓛᖏᓄᑦ (JPMC), ᓄᓇᕘᒥ ᐆᒪᔪᓕᕆᔨᔾᔪᐊᒃᑯᑦ ᐊᐅᓚᑦᑎᔨᑦ ᑲᑎᒪᔨᖏᓄᑦ, ᒥᓂᔅᑕᖓᓗ ᑲᒪᒋᔭᖃᖅᑐᖅ ᒥᕐᖑᐃᖅᓯᕝᕕᓕᕆᔨᒃᑯᑦ ᑲᓇᑕᒥ. ᐊᐅᓚᓂᕆᔭᖓ ᑖᔅᓱᒪ ᐱᖃᑕᐅᖃᑦᑕᖅᑐᑦ ᐃᓚᐅᓂᖏᓄᑦ ᐊᖏᖅᓯᓂᖏᓄᓪᓗ ᑲᒪᒋᔭᖃᖅᑎᑦᑎᓂᒻᒥᒃ ᓴᖅᑮᔪᖅ ᑲᓇᑕᒥᐅᑕᓄᑦ, ᐊᑕᐅᑦᑎᒃᑯᑦ ᓇᓗᓇᐃᖅᓯᓪᓗᑎᒃ ᖃᓄᖅ ᒥᕐᖑᐃᖅᓯᕝᕕᓕᕆᔨᒃᑯᑦ ᐊᐅᓚᑦᑎᓂᖏᑦ ᑎᑭᐅᒪᔭᖃᓐᓂᐊᒻᒪᖔᖏᑕ ᓇᓗᓇᐃᒐᒃᓴᓂᒃ ᑕᑯᒃᓴᕈᖅᓯᒪᔪᓂᒃ ᐊᑐᓕᖅᑎᑦᑎᓂᖏᓄᑦ ᓄᓇᕘᑉ ᐊᖏᕈᑎᒻᒪᕆᐊᓂᒃ (NA), ᑖᓐᓇ ᐃᓄᑦ ᐊᒃᑐᖅᑕᐅᓂᖏᓄᑦ ᐱᕚᓪᓕᐅᑎᖏᓄᑦ ᐊᖏᕈᑖ ᐊᐅᔪᐃᑦᑐᒻᒧᑦ, ᖁᑦᑎᖕᓂᖅᐹᖅ ᐊᒻᒪᓗ ᓯᕐᒥᓕᒃ ᑲᓇᑕᐅᑉ ᒥᕐᖑᐃᖅᓯᕝᕕᖁᑎᖏᓄᑦ (ᕿᑭᖅᑖᓘᑉ ᐊᖏᕈᑎᖓ) ᐊᒻᒪᑦᑕᐅᖅ ᑲᓇᑕᐅᑉ ᒥᕐᖑᐃᖅᓯᕝᕕᓕᕆᔨᒃᑯᑦ ᐊᐅᓚᓐᓂᕆᓲᖏᓄᑦ ᐊᑐᕆᐊᖃᖅᓯᒪᔭᖏᓄᑦ.

ᖁᑦᑎᖕᓂᖅᐹᖅ JPMC-ᖓ, ᐃᓄᖏᑦ ᑖᒃᑯᓇᓂ ᒥᕐᖑᐃᖅᓯᕝᕕᐅᑉ ᐸᔾᔭᓪᓗᖓᓂᖃᖅᑐᓄᑦ ᒪᕐᕉᒃ ᓄᓇᓖᒃ, ᐊᓯᖏᑕᓗ ᑲᓇᑕᒥᐅᑦ ᐃᓚᐅᖃᑕᐅᓂᖏᓄᑦ ᑖᒃᑯᓄᖓ ᒥᕐᖑᐃᖅᓯᕝᕕᒻᒧᑦ ᐸᕐᓇᐃᔩᑦ ᑲᑐᔾᔨᖃᑎᒌᖏᓄᑦ ᓴᓇᔭᐅᓇᓱᒃᖢᑎᒃ ᓯᕗᓂᐊᓄᑦ ᑐᕌᒐᕆᓂᐊᖅᑕᖓᑕ ᑖᔅᓱᒪᐅᑉ ᑲᓇᑕᐅᑉ ᒥᕐᖑᐃᖅᓯᕝᕕᖁᑎᖓᑕ ᐊᖅᑯᑎᖃᖅᖢᑎᒃ ᑖᔅᓱᒨᓇ ᐊᐅᓚᑦᑎᓂᒻᒧᑦ ᐸᕐᓇᐅᑎᖃᓐᓂᒻᒧᑦ ᐊᐅᓚᓂᕆᓲᒋᔭᖏᓄᑦ.ᑖᓐᓇ ᐸᕐᓇᐅᑎ ᕿᒥᕈᔭᐅᓚᐅᕐᑐᖅ ᕿᑭᖅᑕᓂ ᐃᓄᐃᑦ ᑲᑐᔨᖃᑎᒌᖏᓐᓄᑦ ᐊᒻᒪ ᕿᑭᖅᑖᓗᖕᒥ ᐆᒪᔪᓕᕆᔩᑦ ᑲᑎᒪᔨᖏᓄᑦ, ᐊᒻᒪ ᐊᖏᖅᑕᐅᓪᓗᓂ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓄᑦ. ᑐᑭᓯᓇᓯᐊᕐᑐᓂᑦ, ᐅᐸᓗᖓᐃᔭᐃᓯᒪᔪᑦ ᖃᓄᓕᐅᕆᐊᖃᕐᒪᖔᑕ ᐊᐅᓚᑕᐅᔾᔪᑎᑦᓴᖏᑎᒍᑦ ᖁᑎᓂᕐᐹᖅ ᒥᕐᖑᐃᓯᕐᕕᖓᑕ (ᒥᕐᖑᐃᓯᕐᕕᒃ) ᓴᕿᑎᑦᓯᓪᓗᑎᒃ ᑕᑯᓐᓇᓐᖑᐊᕐᑕᐅᓯᒪᔪᓂᑦ, ᐸᓪᓗᐊᑕᐅᓂᖏᑦ ᐸᕐᓇᐅᑏᑦ ᐊᒻᒪ ᑐᕌᕈᒪᔭᖏᑦ. ᒪᓕᒃᑐᒋᑦ ᐃᓄᐃᑦ ᐊᒃᑐᖅᑕᐅᓂᐊᓐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑏᑦ, ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᑐᔾᔨᖃᑎᖃᕐᑐᑎᑦ ᕿᑭᖅᑕᓂ ᐃᓄᐃᑦ ᑲᑐᔨᖃᑎᒌᖏᓂᑦ, ᐅᓂᑳᓕᐅᖃᑕᕐᓂᐊᕐᑐᑦ ᐊᕐᕌᒍᑕᒫᑦ ᖃᓄᐃᓕᖓᓕᕐᒪᖔᑕ ᐱᕙᓪᓕᐊᓂᖏᑦ ᐸᕐᓇᐅᑎᓂ ᑐᕌᕈᒪᓯᒪᔭᖏᑦ ᐊᒻᒪ ᕿᒥᕐᕈᖃᑦᑕᓂᐊᕐᑕᖏᑦ ᐸᕐᓇᐅᑏᑦ ᐊᕐᕌᒍᑦ ᖁᓕᑦ ᓈᔭᕋᐃᑉᐸᑕ ᑐᖔᒍᓪᓘᓐᓃᑦ ᑲᑐᔾᔨᓂᒃᑯᑦ ᒥᕐᖑᐃᓯᕐᕕᓕᕆᔩᑦ ᑲᑎᒪᔨᕋᓛᖏᑦ ᕿᒥᕐᕈᖁᔨᓕᑐᐊᖅᐸᑕ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᕝᕙᓗᓐᓃᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ.

ᐅᑯᐊ ᐸᕐᓇᐅᑏᑦ ᐃᓱᒋᓐᖏᒻᒪᒋᑦ ᑕᕝᕙᑑᓂᐊᕋᑎᓪᓗ. ᑲᓇᑕᒥ ᒥᕐᖑᐃᓯᕐᕕᓕᕆᔨᑯᑦ ᐃᓄᐃᓪᓗ ᐅᖃᖃᑎᒌᒍᓐᓇᐃᓇᕐᓂᐊᕐᑐᒍᑦ ᐊᑐᓕᕐᑎᑕᐅᖁᓗᒋᑦ ᐊᐅᓚᑦᑎᒍᑎᑦᓴᑦ ᖁᑦᑎᓂᕐᐹᖅ ᒥᕐᖑᐃᓯᕐᕕᖓᓂᑦ, ᐊᑑᑎᖃᑦᓯᐊᖏᓐᓇᖁᓪᓗᒋᑦ ᑐᑭᖃᑦᓯᐊᕋᓗᐊᕐᒪᖔᓪᓗ.

ᐃᓂᖁᓇᕐᑐᐋᓗᖕ ᓄᓇᖓ ᐅᓪᓗᑎᐊᕚᓗᑎᓪᓗ, ᑭᓯᐊᓂ ᐅᓪᓗᕐᓗᒃᑲᓗᐊᖅᐸᑦ, ᓱᓕ ᓄᓇᖓ ᐃᓂᖁᓇᖅᑐᐋᓗᖕ.

2.0 ᐱᒪᕆᐅᓂᖓ ᖁᑦᑎᓂᐹᖅ ᒥᕐᖑᐃᓯᕐᕕᖓᑕ

ᖁᑦᑎᓂᕐᐹᑉ ᒥᕐᖑᐃᓯᕐᕕᖓ ᑲᓇᑕᐅᑉ ᐅᐊᖕᓇᐸᓯᐊᓂᓛᖅ ᐊᒻᒪ ᒥᕐᖑᐃᓯᕐᕕᓂ ᐊᖏᓛᑉ ᑐᖓᓕᕆᓪᓗᓂᐅᒃ, ᐊᖏᓂᖓ 37,775 ᑭᒃᐹᕆᓪᓗᐊᕐᑐᑦ ᑭᓚᒦᑕᑦ ᓯᕕᑐᓂᖓ (ᓄᓇᖑᐊᖅ 1). ᖁᑦᑎᓂᖅᐹᖅ ᐃᓄᑦᑎᑐᑦ ᐊᑦᑎᖅᑕᐅᓯᒪᔪᖅ ᑐᑭᓕᒃ “ᖁᑦᑎᓂᖅᐹᒦᑦᑐᖅ” ᓯᓚᕐᔪᐊᑉ ᖄᖓᓃᓐᓂᖓᓄᑦ. ᐊᑦᑎᖅᑕᐅᓚᐅᕐᓯᒪᔪᖅ ᐊᐅᓱᑦᑐᕐᒥᐅᓄᑦ ᖃᐅᓱᐃᑦᑐᒥᐅᓄᓪᓗ 2001ᖑᑎᓪᓗᒍ. ᒥᕐᖑᐃᓯᕐᕕᐅᓂᖓ ᐊᖏᓂᕐᓴᖅ ᐅᓕᒃᑕᐅᓯᒪᔪᖅ ᓯᕐᖕᒥᓄᑦ ᖃᖃᕐᓄᓪᓗ, ᑭᓯᐊᓂ ᓄᓇᖓ ᐊᔾᔨᒌᖏᑦᑐᕈᓘᔭᐅᓪᓗᓂ ᐱᑐᐃᓇᐅᖏᑦᑐᖅ ᐊᕙᑎᐊ ᐊᒻᒪ ᓄᓇᑕᖃᕆᓪᓗᓂ ᓯᐅᕋᔮᒥᖕ ᐸᓂᖅᑐᒥ, ᐃᑎᓛᖑᓪᓗᓂ ᑕᕆᐅᖑᖏᑐᖅ ᑕᓯᖓ ᐅᐊᖕᓇᖅᐸᓯᐊᓃᑦᑐᖅ ᐅᑭᐅᖅᑕᖅᑑᑉ ᑭᓪᓕᖓᑕ ᐃᓗᐊᓂ, ᐊᒻᒪ ᐊᔨᒌᖏᑐᑦ ᖁᐱᕐᕈᕈᔪᑦ ᐱᕈᕐᑐᓪᓗ. ᐅᐊᓐᓇᕐᐸᓯᖓᓃᑦᑐᖅ ᓯᔾᔭᖓᑕ, ᐊᐅᔪᐃᑦᑐᑦ ᐃᑎᔪᐋᓘᓪᓗᑎᒃ ᑲᖏᖅᑐᖏᑦ, ᐊᒻᒪ ᑐᕙᐃᔪᑦᑐᑦ ᓯᑯᑐᖄᓗᓪᓗᓂ ᐊᔾᔨᐅᖏᑦᓯᐊᕐᑐᑦ, ᐊᕙᓗᐊᓂᓗ ᓄᓇᓖᑦ ᓯᑯᒥᐅᑕᓪᓚᕆᐅᓪᓗᑎᑦ. ᐃᓚᖓ ᓄᓇᑭᑐᖅ ᐊᒻᒪ ᐃᒪᕐᓱᒐᐃᑦ ᐱᕈᑐᖃᐅᑎᐊᕐᑐᑦ ᐊᔨᒌᖏᑐᓂᒃ ᑕᐸᐃᕐᓇᕐᑐᓂᑦ ᐊᒻᒪ ᓂᕐᔪᑎᖃᐅᑦᓯᐊᕐᑐᓂ ᐊᐱᓯᒪᐃᓐᓇᕋᔪᒃᑲᓗᐊᕋᒥ ᑖᖏᓐᓇᓲᖑᒐᓗᐊᕋᒥᓗ ᐊᕐᕌᒎᑉ ᐊᕝᕙᓪᓗᐊᖓᓂ. ᐅᒥᖕᒪᑦ, ᐅᓄᕐᑑᑎᐅᖏᑐᑦ ᖁᑎᒃᑑᑉ ᑐᒃᑐᖏᑦ, ᐊᒪᕈᑦ, ᐅᑲᓖᑦ ᐊᔾᔨᒌᖏᑦᑐᓪᓗ ᑎᖕᒥᐊᑦ ᑕᑯᔭᐅᔪᓇᕐᑐᑦ ᑕᒫᓂ.

ᖁᑦᑎᓂᕐᐹᖅ ᐱᒪᕆᐅᔪᖅ ᐅᕙᒍᑦ ᑐᑭᓯᔪᓇᖁᓗᑕ ᐃᓄᐃᑦ ᓯᕗᓕᕗᑦ ᐊᑐᖅᓯᒪᔭᖏᑎᒍᑦ ᖃᓄᐃᓕᐅᕐᐸᓂᕐᒪᖔᑕ ᖁᑎᒃᑐᕐᒥ, ᐱᑐᖃᐅᓛᖑᖃᑕᐅᓪᓗᑎᖕ, ᐊᒻᒪ ᐅᓄᖅᑐᑦ ᓄᓇᐅᑉ ᐃᑭᐊᖓᓃᓛᖑᔪᑦ ᐸᕕᓴᒃᑕᐅᓯᒪᖏᑐᑦ, ᐃᑦᑕᕐᓂᓴᑦ ᐃᒻᒪᓂᓴᑐᖄᓗᐃᑦ ᓄᓇᖃᕐᕕᒻᓃᑦ ᑭᓪᓕᓕᐊᖑᓯᒪᔫᑉ ᐃᓗᐊᓃᑦᑐᑦ. ᐊᓂᒍᖅᓯᒪᓕᖅᑐᑦ 4000−ᖏᓂᑦᑐᑦ ᐊᕐᕌᒍᑦ, ᑖᑯᐊ ᓄᓇᖃᕐᕕᒥᓂᑐᖃᑦ ᓇᓗᓇᕈᓐᓃᕐᑐᖅ ᐃᓄᖃᖃᑦᑕᓚᐅᓯᒪᓂᖏᓐᓂᑦ ᐃᒻᒥᓂᕐᓱᕐᑐᓂᑦ ᐃᖏᕐᕋᕙᓪᓕᐊᓯᒪᓂᕋᕐᑕᐅᔪᑦ ᑲᓛᖠᑦ ᓄᓇᖓᓄᑦ ᐅᒥᖕᒪᑦ ᐊᖅᑯᑖᒍᑦ ᐊᖅᑯᑎᖃᖅᑐᑎᒃ ᖃᐅᔨᒪᔭᐅᔪᖅ. ᐅᓪᓗᒥᒧᑦ ᐱᒪᕆᐅᔪᖅ ᐃᓄᖏᓄᑦ ᑭᖑᕚᖏᓐᓄᑦ ᓯᕗᓪᓕᐅᓚᐅᖅᑐᑦ, ᑐᓂᕕᓃᑦ, ᓇᕈᕙᓚᐅᕐᑐᑦ ᐊᐅᓪᓚᖃᑦᑕᐃᓇᖅᑐᑎᒃ ᓄᓇᖃᕐᑐᑎᓪᓗ ᒥᖑᐃᓯᕐᕕᐅᓕᖅᑐᒥ ᕼᐊᓐᓇᓚᒐᓴᑦ ᐊᕐᕌᒍᓕᖅᑭᑦᑖᑦ ᓇᔪᒐᖃᕐᑐᑎᑦ. ᑐᓂᕕᓃᑦ ᐃᓄᐃᑦ ᑕᒪᐅᖓᕐᓂᑰᓂᕋᕐᑕᐅᕗᑦ ᐃᒻᒪᖃ 1000 ᐊᕐᕌᒍᑦ ᐊᓂᒍᕐᓯᒪᓕᕐᑐᑦ ᐊᒻᒪ ᓇᓗᓇᓐᖏᑦᑐᑦ ᓇᔪᒐᖏᑦ ᓄᓇᖃᕐᕕᒥᓃᑦ ᓯᐊᑦᓯᒪᔪᑦ ᒥᕐᖑᐃᓯᕐᕕᖕᒥ. ᑕᓯᐊᓘᑉ ᓇᑎᕐᓇᖓ (ᓄᓇᖑᐊᖅ 2) ᐱᒪᕆᐅᓯᒪᕗᖅ ᐊᖑᓇᓱᖕᓂᕐᒧᑦ ᐃᖃᓗᒐᓱᖕᓂᕐᒧᓪᓗ ᑲᖤᖠᒥᐅᑦ ᐃᓄᖏᖕᓄᑦ ᒪᓇᕋᑖᖅ ᑎᑭᑦᑐᒍ.

ᓄᓇᖓ ᖃᐅᔨᔭᐅᕙᓪᓕᐊᓕᓚᐅᖅᑐᖅ ᖃᓪᓗᓈᓂᕐᒥᐅᓄᑦ ᑲᓇᑕᒥ ᐅᓇᑕᕕᔾᔪᐊᕐᑎᓪᓗᒋᑦ (1947ᒥᑦ 91ᒧᑦ) ᑕᒪᐅᓐᖓᕐᖓᑕ ᑲᓇᑕᐅᑉ ᐅᓇᑕᕐᑐᒃᓴᑦ ᖃᐅᔨᓴᕐᑎᒻᒪᕆᖏᑕ ᑲᑎᒪᔨᖏᑦ ᓴᓇᓚᐅᕐᓯᒪᒻᒪᑕ ᐱᖓᓱᓂᒃ ᑐᖃᕐᑕᕐᕕᓂᑦ ᓈᓚᕝᕕᓂᑦ ᐅᓪᓗᒥ ᖁᑎᒃᓂᕐᐹᖅ ᒥᖑᐃᓯᕐᕕᒋᓕᕐᑕᖓ. ᐅᓇᑕᕐᑐᒃᓴᑯᑦ ᖃᐅᔨᓴᕐᑎᒻᒪᕆᖏᑕ ᑲᑎᒪᔨᖏᑦ ᑲᑐᔾᔨᓪᓗᑎᑦ ᖃᐅᔨᓴᕆᐊᓕᓚᐅᕐᓯᒪᔪᑦ ᐊᔨᒌᖏᕈᓗᔮᖅᑐᓂᒃ ᓯᓚᒥᑦ ᓯᓚᓐᓂᐊᕐᑎᓂᑦ, ᓯᕐᒥᓂᒃ, ᑕᕆᐅᕐᒥᐅᑕᓂᑦ ᐊᒻᒪ ᐊᓯᖏᓂᒃ ᐱᓕᕆᐊᑦᓴᖏᓂᑦ ᐊᑯᓂᖏᓂ 1950 ᐊᒻᒪ 70. ᖃᐅᔨᓴᕐᑎᒻᒪᕇᑦ ᖃᐅᔨᓴᕐᓯᒪᓂᖏᑦ, ᑭᖑᓂᐊᖑᓪᓗ ᖃᐅᔨᓴᖃᑦᑕᕐᓂᑯᑦ ᐅᑭᐅᖅᑕᖅᑑᓛᒥ ᐊᕙᑎᐊᓃᑦᑐᓂᑦ ᐆᒪᔪᖃᐅᕐᑐᓂᑦ ᖃᐅᔨᓴᕐᓯᒪᔪᑦ ᖃᐅᔨᕙᓪᓕᐊᓯᒪᒻᒪᑕ 60 ᐊᕋᒍᐃᑦ ᐊᖓᑖᓄᑦ. ᒥᕐᖑᐃᓯᕐᕕᒃ ᑕᑯᔭᐅᓯᒪᔪᖅ ᑐᑭᓯᒋᐊᕐᕕᐅᓪᓗᓂ ᓯᓚᕐᔪᐊᕐᒥᐅᓄᑦ ᓯᕗᓪᓕᖅᐹᖑᕙᖕᒪ ᓯᓚᐅᑉ ᐊᓯᔨᕐᐸᓕᐊᓂᖓᓂᑦ ᖃᐅᔨᓴᕐᕕᐅᖃᑦᑕᕐᓂᖓ. ᐊᒃᑐᐃᓂᖏᑦ ᓯᓚᐅᑉ ᐊᓯᔨᕐᐸᓕᐊᓂᖓᑕ ᐅᖃᐅᓯᐅᒐᔪᖕᓂᕐᓴᐃᑦ ᖃᓂᒋᔮᓂᑐᑦ ᓄᓇᕐᔪᐊᑕ ᑲᔾᔨᖓᓂᑦᑐᓂᒃᑦ, ᖃᐅᔨᔭᐅᔪᑦ ᑕᑯᓇᓂ ᐹᓂᐊᓗᒃ ᐅᐊᖕᓇᕐᒥ ᑕᑯᑎᓯᔪᓇᕐᐳᑦ ᐃᒐᓛᕐᑎᑐᑦ ᐊᓯᔨᕐᐸᓕᐊᓂᐅᔪᓂᒃᓗ ᐊᒻᒪ ᐊᑦᓱᕈᕐᓇᕐᑐᓂᑦ ᖃᓪᓗᓈᓂᕐᒥᐅᑦ ᖃᐅᔨᕙᓪᓕᐊᓂᐊᕆᐊᖏᑦ ᐊᓯᔾᔨᐸᓪᓕᐊᔪᒧᑦ.

ᖁᑦᑎᓂᕐᐹᖅ ᒥᕐᖑᐃᓯᕐᕕᒃ ᑲᓇᑕᒥ ᑭᒡᒐᑐᐃᔪᖅ ᑲᓇᖕᓇᐅᑉ ᐅᑭᐅᖅᑕᖅᑐᖓᓂᒃ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐸᕐᓇᐅᑎᖏᓐᓂᒃ. ᑲᓇᖕᓇᐅᑉ ᓯᔾᔭᖓ ᐊᐅᔪᐃᑦᑐᓪᓗ ᒥᕐᖑᐃᓯᕐᕕᒥ ᑕᕝᕙᓂ ᐅᑭᐅᖅᑕᖅᑐᖅ ᓯᑯᖃᐃᓐᓇᖅᑐᒦᑉᐳᖅ ᐊᒻᒪ ᐅᑭᐅᖅᑕᖅᑑᑉ ᐊᖅᑯᑎᖓ ᑕᕆᐅᒃᑯᑦ ᖃᐅᔨᒪᔭᐅᔪᖅ ᓯᓚᕐᔪᐊᒥ ᓱᕈᕐᑕᐃᓕᒪᑎᑕᐅᔪᖅ ᓄᓇᖓ ᐃᒪᖓᓗ ᐱᒋᐊᖅᑎᑕᐅᒍᒪᔪᖅ ᓂᕆᐅᓂᖃᖅᑎᐊᑐᖅ ᐱᒻᒪᕆᐅᓂᖓᓂᒃ. ᐃᒪᒻᒥᐅᑕᓕᕆᔨᕐᔪᐊᒃᑯᑦ ᐃᓱᒪᕗᑦ ᐆᒪᓂᖃᑐᑦ ᑕᕝᕙᓂ ᐆᒪᔪᓐᓇᖅᑐᓕᒫᑦ ᐊᕙᑎᑦᑎᓐᓂ ᕿᑭᖅᑕᐅᔪᓂᑦ ᐅᑭᐅᖅᑕᖅᑐᒥ.

ᖁᑦᑎᓂᕐᐹᖅ ᒥᕐᖑᐃᓯᕐᕕᒃ ᑲᓇᑕᒥ ᓯᕗᓕᕐᐹᕐᒥ ᐊᕿᑕᐅᓚᐅᓯᒪᕗᖅ ᒥᕐᖑᐃᓯᕐᕕᒃᓴᖑᕐᖢᓂ 1988ᒥ. ᑭᖑᓂᐊᒍᑦ ᐊᑎᓕᐅᓕᓚᐅᕐᑐᑦ ᓄᓇᕗᒥ ᐊᖏᖃᑎᒌᒍᑎᒥᒃ 1993ᒥ, ᐃᓄᐃᑦ ᐊᒃᑐᖅᑕᐅᓂᐊᓐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎ ᐋᔩᖃᑎᖃᕐᑐᑎᖕ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓂᑦ ᐊᑎᓕᐅᕐᑕᐅᓗᓂ 1999ᒥ. ᖁᑦᑎᓂᕐᐹᖅ ᑭᖑᓂᐊᒍᑦ ᐊᕿᑕᐅᓕᓚᐅᕐᐳᖅ ᑲᓇᑕᐅᑉ ᒥᕐᖑᐃᓯᕐᕕᒋᓕᕐᑐᓂᐅᒃ ᐱᓐᖑᕐᑎᑕᐅᓪᓗᑎᑦ ᑲᑐᔾᔨᓂᒃᑯᑦ ᐊᐅᓚᓯᖃᑎᒋᖕᓂᐊᕐᑐᓂᒃ ᑲᑎᒪᔨᕋᓛᓂᒃ ᐊᑖᓂᖢᑎᒃ ᑲᓇᑕᐅᑉ ᒥᖑᐃᓯᕐᕕᖏᑕᒪᓕᒐᖓᓂ 2001ᒥ. ᒥᕐᖑᐃᓯᕐᕕᒃ ᐃᓚᒋᔭᐅᕗᖅ ᑲᓇᑕᒥ ᐅᑭᐅᖅᑕᖅᑐᖅ ᐃᓛᒃᑰᕈᓐᓇᕐᓂᐊᓂᒃ.

2004ᒥ, ᑲᓇᑕ ᐃᓚᐅᑎᓯᓕᓚᐅᕐᐳᖅ ᖁᑎᓂᕐᐹᖅ ᒥᖑᐃᓯᕐᕕᒃ ᐃᓚᐅᖃᑕᐅᓕᖁᓗᒍ ᑎᑎᕋᕐᓯᒪᔪᓂ ᓯᕗᓂᑎᓂ ᓂᕈᐊᒐᒃᓴᐅᖁᓗᒍ ᐅᑯᓇᓂ ᓄᓇᔪᐊᑉᒥ ᐃᓕᓂᐊᕐᓂᒧᑦ, ᖃᐅᔨᓴᕐᑎᒻᒪᕇᑦ ᐱᓕᕆᔪᓪᓗ ᑲᑐᔨᖃᑎᒋᖏᑕ ᑎᑎᕋᕐᓯᒪᔪᖁᑎᖏᓂᒃ ᓄᓇᔪᐊᕐᒥ ᓄᓇᖃᕐᕕᒥᓂᑐᖃᕐᓂᑦ ᐃᑦᑕᕐᓂᓴᓕᕆᔩᑦ ᑕᑯᔭᒐᖃᕐᕕᖓᓂ. ᐊᑖᓂᖃᑕᐅᓗᓂ ᑎᓴᒪᐃᑦ ᐊᔨᒌᖏᑐᑦ ᐊᒍᕐᑐᕐᓯᒪᔪᑦ: ᐃᓄᖃᐃᓇᖃᑕᕐᑐᕕᓃᑦ ᑭᖑᕚᕇᑦ, ᓱᓐᓂᕐᓯᒪᖏᑑᑉ ᐱᐅᓂᖓ ᐊᒻᒪ ᐱᐅᔪᐊᓗᒪᕇᑦ ᑕᑯᒥᓇᕐᑐᑦ; ᓄᓇᖓᑕ ᖃᓄᐃᓕᕙᓕᐊᓂᖏᑦ ᓴᕿᑎᓯᔪᑦ ᓄᓇᔪᐊᖅ ᐊᓯᔨᕐᐊᓕᐊᓂᕆᓯᒪᔭᖓᓂᒃ; ᐊᒻᒪ ᐊᔨᒌᖏᑐᑦ ᐃᓄᐃᑦ ᓄᓇᖓᓃᑐᑦ, ᑲᓇᑕ ᐅᒃᐱᕈᓱᒃᑐᖅ ᖁᑦᑎᓂᕐᐹᖅ ᐸᕝᕕᓴᑕᐅᓯᒪᖏᓐᓂᖓ ᐃᓕᖅᑯᓯᖓᓗ ᐱᒻᒪᕆᐅᕗᑦ ᓯᓚᕐᔪᐊᒥᑦ.

3.0 ᐸᕐᓇᖕᓂᕐᒧᑦ ᐃᓗᓕᖏᑦ

ᐅᖓᓯᑦᑐᒥᐅᑕᐃᑦ

ᒥᕐᖑᐃᓯᕐᕕᓕᒫᑦ ᓇᓃᓂᖏᑦ ᐃᓗᐊᓂᑐᑦ ᓇᓗᓴᐃᕐᓯᔪᑎᓖᑦ ᑐᕋᖓᔪᑦ ᐊᐅᓚᑕᐅᔭᕆᐊᖃᕐᓂᒧᑦ ᐊᒻᒪ ᑲᔪᓯᓂᖏᓄᑦ. ᐅᖓᓯᓛᖑᖃᑕᐅᓗᓂ ᐊᒻᒪ ᐅᐸᒃᑕᐅᒐᔪᖏᓛᖑᓗᓂ ᒥᕐᖑᐃᓯᕐᕕᖕᓂ ᑲᓇᑕᒥ, ᒥᕐᖑᐃᓯᕐᕕᒃ ᑲᓇᑕᒥ ᐱᑐᐃᓇᐅᖏᑐᓂᒃ ᐊᔪᕐᓇᕐᑐᕐᓯᐅᕈᑎᖃᕐᐳᖅ ᖁᑦᑎᓂᕐᐹᖅ ᒥᕐᖑᐃᓯᕐᕕᒃ ᑲᓇᑕᒥ. ᐊᖁᑎᑕᖃᐅᖏᑐᖅ ᒥᕐᖑᐃᓯᕐᕕᖕᒧᑦ, ᐊᒻᒪ ᖃᖓᑕᓲᓂᑦ ᒥᑦᓯᒪᐃᓐᓇᕐᑐᖃᓐᖏᑦᑐᖅ ᐊᐅᓱᐃᑦᑐᒥ, ᖃᓂᓐᓂᕐᐹᖑᓪᓗᓂ ᓄᓇᖓ 600 ᑭᓚᒦᑕᓂᑦ ᐅᖓᓯᓐᓂᓕᒃ. ᒥᕕᑐᐊᖅ ᕋᓴᓗᒥᖢᓂ, ᑕᐃᑲᖓ ᓵᑕᕐᓯᒪᔪᑦ ᖃᖓᑕᖃᑕᕐᑐᑦ, 900 ᑭᓛᒥᑕᓂᒃ ᐅᖓᓯᖕᓂᓕᒃ, ᑕᐃᒪᐃᓂᖓᓄᑦ ᐊᑭᑐᔫᔪᖅ ᐊᒻᒪ ᐊᐅᓚᔾᔪᑎᑦᓴᓄᑦ ᐊᑭᖏᑦ ᐊᐅᓚᑕᕆᐊᒃᓴᖅ.

ᒪᓕᒐᕐᑎᒍᑦ ᖃᓄᐃᓕᖓᓂᖓ ᒥᕐᖑᐃᓯᕐᕕᒃ

ᒐᕙᒪᑐᖃᑯᑦ, ᑲᓇᑕᒥ ᒥᕐᖑᐃᕐᓯᕖᑦ ᒪᓕᒐᖓ ᐊᒻᒪ ᐊᑐᕐᑕᐅᓗᐊᑕᕐᐳᖅ ᒪᓕᒐᖏᑦ ᐊᐅᓚᑕᐅᓂᖓᓄᑦ ᖁᑦᑎᓂᕐᐹᖅ ᒥᕐᖑᐃᓯᕐᕕᒃ. ᐱᒪᕆᐅᕗᖅ ᐅᔨᕆᔭᐅᔭᕆᐊᓕ ᓄᓇᕗᕐᒥ ᐊᖏᖃᑎᒌᒍᑎᒃ ᓴᖏᓂᕐᓴᐅᕗᖅ ᐊᑲᐅᖏᓕᐅᕈᑎᑕᖃᕋᖓᑦ ᐱᔪᑎᓕᖕᒥᒃ ᓴᕿᑐᖃᕐᐸᑦ ᑲᓇᑕᒥ ᒥᖑᐃᕐᓯᕖᑦ ᒪᓕᒐᖓᓂᑦ. ᓇᓗᓇᐃᕐᓯᒪᔪᑦ ᐊᒍᑐᕐᓯᒪᔪᑦ ᐊᑦᑐᐊᓂᖃᕐᑐᑦ ᓄᓇᕗᑦ ᐊᖏᖃᑎᒌᒍᑎᖓᓂ ᐅᖃᕐᓯᒪᖕᒪᑦ “ᐊᑐᓂ ᒥᖑᐃᓯᕐᕖᑦ ᓄᓇᕗᕐᒥ ᓄᓇᖁᑎᖏᓂ ᓄᓇᖁᑎᒋᔭᐅᔪᑦ ᓴᖏᓂᕐᓴᐅᓂᐊᕐᐳᖅ ᐊᒍᑐᕐᓯᒪᔪᑦ Iᒥ − ᐱᑐᐃᓇᐅᖏᑐᑦ ᓴᐳᑎᔭᐅᓯᒪᔪᑦ ᐊᒍᑐᕐᓯᒪᔪᑦ IIᒥ−ᓄᓇᑐᐃᓇᕐᒥ”.

ᐊᐅᓚᓯᖃᑎᒌᒃᑐᑦ

ᓄᓇᕗᑦ ᐊᖏᖃᑎᒌᒍᑎᖓ ᓇᓗᓇᐃᓯᔪᖅ ᐱᔪᓇᐅᑎᖏᓂᒃ ᐃᓄᐃᑦ ᐊᒻᒪ ᐊᑑᑎᖃᓛᕐᓂᐊᓂᖏᓐᓄᑦ ᑲᑐᔨᖃᑎᒌᓂᖏᓂᒃ ᐃᓄᐃᑦ ᒐᕙᒪᑐᖃᑯᓪᓗ ᒐᕙᒪᖏᑕ ᐊᐅᓚᓯᔨᖏᑦ ᑲᓇᑕᒥ ᒥᕐᖑᐃᓯᕐᕕᓕᕆᔩᑦ ᓄᓇᖁᑎᖏᑦ ᓄᓇᕗᕐᒥ. ᕿᑭᖅᑖᓗᒃ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᕐᑖᕈᓐᓇᐅᑎᖏᓐᓄᓪᓗ ᐊᖏᕈᑎᖓ ᑐᑭᓯᓇᕐᓯᑎᓯᔪᖅ ᐊᐅᓚᓯᓂᐅᑉ ᐊᕿᑕᐅᓯᒪᓂᖓᓂᒃ ᐊᒻᒪ ᐱᔭᒃᓴᖏᑦ ᐅᑯᓄᖓ ᑲᑐᔾᔨᓪᓗᑎᒃ ᐃᓄᐃᑦ / ᒐᕙᒪᒃᑯᑦ ᒥᕐᖑᐃᓯᕐᕕᒻᒧᒃ ᐸᕐᓇᐃᔩᑦ ᐊᐅᓚᑦᑎᔩᓪᓗ ᑲᑎᒪᔨᖏᑦ. ᑲᑐᔾᔨᓪᓗᑎᒃ ᐃᓄᐃᑦ / ᒐᕙᒪᒃᑯᑦ ᒥᕐᖑᐃᓯᕐᕕᒻᒧᒃ ᐸᕐᓇᐃᔩᑦ ᐊᐅᓚᑦᑎᔩᓪᓗ ᑲᑎᒪᔨᖏᑦ, ᐸᕐᓇᐃᔩᑦ ᑲᑎᒪᔨᕋᓛᖏᑎᑐᑦ ᑎᑲᐊᕐᑕᐅᓯᒪᓗᑎᒃ, ᑕᐃᒫᓗᐊᖅ ᑎᒃᑯᐊᕐᑕᐅᓯᒪᕗᑦ ᒥᕐᖑᐃᓯᕐᕕᓕᕆᔨᒃ ᑲᓇᑕᒥ ᐊᒻᒪ ᕿᑭᑕᓂ ᐃᓄᐃᑦ ᑲᑐᔨᖃᑎᒋᑯᓄᑦ, ᑭᒡᒐᑐᐃᓗᑎᒃ ᐃᓅᖃᑎᖏᓐᓂᒃ, ᐃᓱᒪᒋᓐᖏᓪᓗᒋᑦ ᑭᑯᓐᓂᑦ ᑎᒃᑯᐊᕐᑕᐅᓯᒪᓂᖏᓐᓂᒃ. ᑲᑐᔾᔨᓪᓗᑎᒃ ᐃᓄᐃᑦ / ᒐᕙᒪᒃᑯᑦ ᒥᕐᖑᐃᓯᕐᕕᒻᒧᒃ ᐸᕐᓇᐃᔩᑦ ᐊᐅᓚᑦᑎᔩᓪᓗ ᑲᑎᒪᔨᖏᑦ ᐅᖃᐅᔾᔨᒋᐊᕐᑎᐅᕗᑦ ᐃᓱᒫᓗᑕᐅᔪᓂᑦ ᒥᕐᖑᐃᓯᕐᕕᒃ ᐊᐅᓚᑦᑎᓂᕐᒧᑦ, ᐱᖃᓯᐅᑎᓪᓗᒋᑦ ᑎᒃᑯᐊᕐᑕᐅᕕᖓᑦ. ᕿᑭᖅᑖᓗᒃ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᕐᑖᕈᓐᓇᐅᑎᖏᓐᓄᓪᓗ ᐊᖏᕈᑎᖓ ᓇᓗᓇᐃᓯᒪᔪᖅ ᐸᕐᓇᐅᑎ ᐊᐅᓚᑦᑎᓂᕐᒧᑦ ᖃᓄᐃᒋᐊᖃᓐᓂᖓ ᖁᑦᑎᓂᕐᐹᖅ ᐊᒻᒪ ᐸᕐᓇᐅᑎ ᐊᖏᖅᑕᐅᒋᐊᖃᕐᓂᖓ ᑲᑐᔾᔨᓪᓗᑎᒃ ᐃᓄᐃᑦ / ᒐᕙᒪᒃᑯᑦ ᒥᕐᖑᐃᓯᕐᕕᒻᒧᒃ ᐸᕐᓇᐃᔩᑦ ᐊᐅᓚᑦᑎᔩᓪᓗ ᑲᑎᒪᔨᖏᓐᓄᑦ ᑭᒃᑯᑐᐃᓐᓇᕐᓂᑦ ᑐᓴᕋᓱᓚᐅᖏᓂᖏᓂ ᒥᓂᔅᑕᒧᓪᓗ ᐊᖏᖅᑕᐅᖏᓐᓂᖓᓂ.

ᐱᕚᓕᕈᑎᒃᓴᐃᑦ ᓄᓇᕗᖕᒥᐅᑕᓄᑦ

ᑕᑯᔪᒪᔭᖓᑦ ᕿᑭᑖᓗᒥ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᕐᑖᕈᓐᓇᐅᑎᖏᓐᓄᓪᓗ ᐊᖏᕈᑎᖓ ᐱᕕᖃᕐᑎᓯᓇᓱᒃᐳᑦ ᐃᓄᖕᓄᑦ ᖃᓂᒋᔮᓂᑐᓄᑦ ᓄᓇᓕᒥᐅᓄᑦ ᐃᑲᔪᕐᑕᐅᖁᓗᒋᑦ ᐊᕿᓱᐃᓗᑎᒃ, ᐸᕐᓇᒃᓗᑎᒃ, ᐊᐅᓚᓯᓗᑎᒃᓗ ᒪᑐᐃᖔᕐᑎᓗᒍᓗ ᒥᕐᖑᐃᓯᕐᕕᒃ. ᒪᕐᕉᒃ ᖃᓂᓛᒃ ᓄᓇᓖᒃ, ᓇᓗᓇᐃᕐᑕᐅᓯᒪᔪᑦ ᕿᑭᑖᓗᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᖏᓐᓄᓪᓗ ᐊᖏᕈᑏᑦᓂ, ᐅᑯᐊᖑᔪᑦ ᕋᓴᓗ ᐊᒻᒪ ᐊᐅᔪᐃᑐᖅ. ᑕᒪᕐᒥᒃ ᐅᓄᕐᓂᖏᑦ ᑐᖔᓂᑐᑦ 200 ᐃᓄᖏᑦ. ᐅᖃᖅᑲᐅᒐᑦᑕ ᓯᕗᓂᐊᓂ, ᑖᑯᐊ ᓄᓇᓕᐅᔫᒃ ᐅᖓᓯᒻᒥᒻᒪᑎᒃ ᒥᕐᖑᐃᓯᕐᕕᒻᒥ, ᐊᒻᒪ ᐃᓚᐃᓐᓇᖏᑦ ᐃᓄᐃᑦ ᒥᕐᖑᐃᓯᕐᕕᖕᒧᓯᒪᔪᑦ ᑕᐃᒫᑕᐅᖅ ᐊᖅᑯᑎᖓ ᒥᕐᖑᐃᓯᕐᕕᖕᒧᑦ ᐱᑐᐃᓐᓇᐅᖏᓐᓂᖓᓄᑦ. ᒪᓇᐅᔪᖅ ᒥᖑᐃᓯᕐᕕᐅᑉ ᐊᐅᓚᓂᖓ ᒪᑐᐃᖔᕐᑎᓪᓗᖑ ᐃᓱᓕᑕᕐᕕᓕᒃ ᑕᖀᖕᓄᑦ ᒪᕉᖕᓄᑦ ᐊᐅᔭᑯᑦ, ᓱᓕ ᐅᖓᓯᒃᑐᐊᓗᓕᖃᑕᕐᐳᑦ ᐊᖏᕋᖏᓂᑦ ᐃᖃᓇᐃᔭᕐᑏᑦ ᐃᓕᖁᓯᖃᕐᑐᓄᑦ ᐃᓚᒋᖑᔪᑦ ᑲᑎᖓᐅᑎᐊᕐᑐᓂᑦ. ᖁᑎᖕᓂᐹᕐᒧᑐᐊᖅ ᑐᕌᖓᔪᕐᓂᒃ ᐃᖃᓇᐃᔭᕐᑎᓂᒃ ᓄᓇᓕᖕᓃᑐᖃᖏᑐᖅ ᓇᓕᐊᑐᐃᓇᕐᒥ. ᑕᒪᓇ ᑕᐃᒪᐃᑐᓚᕿᔪᖅ ᐊᔪᕐᓇᖃᑕᕐᒪᑦ ᐃᖃᓇᐃᔭᕐᑎᑖᕆᐊᒃᓴᖅ, ᐃᖃᓇᐃᔭᐃᓇᕐᑐᕐᒥᒃ ᐊᒻᒪ ᓄᓇᓕᒥᐅᑦ ᐃᓚᐅᑎᑕᐅᓂᖏᓂᒃ. ᒥᖑᐃᓯᕐᕕᓕᕆᔨᑯᑦ ᑲᓇᑕᒥ ᐊᔪᕐᓇᕐᑐᑯᖃᑕᕐᑐᑦ ᐱᓕᕆᐊᒃᓴᖏᑦ ᑲᔪᓯᑎᓇᓱᒃᖢᒋᑦ, ᑕᕙᓂ ᐸᕐᓇᐅᑎᒥ, ᐅᖃᐅᓯᕆᑲᓂᕐᑕᕗᑦ ᐱᓕᕆᐊᒃᓴᕗᑦ ᐊᖅᑯᑕᐅᓗᑎᒃ ᐅᓇᓂ ᓇᓗᓇᐃᕐᑕᐅᓯᒪᔪᑦ ᐅᓇᓂ, ᐊᑐᓕᕐᑎᑕᐅᓗᑎᓪᓗ ᑎᑎᕋᖅᑕᐅᓯᒪᔪᑦ ᐊᑖᓂ ᐃᓄᖕᓂᒃ ᐃᖅᑲᓇᐃᔭᖅᑎᖃᕆᐊᖃᕐᓂᕐᒧᑦ ᐸᕐᓇᐅᑎᒥᒃ.

ᐃᓄᐃᑦ ᖃᐅᔨᒪᔭᑐᖃᖏᑦ

ᐃᓄᐃᑦ ᖃᐅᔨᒪᔭᑐᖃᖏᑦ ᐱᔾᔪᑎᓕᒃ ᖃᐅᔨᒪᔭᐅᔪᓂᒃ ᑐᑭᓯᔭᐅᔪᓂᒡᓗ ᑭᓱᓕᒫᓂᒃ ᐃᓅᓯᖏᓄᑦᐊᒃᑐᖅᑕᐅᔾᔪᑎᐅᖃᑦᑕᖅᑐᓂᒃ ᐃᓄᐃᑦ ᐃᓅᓯᖏᓄᖏᓐᓄᑦ ᖃᐅᑕᒫᑦ ᐊᑐᖅᑕᐅᖃᑦᑕᖅᑐᓪᓗ ᖃᐅᔨᒪᓃᑦ ᐃᓄᐃᑦ ᐊᓐᓇᐅᒪᓇᓱᐊᓂᖏᓄᑦ ᐃᓕᖁᓯᖏᓅᖓᔪᓪᓗ. ᑕᒪᓇ ᖃᐅᔨᒪᓂᖅ ᑲᔪᓯᑎᑕᐅᖏᓇᑐᖅ ᐊᑐᖅᑕᐅᖏᓐᓇᐅᔭᕐᓂᖓ ᓯᕗᓪᓕᕆᔭᑦᑎᓐᓄᑦ ᐅᓪᓗᒥᒧᓪᓗ ᐃᓅᓯᕆᔭᑦᑎᓐᓄᑦ ᑲᔪᓯᔪᓐᓇᕈᑎᒋᖁᓪᓗᒍᓗ ᐊᓐᓇᐅᒪᔾᔪᑎᒋᔭᐅᔪᓐᓇᕐᓂᐊᕐᒥᖕᒪᑦ ᑭᖑᕚᑦᑎᓐᓄᑦ. ᐃᓄᐃᑦ ᖃᐅᔨᒪᔭᑐᖃᖏᑦ ᐃᓚᐅᑎᑕᐅᓂᐊᖅᑐᑦ ᒥᕐᖑᐃᓯᕐᕕᓕᕆᓂᕐᒧᑦ ᐸᕐᓇᐅᑎᓂᒃ ᖁᑦᑎᓂᕐᐹᖅ ᑲᓇᑕᐅᑉ ᒥᕐᖑᐃᓯᕐᕕᖓᓄᑦ. ᐃᓄᐃᓪᓗ ᖃᐅᔨᒪᔭᑐᖃᖏᑦ ᐸᕐᓇᐅᑎᓕᐊᖑᔪᒧᑦ ᐃᓱᒪᒃᓴᖅᓯᐅᕈᑕᐅᑦᑎᐊᖅᓯᒪᓗᑎᒃ. ᐊᐅᓚᑦᑎᔾᔪᑎᒋᓂᐊᖅᑕᕗᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑐᖅᓯᑦᑎᐊᕆᐊᖃᕐᒪᑦ ᒥᕐᖑᐃᖅᓯᕕᓕᕆᓂᐊᖅᑎᓪᓗᒋᑦ.

ᓄᓇ ᓴᐳᔾᔭᐅᕙᓪᓕᐊᔪᖅ

ᖃᐅᓱᐃᑐᖅ ᒥᕐᖑᐃᓯᕐᕕᒃ ᓴᖅᑭᑕᐅᓯᒪᔪᖅ 2014ᒥ, ᒪᓕᒃᑐᒍ ᐊᑎᓕᐅᖅᑕᐅᓂᖓ ᐊᓯᐊᒍ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑦ ᓇᓗᓇᐃᓯᒪᔪᑦ ᒪᓕᒃᑕᐅᒋᐊᓖᑦ ᐊᔾᔨᐸᓗᖏᑦ ᑖᑯᓄᖓ ᕿᑭᖅᑖᓗᒃ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᑦ. ᓄᑖᖅ ᑕᓪᓗᕈᑎᐅᑉ ᐃᒪᖓᑕ ᓴᐳᑎᔭᐅᓯᒪᓂᖓ, ᑕᒪᓇ ᐊᒃᑐᐊᓂᖃᕐᐳᖅ ᕋᓴᓗᒧᑐᐃᓇᐅᖏᑐᖅ ᐊᐅᔪᐃᑐᕐᒧᑐᐃᓇᐅᖏᑐᕐᓗ, ᑭᓯᐊᓂᑕᐅ ᒥᑎᒪᑕᓕᒧᑦ, ᐃᒃᐱᐊᕐᔪᖕᒧᑦ ᐊᒻᒪ ᑲᖏᕐᑐᒑᐱᖕᒧᑦ. ᑐᕙᐃᔪᐃᑦᑐᖅ, ᖁᑦᑎᑦᑑᑉ ᐃᒪᕕᐊᓂ, ᐅᑭᐅᖅᑕᖅᑑᑉ ᕿᑭᖅᑕᖏᑕ ᐅᐊᓐᓇᖓᓃᑦᑐᖅ ᒫᓐᓇᕋᑖᖅ ᓴᐳᔾᔭᐅᔾᔪᑎᑦᓴᖏᑦ ᐱᓐᖑᕐᑎᑕᐅᓚᐅᕐᖓᑕ ᑕᕆᐅᕐᒥ ᓴᐳᔾᔨᕕᓐᖏᕐᑐᑎᑕᐅᓪᓗᓂ. ᑕᑯᐊ ᓄᑖᑦ ᓴᐳᑎᔭᐅᓯᒪᔪᑦ ᐱᒪᕆᐅᔪᕐᒥᒃ ᐊᓯᔨᕐᓯᕗᑦ ᓄᓇᓕᖓᓂᒃ ᐊᒻᒪ ᒫᓐᓇᕋᑖᖅ ᐱᓐᖑᕐᑎᑕᐅᓚᐅᕐᓯᒪᔪᖅ ᑎᖕᒥᐊᓄᑦ ᓴᐳᔾᔨᕖᑦ ᐊᒻᒪ ᒪᓕᖢᒍ ᑲᓇᑕᒥ ᐆᒪᔪᓕᕆᔨᕐᔪᐊᑯᑦ ᓴᐳᔾᔨᔭᖏᑦ, ᐱᕕᖃᑎᑕᐅᔪᓇᕐᐳᒍᑦ ᐊᑐᕈᓇᕐᓗᑕ ᐊᖏᔪᑎᓄᑦ ᐅᓄᕐᓂᖏᓄᑦ ᓴᐳᑎᔭᐅᓯᒪᔪᑦ ᐊᒃᑐᐊᓂᓖᑦ, ᐊᒻᒪ ᐱᔪᑎᒋᓪᓗᒍ ᐱᓕᕆᓂᐅᔪᑦ ᑕᑯᓇᖓᓴᐃᓇᖅ ᓄᓇᓕᖕᓂᑦ.

ᓯᓚᐅᑉ ᐊᓯᔨᕐᐸᓕᐊᓂᖓ

ᓱᓐᓃᓂᖏᑦ ᓯᓚᐅᑉ ᐊᓯᔨᕐᐊᓕᐊᓂᖓᑕ ᑐᕋᐃᓇᕐᑐᕐᒥ ᐊᒃᑐᐃᕙᓕᐊᔪᑦ ᐊᕙᑎᖓᓂᒃ ᒥᖑᐃᓯᕐᕕᐅᑉ ᐊᒻᒪ ᒥᖑᐃᓯᕐᕕᖕᒦᖃᑕᕐᑐᓂᒃ. ᐃᖅᑲᓇᐃᔭᕐᑏᑦ ᐊᐅᓚᓂᓗᐊᑕᖓᑕ ᑐᖃᑕᕐᕕᖓ ᐊᒻᒪ ᐳᓚᕋᑏᑦ ᑐᖃᑕᕐᕕᖓ, ᑕᐃᑯᕆ ᓯᒃᔭᕆᒃᑐᖅ, ᑕᑯᕙᓕᐊᓕᕇᕐᑐᖅ ᐊᓯᔨᕐᓂᐅᔪᕐᓂᒃ ᐃᒪᖃᕐᕕᖓᓂᒃ ᑕᒪᓇ ᐅᔨᕆᔭᐅᑎᐊᑲᓂᕐᓂᐊᓕᕐᑐᖅ ᑕᕙᓂ ᐊᐅᓚᓯᓂᕐᒧᑦ ᐸᕐᓇᐅᑎᒥ. ᐅᓄᕐᓯᕙᓕᐊᒥᔪᑦ ᓯᑑᖃᑕᕐᑐᑦ ᐅᔨᕐᓇᕐᑐᑦ ᒥᖑᐃᓯᕐᕕᖕᒥ ᐊᒻᒪ ᐊᒥᓱᕈᕐᐸᓪᓕᐊᓱᒋᔭᐅᔪᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᔩᑦ ᐃᒡᓗᖃᕐᕕᑯᓂᕐᒥ ᐊᒻᒪ ᐊᓯᖏᑦ ᖃᐅᔨᓴᖅᑕᐃᑦ ᑲᓇᑕᒥ ᐅᑭᐅᖅᑕᖅᑐᖓᓂᒃ. ᐃᒡᓗᖃᕐᕕᕕᓂᕐᒥ ᐃᑕᕐᓂᓴᖃᕐᕕᐅᓗᓂᓗ ᐊᒻᒪ ᓱᕈᕐᓯᒪᔪᖅ ᓄᓇᖓ ᑲᓇᖕᓇᐅᑉ ᓯᔾᔭᖓᓂ ᒥᕐᖑᐃᓯᕐᕕᒥ (ᓄᓇᖑᐊᖅ 2), ᓯᒃᔭᕐᐸᓯᐊ ᐃᒡᓗᖃᕐᕕᕕᓂᐅᑉ ᓴᕐᕙᐅᕙᓕᐊᔪᖅ, ᑕᓇᓗ ᐊᖏᓕᕙᓕᐊᑎᓯᔪᖅ ᓱᕈᓇᕐᑐᓂᒃ ᑕᕆᐅᕐᔪᐊᒨᕐᐸᓕᐊᔪᓂᒃ. ᐃᓱᒪᒋᔭᕗᑦ ᐱᖁᑎᒋᔭᐅᔪᑦ ᐊᒻᒪ ᐅᓗᕆᐊᓇᕐᑐᕐᒥᖁᓇᒋᑦ ᒥᖑᐃᓯᕐᕕᓕᐊᖃᑕᕐᑐᑦ ᐅᓗᕆᐊᓇᕐᑐᕐᒥᖁᓇᒋᑦ ᐅᓪᓗᓂ ᐊᒋᕐᑐᓂ ᓱᓂᕐᑕᐅᑲᓂᕐᓂᐊᕐᑐᑦ. ᖃᓄᐃᓕᒋᐊᕈᑕᐅᔭᕆᐊᖃᕐᑐᖅ ᐊᓯᕗᑦ ᐱᓕᕆᖃᑎᒋᓗᒋᑦ, ᐆᑦᑑᑎᒋᓪᓗᒋᑦ ᓯᓚᑐᖅᓴᕐᕕᔪᐊᑯᑦ, ᓇᓗᓇᐃᑕᐅᑎᐊᖁᓗᒋᑦ ᐅᓗᕆᐊᓇᕐᑐᕐᒥᑎᓯᑐᐃᓇᕆᐊᓖᑦ ᐊᒻᒪ ᐊᕿᓱᕐᑕᐅᓗᑎᒃ ᐸᕐᓇᐅᑏᑦ ᐱᓕᕆᐊᖑᖁᓗᒋᑦ ᐅᕝᕙᓗᓃᑦ ᒥᑭᓕᕚᓕᖁᓗᒍ ᐊᒃᑐᐃᓂᖏᑦ.

ᑭᒃᓕᓯᓂᐊᕐᓂᖅ

ᐅᐊᖕᓇᕐᐸᓯᐊ ᐃᐅᓪᔅᒥᐊ ᕿᑭᑕᖓ ᖃᐅᔨᔭᐅᔪᒪᓚᒃᑐᑦ ᖃᐅᔨᓴᕐᑎᒻᒪᕆᓐᓄᑦ ᑕᐃᒪᖓᓂᑦ ᑕᐃᔭᐅᔪᑦ ᐳᕆᑎᔅ ᑯᐃᓐ ᓄᓇᖓᓂᑦ ᐅᑭᐅᖅᑕᖅᑐᒥᑦ ᑕᑯᔭᕆᐅᕆᐊᕐᑐᖅᑐᑦ, ᓯᕗᓕᕐᑎᖃᕐᑐᑎᑦ ᑳᐱᑕᓐ ᔪᐊᔾ ᓂᐅᔅ ᐅᑭᐊᖅᑕᖅᑐᒥᓚᐅᖅᓯᒪᓂᖓᓂ 1875ᒥ. ᐅᓇᑕᖅᑐᓴᓄᑦ ᐃᖅᑲᓇᐃᔭᖅᑐᖅ ᐊᑐᓪᕙᔅ ᒍᕇᓕ ᐊᕿᓯᖕᒪᑦ ᒥᐊᓕᒐᐃᑦ ᖃᐅᔨᓴᕐᑎᒻᒪᕇᑦ ᑐᖃᑕᕐᕕᖓᓐᓂᒃ ᐃᒡᓗᖃᕕᕕᓂᕐᒥ ᑐᕋᖓᔪᕐᒥ ᓯᕗᓕᕐᐸᖓᓂ ᓄᓇᔪᐊᓕᒫᕐᒥ ᓄᓇᔪᐊᑉ ᑲᔨᖓᓂ ᐊᕋᒍᖓᓂ, 1882ᒥᑦ 83ᒧᑦ, ᑭᓯᐊᓂ ᑕᐃᓱᒪᓂ ᓯᕗᓕᕐᐸᖓᓂ ᓄᓇᔪᐊᕐᒥ ᓄᓇᓕᕆᓂᕐᒧᑦ ᐊᕋᒍᒋᓚᐅᕐᓯᒪᕙᐅᒃ (1957-58ᒧᑦ) ᑕᐸᖕᓇ ᓄᓇᖓ ᑐᖃᑕᕐᕕᓗᐊᑕᖑᓚᐅᕐᑐᖅ ᖃᐅᔨᓴᕐᑎᒻᒪᕇᑦ. ᒥᕐᖑᐃᓯᕐᕕᖕᒥ ᒪᓇᐅᔪᖅ ᐃᒡᓗᖏᑦ ᓇᓗᓇᐃᕐᓯᔪᑦ ᐊᓂᕐᓇᕐᑐᓂ ᐱᖁᑎᓂᒃ ᐊᐅᓚᓯᓂᖓᓄᑦ ᑲᓇᑕᐅᑉ ᓄᓇᒥᐅᑕᓕᕆᔨᒃᑯᑦ ᑭᒃᓕᓯᓂᐊᕐᑐᓕᕆᔨᑯᑦ ᐃᑲᔪᕐᑐᐃᓂᖏᓂᒃ ᐱᔨᓯᕐᖢᑎᒃ ᑕᒪᕐᒥᓕᒫᖅ ᖁᑦᑎᒃᑐᕐᒥ ᐃᓕᓯᓂᐊᖁᑎᖏᓂᒃ. ᖃᓂᒃᓴᕐᓂᖓ ᓄᓇᕐᔪᐊᑉ ᑲᔾᔨᖓᓄᑦ ᐊᒻᒪ ᓱᓐᓂᕐᑕᐅᓯᒪᓗᐊᕋᓂ ᑭᑯᑐᐃᓇᐃᑦ ᐱᓕᕆᓂᖏᓄᑦ ᐃᓂᑎᐊᕙᐅᕗᖅ ᓯᓚᐅᑉ ᐊᓯᔨᕐᐊᓕᐊᓂᖓᓄᑦ ᑐᕋᖓᔪᓂᒃ ᖃᐅᔨᓴᕐᑎᒻᒪᕇᑦ ᐱᓕᒻᒪᒃᓴᐃᓂᕐᒧᓪᓗ. ᖃᐅᔨᔭᐅᔪᑦ ᑕᐃᖃᓂ ᐅᖃᐅᓯᐅᕙᑦᑐᑦ ᓯᓚᐅᑉ ᐊᓯᔨᕐᐸᓕᐊᓂᖓᓄᑦ ᑲᑎᖓᓕᕌᖓᑕ ᓄᓇᔪᐊᓕᒫᕐᒥᖔᕐᑐᓂᒃ ᑎᑎᕋᕐᑕᐅᕙᑦᑐᑎᓪᓗ.

ᐅᐸᒃᑕᐅᖃᑕᕐᓂᖓ ᐊᑑᑎᖓᓗ

ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᓯᕐᕕᓕᐊᖃᑕᕐᑐᑦ ᓱᓐᓂᕐᑕᐅᓯᒪᔪᓛᓗᒃ ᐅᐸᑲᑕᒃᑕᐅᔪᓇᕐᓂᖓ, ᑕᐃᒪᖓᓂ ᐳᓚᕋᑏᑦ ᐅᒥᐊᕐᔪᐊᑦ ᐊᒻᒪ ᐊᑭᓕᖅᑕᐅᓯᒪᔪᒃᑯᑦ ᐊᑐᕐᑕᐅᔪᓇᕐᑐᑑᖕᒪᑕ ᒥᕐᖑᐃᓯᕐᕕᓕᐊᕐᑐᓄᑦ. ᐳᓚᕋᕐᑏᑦ ᐅᒥᐊᕐᔪᐊ ᐅᓯᔪᓇᕐᑐᑦ 150ᓂᒃ ᒥᕐᖑᐃᓯᕐᕕᓕᐊᕌᖓᒥᒃ ᕿᓚᒥᑯᓗᒃ ᒥᕐᖑᐃᓯᕐᕕᖕᒥᐸᒃᑐᑦ, ᐃᓚᐃᓐᓇᖓᓂᒃ ᑕᑯᕙᒃᑐᑎᓪᓗ. ᐊᑯᓂᖓᓂ 2008 ᐊᒻᒪ 2017, ᐅᓄᕐᓂᖏᑦ ᐊᕋᒍᑕᒫᑦ ᖃᓯᓗᐊᖑᖃᑕᕐᓂᖏᑦ ᐊᓂᒍᕐᑐᓂ ᐊᕋᒍᓂ ᐳᓚᕋᑏᑦ ᐅᒥᐊᕐᔪᐊᖏᑦ ᑕᐸᐅᖓᖃᑕᕐᑎᓇᒋᑦ 17ᖑᓚᐅᕐᑐᑦ. ᑕᕝᕙᓂ ᐊᕐᕌᒍᑦ ᐃᓗᐊᓂ ᐱᖓᓱᑦ ᐅᒥᐊᕐᔪᐊᑦ ᑐᓚᖃᑕᓚᐅᕐᑐᑦ ᐊᒻᒪ ᒥᕐᖑᐃᓯᕐᕕᒃ ᑕᑯᖃᑕᓚᐅᕐᑐᖅ ᐊᔨᒋᖏᓇᐸᓗᓗᐊᓂ ᐅᓄᕐᓂᖏᑦ 215 ᐳᓚᕋᑎᑦ. ᐅᓄᕐᓂᕆᒐᔪᒃᑕᖏᑦ ᐊᕙᑏᑦ ᑭᒃᓕᓯᓂᐊᕐᑏᑦ ᒥᖑᐃᓯᕐᕕᖕᒦᖃᑕᕐᑐᑦ ᐊᕋᒍᑕᒫᑦ, ᑕᐹᓂᒐᔪᒃᑐᑦ ᑯᓪᓗᓂᑦ ᑕᓕᒪᓄᑦ, ᑎᑭᖢᖑ ᑕᕿᖕᓄᑦ ᒪᕉᖕᓄᑦ ᐊᒻᒪ 40ᒥᑦ 150ᒧᑦ ᐅᓇᑕᕐᑐᒃᓴᑯᑦ ᐃᖃᓇᐃᔭᕐᑎᖏᑦ ᒥᒍᓐᓇᕐᑐᑦ ᒥᕝᕕᖓᓂᒃ ᑕᐃᑯᕆ ᓯᒃᔭᕆᒃᑐᑯᑦ ᒥᕐᖑᐃᓯᕐᕕᒃ ᒪᑐᐃᖔᕐᑎᓪᓗᒍ, ᓯᓂᒃᑕᓱᖑᓐᖏᒃᑲᔪᒃᑐᑦ.

ᖃᓄᐃᓕᖓᓕᕐᓂᖓᑕ ᒥᖑᐃᓯᕐᕕᐅᑉ ᖃᐅᔨᓴᕐᑕᐅᓂᖓ

ᓴᕿᑐᖅ ᖁᑎᖕᓂᕐᐹᖅ ᒥᖑᐃᓯᕐᕕᐅᑉ ᑲᓇᑕᒥ ᖃᓄᐃᑐᓂᖏᑕ ᒥᖑᐃᓯᕐᕕᐅᑉ ᖃᐅᔨᓴᕐᑕᐅᓂᖏᑦ (2018) ᐱᒪᕆᐅᔪᕐᒥ ᑲᔪᓯᓂᖅ ᐊᑐᓕᕐᑐᖅ ᐱᔪᑎᓕᖕᒥᒃ ᐃᑯᒪᖁᑎᓂᒃ ᐊᑐᖏᓂᕐᓴᐅᓂᖅ ᒥᖑᐃᓯᕐᕕᐅᑉ ᐊᐅᓚᓂᖓᓂ ᐊᒻᒪ ᒥᑭᓕᕚᓕᖢᓂ ᑕᒪᐃᓄᖓᔪᑦ ᑕᐸᓂᓂᑕ ᓇᓗᓇᐃᑯᑕᖏᑦ. ᑕᖕᒫᕐᕖᑦ ᑕᒪᕐᒥᓕᒫᖅ ᓯᕿᓂᕐᒧᑦ ᐃᑯᒪᖁᑎᖃᓗᐊᑕᓕᕐᑐᑦ. ᐅᕐᓱᐊᓗᖃᐅᑎᓂᒃ ᐅᕐᓱᐊᓗᖃᐅᑎᑯᕕᐅᔪᑦ ᐊᑐᕐᑕᐅᓂᖓ ᐊᐅᓚᑕᐅᓂᖓᓗ ᐊᕿᒋᐊᕐᑕᐅᓯᒪᓕᑐᖅ ᐊᕙᑎᖓ ᓴᐳᑎᔭᐅᓯᒪᖁᓗᖑ. ᐊᖏᓂᕐᓵᓗᒃ ᐊᒃᑕᕐᓗᑯᑦ (ᓴᕕᕋᔭᐃᑦ, ᐅᕐᓱᓗᑯᓃᑦ, ᐃᒪᖃᖏᑐᑦ ᖃᑕᐅᔭᐃᑦ, ᐃᖏᕋᔪᑎᑐᖃᕕᓃᑦ) ᐊᐅᓚᐅᔭᐅᓯᒪᔪᑦ ᒥᕐᖑᐃᓯᕐᕕᖕᒥᑦ, ᐱᓗᐊᕐᑐᕐᒥ 2016ᒥᑦ 2017ᒧᑦ. ᑕᐃᑯᕆ ᓯᒃᔭᕆᒃᑐᖅ ᑕᖕᒫᕐᕕᒃ, ᒥᕐᖑᐃᓯᕐᕕᐅᑉ ᐊᐅᓚᓯᓂᕐᒧᑦ ᑐᖃᑕᕐᕕᓗᐊᑕᖓ, ᒥᕝᕕᑯᑖᖃᕐᓂᖓ ᓯᕐᒥᑭᐅᓂᖓᓗ, ᐊᓯᔨᕐᓯᒪᓕᑐᖅ ᑐᖃᕐᑕᕐᕕᓗᐊᑕᐅᓗᓂ ᐳᓛᕐᑎᑦ ᐱᓕᕆᕕᒋᓪᓗᓂᐅᒃ. ᑕᐃᒪᖓᓂᑦ 2014, ᑲᓇᑕᒥ ᒥᕐᖑᐃᓯᕐᕕᒃ ᐊᑭᓕᖅᑕᐅᓯᒪᔪᒥᒃ ᑲᔪᓯᑎᓯᔪᖅ ᐳᓛᕐᑏᑦ ᑕᐸᐅᖓᑲᑕᖁᓗᒋᑦ ᐊᒻᒪ ᓴᓇᓯᒪᔪᒃ ᑕᖕᒫᕕᐅᖃᑕᕐᓂᐊᓗᓂ ᐳᓚᕋᑎᓄᑦ ᑕᐃᑯᕆ ᓯᒃᔭᕆᒃᑐᖅᒥ. ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᑦ ᑲᑐᔾᔨᖃᑎᖃᕐᑐᑎᑦ ᐊᐅᓪᓚᕈᔾᔨᔨᓂᑦ ᐳᓚᕋᑎᓂᑦ ᐊᐅᓚᑦᓯᖃᑎᒌᑦᑐᑎᑦ. ᐊᕙᑎᐅᑉ ᖃᓄᐃᖏᓂᖓᓂᒃ ᐊᒻᒪ ᐃᓕᖅᑯᓯᑐᖃᒃᑯᑦ ᓇᐅᑦᓯᕐᑐᖅᑎᓂᑦ ᐅᐊᓯᓂᖅ − ᒪᓕᑦᑐᒋᑦ ᐃᓕᖅᑯᓯᑐᖃᒃᑯᑦ ᓄᓇᒥᓐᖔᕐᑐᓂᑦ ᖃᐅᔨᓴᓚᐅᕐᑐᑎᑦ − ᐊᕿᑕᐅᓯᒪᓕᕐᑐᖅ ᒥᕐᖑᐃᓯᕐᕕᖕᒧᑦ ᐊᒻᒪ ᓯᕗᓕᕐᐹᖅ ᖃᐅᔨᓴᕈᑎᒃ ᐊᑐᕐᑕᐅᓚᐅᕐᑐᖅ ᓇᓗᓇᐃᓯᔪᑎᒋᓪᓗᓂᐅᒃ ᖃᓄᐃᑑᓂᖓ ᒥᕐᖑᐃᕐᓯᕐᕕᐅᑉ ᖃᐅᔨᓴᕐᑕᐅᓂᖓᓄᑦ. ᒪᓕᒡᓗᖏᓪᓗ ᐃᓂᑐᖃᕕᓂᐅᓂᖓ ᖃᐅᔨᓴᖅᑕᐅᓪᓗᓂ. ᒪᕐᕉᒃ ᑎᓴᒪᓂ ᓇᓗᓇᐃᒃᑯᑕᐅᓂᐊᕐᑑᒃ ᑕᑯᔭᖅᑐᖅᑕᐅᓯᒪᑎᓪᓗᒋᑦ ᖃᓄᐃᖏᓐᓂᕋᑦᑕᐅᑐᐃᓐᓇᖅᖢᑎᒃ, ᐃᓚᖓᓗ ᖃᓄᐃᓐᖏᓂᕋᕐᑕᐅᓪᓗᓂ ᐊᒻᒪ ᑭᖑᓪᓕᕐᐹᖅ ᓇᓗᓇᐃᕐᑕᐅᓚᐅᓐᖏᑦᑐᖅ.

4.0 ᐱᕙᓪᓕᐊᑎᑦᑎᓂᖅ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ

ᐋᖅᑭᒃᓱᖅᑕᐅᑎᓪᓗᒍ ᑎᑎᕋᖅᑕᐅᒋᐊᓐᖓᖅᑐᖅ ᐊᐅᓚᑦᑎᓂᕐᒧᑦ ᐸᕐᓇᐅᑎ, ᒥᕐᖑᐃᓯᕐᕕᓕᕆᔨᒃᑯᑦ ᐸᕐᓇᐃᔨᖏᑦ ᐱᓕᕆᓚᐅᖅᐳᑦ ᐅᖃᐅᓯᖃᖅᑐᑎᓪᓗ ᑕᐅᑐᖅᑰᖅᑕᐅᔪᓂᒃ, ᐱᓕᕆᐊᕆᓪᓗᐊᑕᕆᓂᐊᖅᑕᒥᖕᓂᒃ, ᐊᒻᒪ ᑐᓴᖃᑎᒌᒃᑐᑎᒃ ᐱᓕᕆᐊᒃᑯᒪᒋᔭᐅᔪᓂᒃ ᖁᑦᑎᓂᖅᐹᑉ ᓄᑖᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑖᓄᑦ. ᑕᒪᓐᓇ ᐃᓚᐅᑎᑦᑎᓂᖅ ᐃᓚᖃᓪᓗᐊᑕᓚᐅᖅᐳᖅ ᐃᓄᖕᓂᒃ ᑲᑎᒪᖃᑎᖃᕐᓂᕐᒥᒃ ᐱᓪᓗᐊᖅᑐᒥᑦ ᐃᓄᖕᓂᒃ ᐱᖃᖃᑕᐅᔪᓂᒃ ᓄᓇᓕᖕᓂ ᖃᐅᓱᐃᑦᑐᒥ ᐊᐅᓱᐃᑦᑐᒥᓗ (ᓲᕐᓗ ᐃᒪᓐᓇ, ᕼᐋᒻᓚᒃᑯᑦ ᑲᑎᒪᔨᖏᑦ, ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ, ᐃᓐᓇᐃᑦ, ᓇᖕᒥᓂᕆᔭᐅᔪᓪᓗ), ᐃᓛᒃᑰᖅᑐᓂᒡᓗ ᑲᑎᒪᖃᑎᖃᖅᐸᖕᓂᖅ ᐊᓯᖏᓐᓂᒃ ᒐᕙᒪᒃᑯᑦ ᐱᓕᕆᕝᕕᒋᔭᖏᓐᓂᒃ ᓇᖕᒥᓂᖅ ᐅᕝᕙᓘᓐᓃᑦ ᐅᑯᓇᙵᑦ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖃᐅᓯᖃᓚᐅᖅᐳᑦ ᐋᖅᑭᒋᐊᖅᓯᓪᓗᑎᒡᓗ ᑎᑎᕋᖅᑕᐅᒋᐊᓐᖓᐅᑎᓄᑦ. ᑲᑐᔾᔭᐅᔪᑦ ᐱᓕᕆᐊᖑᒍᒪᔪᑦ ᐅᖃᐅᓯᐅᔪᑦ ᑖᒃᑯᓇᓂ ᐋᖅᑭᒋᐊᖅᑕᐅᔪᓂ ᐊᒻᒪ ᓄᓇᓕᖕᓂ ᐃᓚᐅᑎᑦᑎᓂᕐᒧᑦ ᐱᓕᒻᒪᒃᓴᕈᑕᐅᔪᓂ ᐃᓚᓕᐅᔾᔭᐅᑲᐅᑎᒋᓚᐅᖅᐳᑦ ᑕᐅᑐᖅᑰᖅᑕᐅᔪᓄᑦ, ᖃᓄᖅᑑᕈᑎᓪᓗᐊᑕᓄᑦ, ᑎᑭᑕᐅᓇᓱᒃᑐᓄᑦ, ᐊᒻᒪ ᑎᑭᑕᐅᓇᓱᒃᑐᓄᑦ ᑎᑎᕋᖅᑕᐅᒋᐊᕐᖓᖅᑐᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓄᑦ ᒪᓕᒃᑐᒍ ᕿᑭᖅᑖᓗᒃ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎ, ᑲᑐᔾᔨᖃᑎᒌᑦ ᐸᕐᓇᐃᔨᑦ ᐊᖏᕈᑎᖃᓚᐅᖅᐳᑦ ᑎᑎᕋᖅᑕᐅᒋᐊᕐᖓᖅᑐᒥᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ ᓄᕕᐱᕆ 2019−ᒥ.

ᔫᓂ ᐊᒻᒪ ᑎᓯᐱᕆ 2023 ᐊᑯᓐᓂᖓᓂ, ᑎᑎᕋᖅᑕᐅᒋᐊᕐᖓᖅᑐᖅ ᐊᐅᓚᑦᑎᓂᕐᒧᑦ ᐸᕐᓇᐅᑦ ᑐᓂᐅᖅᑲᐅᑕᐅᓚᐅᖅᐳᖅ ᑎᑎᖅᑲᒃᑯᕕᒃᑯᑦ ᑎᑎᕋᖅᓯᒪᔪᓂᒃ ᓴᖅᑭᑕᐅᓪᓗᑎᒡᓗ ᖃᕋᓴᐅᔭᒃᑯᑦ ᐃᓚᐅᑎᑦᑎᓂᕐᒧᑦ ᑐᙵᕕᒃᑯᑦ, 850 ᐅᖓᑖᓃᓚᐅᖅᐳᑦ ᑕᑯᓂᐊᖅᑐᒥᓃᑦ ᖃᓪᓗᓈᑎᑑᖅᑐᓂᑦ, ᐅᐃᕖᑐᑦ, ᐊᒻᒪ ᐃᓄᒃᑎᑐᑦ ᐃᑭᐊᖅᑭᕕᒻᒥ ᐱᓕᕆᐊᖑᓯᒪᔪᓂ ᒥᒃᓵᓄᑦ. ᑕᓪᓕᒪᑦ ᑎᑎᕋᖅᓯᒪᔪᑦ ᐱᔭᐅᓚᐅᖅᑐᑦ. ᑐᙵᓱᒃᑎᑦᑎᔪᑦ ᐃᒡᓗᐃᑦ ᐊᒻᒪ ᒥᑭᑦᑐᑦ ᑐᕌᒐᕆᔭᐅᔪᑦ ᓇᖕᒥᓂᖃᖃᑕᐅᔪᓪᓗ ᑲᑎᒪᓚᐅᖅᐳᑦ ᓄᓇᓖᑦ ᖃᓂᒋᔮᓃᑦᑐᑦ (ᔫᓂ−ᔪᓚᐃ 2022) ᐊᒻᒪ ᐊᐅᓱᐃᑦᑐᒥ (ᓄᕕᐱᕆ 2022), ᐃᓚᐅᑎᑦᑎᒃᑲᓐᓂᖅᑐᑎᓪᓗ ᐱᖃᖃᑕᐅᓪᓗᐊᑕᖅᑐᓂᒃ ᐊᓯᖏᓐᓂᒡᓗ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ ᑕᒪᓐᓇᓗ ᑲᔪᓯᓚᐅᖅᐳᑦ 2023 ᐅᑭᐅᖓᓂ. ᑎᑎᕋᖅᓯᒪᔪᑦ ᓇᒃᓯᐅᔾᔭᐅᓚᐅᖅᑐᑦ ᐱᖃᖃᑕᐅᔪᓄᑦ ᐅᖃᐅᓯᒃᓴᑦ ᑲᑎᑕᐅᓪᓗᑎᒃ ᑲᑎᒪᔪᓐᓇᙱᑉᐸᑕ. ᑕᐅᑑᑎᓗᑎᒃ ᐱᒻᒪᕆᐅᔪᓂᒃ ᐱᔾᔪᑎᓂᒃ ᓴᖅᑭᑦᑎᔪᖃᓚᐅᙱᑦᑐᖅ ᑐᓴᕋᓱᒃᑎᓪᓗᒋᑦ. ᒪᓕᒃᑐᒍ ᕿᑭᖅᑖᓗᖕᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎ, ᑲᑐᔾᔨᖃᑎᒌᑦ ᐸᕐᓇᐃᔨᑦ ᐊᖏᓚᐅᖅᐳᑦ ᑭᖑᓪᓕᖅᐹᒥ ᑎᑎᕋᖅᑕᐅᒋᐊᕐᖓᖅᑐᒥᒃ ᐸᕐᓇᐅᒻᒥ ᔫᓂ 2023−ᒧᑦ ᑐᓐᓂᔭᐅᖁᓪᓗᒍ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ ᑕᖅᑭᖅ ᐊᓂᒍᖅᑎᓪᓗᒍ, ᐊᖏᕈᑎᖃᓚᐅᖅᐳᑦ ᑎᑎᕋᖅᑕᐅᒋᐊᕐᖓᖅᑐᒥᒃ ᐸᕐᓇᐅᒻᒥᒃ "ᐃᓱᒫᓘᑕᐅᓪᓗᑎᒃ ᐊᐅᓚᑦᑎᔾᔪᑎᑦ ᐊᒻᒪ ᓴᐳᔾᔭᐅᔾᔪᑎᑦ ᐆᒪᔪᓄᑦ ᐅᕝᕙᓘᓐᓃᑦ ᐆᒪᔪᑦ ᓇᔪᖅᐸᒃᑕᖏᑦ" (ᕿᑭᖅᑖᓗᖕᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑦ ᓴᓇᐅᒐᕐᓄᑦ 5.3.35). ᐅᖃᐅᓯᒃᓴᓕᒫᑦ ᑎᑎᕋᖅᑕᐅᒋᐊᓐᖓᖅᑐᒧᑦ ᐸᖕᓇᐅᑎᒧᑦ ᑐᓴᖅᑎᑦᑎᒍᑕᐅᓚᐅᖅᑐᖅ ᐱᕙᓪᓕᐊᓂᖓᓂ ᑭᖑᓕᐸᖅᓯᐅᑦ. ᓇᓗᓇᐃᔭᖅᓯᒪᔪᑦ ᑕᑯᑦᓴᐅᔪᐃᓐᓇᐅᖁᓪᓗᒋᑦ ᐅᖃᐅᓯᐅᔪᓕᒫᑦ ᑲᑎᑕᐅᓚᐅᖅᑐᑦ ᑕᐃᔭᐅᓪᓗᑎᒃ “ᑐᓴᓚᐅᖅᑕᕗᑦ” ᐅᓂᒃᑳᖓᓂ ᐊᑐᐃᓐᓇᐅᑎᑕᐅᔪᖅ ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᒪᑉᐱᒐᖓᓂ ᐃᑭᐊᖅᑭᕕᒃᑯᑦ ᐱᔾᔪᑎᒋᓪᓗᒍ ᖁᑦᑎᓂᖅᐸᖅ ᑲᓇᑕᒥ ᒥᓐᖑᐃᓯᕐᕕᒃ.

6.0 ᐸᕐᓇᐅᑎᓪᓗᐊᑕᐃᑦ

ᐱᖓᓱᑦ ᒪᑐᐃᖅᓯᒍᑎᐅᔪᑦ ᖃᓄᖅᑑᕈᑏᑦ ᐸᕐᓇᐅᑎᓪᓗᐊᑕᐃᑦ ᓇᓗᓇᐃᖅᓯᒍᑎᐅᕗᑦ ᖃᓄᖅ ᓴᒻᒥᑦᓯᒍᑕᐅᓚᖓᒻᒪᖔᑕ ᐊᐅᓚᑕᐅᓂᖓᓄᑦ ᖁᑦᑎᓂᕐᐹᑉ ᒥᕐᖑᐃᓯᕐᕕᖓᓄᑦ ᑲᓇᑕᒥ ᐊᒋᕐᑐᓂ ᐊᕋᒍᓄᑦ ᖁᓕᓄᑦ. ᑕᑯᐊ ᐸᕐᓇᐅᑏᑦ ᑐᖓᕕᖃᕐᐳᑦ ᓯᕗᓕᕐᐸᐅᔭᐅᖁᔭᐅᔪᓂᒃ ᓇᓗᓇᐃᕐᑕᐅᓯᒪᔪᓂᒃ ᒥᕐᖑᐃᓯᕐᕕᐅᑉ ᐸᕐᓇᐃᔨᖏᓂᒃ, ᑲᑐᔨᖃᑎᒌᑦ ᒥᕐᖑᐃᓯᕐᕕᖕᒧᑦ ᐊᐅᓚᓯᔨᖏᑕ ᑲᑎᒪᔨᕋᓛᖏᓄᑦ ᐊᒻᒪ ᒥᕐᖑᐃᓯᕐᕕᓕᕆᔨᑦ ᑲᓇᑕᒥ, ᐊᒻᒪ ᐊᑐᕐᓗᒋᑦ ᑐᕋᒐᕆᔭᐅᔪᑦ ᖃᓄᖅ ᐅᕕᓂᓖᑦ ᑭᒃᑯᑐᐃᓐᓇᐃᑦ ᑭᓇᐅᔭᓕᐅᕈᑕᐅᔪᓪᓗ ᐊᑐᖅᑕᐅᓂᐊᕐᒪᖔᑕ ᑎᑭᐅᑎᔭᐅᑦᓯᐊᖁᓪᓗᒋᑦ ᑲᑐᔾᔨᓂᒃᑯᑦ ᑕᑯᓐᓇᖅᑕᕗᑦ. ᐅᓄᕐᑐᐃᑦ ᑐᕋᒐᐃᑦ ᐊᕙᒻᒧᑦ ᓇᓕᐊᓐᓄᑐᐃᓐᓇᑦ ᐊᑦᑐᐊᕗᑦ ᐊᑐᕐᓂᖏᑦ ᑕᐃᒪᐃᓂᖓᓄᓪᓗ ᐊᑕᐅᓯᑐᐃᓐᓇᐅᓐᖏᓚᖅ ᐱᔨᑦᓯᕐᓂᒃᑯᑦ ᑐᕋᖅᑕᐅᔪᖅ. ᓇᓕᐊᓐᓄᑦ ᐊᑦᑐᐊᔪᑦ ᒪᓕᓪᓗᒋᑦ, ᖃᓄᐃᒋᐊᕈᑕᐅᔪᓐᓇᖅᑐᑦ ᐊᑦᑐᐊᔪᑦ ᐃᓛᒃᑰᖅᑐᓄᑦ ᕿᑭᖅᑕᓂ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎᒥ ᐃᓚᐅᖃᑕᐅᓪᓗᑎᒃ ᑕᑯᑎᑦᓯᖁᓪᓗᒋᑦ ᐊᑦᑐᐊᖃᑎᒌᓐᓂᖏᑦ ᐊᑯᓐᓂᖏᓐᓂ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ ᑲᒪᒋᔭᐅᒋᐊᖃᖅᑎᑕᐅᓂᖏᑦ ᐊᖏᖃᑎᒌᒍᒻᒧᑦ ᐊᒻᒪᓗ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᕐᓄᓪᓗ ᐊᖏᖃᑎᒌᒍᑎᐅᑉ ᐊᑐᓕᖅᑎᑕᐅᓂᖓᑕ.

ᐅᓪᓗᐃᑦ ᑐᕌᖅᑕᐅᔪᑦ ᐊᑦᑐᐊᕗᑦ ᐅᓪᓗᖓᓄᑦ ᐊᑎᓕᐅᖅᑕᐅᓚᐅᖅᓯᒪᓂᖓᑕ ᐊᖏᖃᑎᒌᒍᑎᐅᑉ, ᐊᒻᒪᓗ ᐅᓯᐊᒍᑦ ᓇᓗᓇᐃᖅᑕᐅᓯᒪᓐᖏᑉᐸᑦ ᑭᓯᐊᓂ, ᑐᕋᒐᐃᑦ ᑲᔪᓯᑎᑕᐅᓇᓱᖕᓂᐊᕐᑐᑦ ᐊᕋᒍᐃᑦ ᖁᓖᑦ ᐃᓗᐊᓂ ᐊᑐᕐᓂᖓᓂ ᐅᓇ ᐸᕐᓇᐅᑎ ᐅᒡᕙᓗ ᐊᓯᖏᑦ ᐊᖏᕈᑕᐅᓯᒪᔪᑦ ᑲᔪᓰᓐᓇᕆᐊᖃᕐᓂᖏᓐᓄᑦ.

ᐃᓗᓕᒻᒪᕆᖏᑦ ᑐᕌᖅᑕᐅᔫᑉ ᓄᓇᕗᑦ ᐊᖏᖃᑎᒌᒍᑎᖓᓂ ᑲᔪᖏᖅᓴᐃᒍᑕᐅᕗᑦ ᐃᒥᓂᕿᓪᓗᑎᒃ ᒪᑭᑕᒍᓐᓇᕐᓂᖏᑦ ᐱᖁᓯᖏᓐᓅᖓᔪᑦ ᐊᑐᕐᓗᒋᑦ, ᐃᓄᖃᑎᒌᑎᐊᕈᓯᖏᓪᓗ ᐃᓄᐃᑦ. ᕿᑭᑖᓂ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᕐᓄᓪᓗ ᐊᖏᖃᑎᒌᒍᑎᖓ ᓴᓇᕈᑎᐅᕗᖅ ᐊᑐᕐᑕᐅᖁᓗᒋᑦ ᓇᓚᒃᑕᐅᖁᓗᒋᓪᓗ ᐃᓄᐃᑦ ᐱᔪᓇᐅᑎᖏᑦ ᐃᓄᐃᑦ ᐱᕚᓕᖁᓗᒋᑦ ᐊᕿᑕᐅᓯᒪᔪᓂᑦ, ᐸᕐᓇᒃᑕᐅᔪᓂᒃ, ᐊᐅᓚᓂᖓᓂᓗ ᒥᖑᐃᓯᕐᕕᐅᑉ, ᐱᓗᐊᖅᑐᒥ ᖃᓂᒋᔭᖃᖅᑐᑦ ᓄᓇᓖᑦ ᒥᕐᖑᐃᓯᕐᕕᓐᓂᑦ. ᐃᓛᒻᒪᕆᒃ, ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐱᓕᕆᐊᖃᖅᐳᑦ ᐃᓚᒋᔭᐅᓪᓗᑎᒃ ᖃᐅᓱᐃᑦᑐᒧᑦ ᐊᐅᔪᐃᑦᑐᒧᓪᓗ, ᐅᖃᖃᑎᖃᖅᐸᓪᓗᑎᓪᓗ ᐊᓯᖏᓐᓂᑦ ᑲᓇᑕᐅᑉ ᒐᕙᒪᖏᓐᓂ ᐱᓕᕆᕕᐅᔪᓂᑦ ᐱᑕᖃᖁᓪᓗᒍ ᐱᓕᕆᕕᐅᔪᓐᓇᖅᑐᓂᑦ−ᐃᓪᓗᓂᑦ ᐊᑐᐃᓐᓇᓂᖏᑦ ᐊᑐᖅᑕᐅᒍᓐᓇᖁᓪᓗᒋᑦ ᐃᓄᐃᑦ ᐱᓕᕆᖃᑕᐅᓂᐊᖅᐸᑕ ᒥᕐᖑᐃᓯᕐᕖᑦ ᐊᐅᓚᑕᐅᓂᖏᓐᓄᑦ, ᑮᓇᐅᔭᓕᐅᕈᑎᖏᓐᓄᑦ, ᐃᖅᑲᓇᐃᔭᖅᑎᑕᐅᓂᖏᓐᓄᓪᓗ ᐃᖅᑲᓇᐃᔮᓂ ᐃᓂᐅᔪᓂ. ᑕᓯᐅᖅᑕᐅᒋᐊᕐᓗᑎᒃ ᐃᓄᐃᑦ ᐃᓅᖃᑎᒌᑦᓯᐊᕈᑎᖏᑕ ᑐᓐᖓᕕᖏᓐᓂ ᐱᓗᐊᖅᑐᒥ ᐃᓗᐊᓂ ᐱᔨᓯᕐᓂᐅᑉ (ᐱᔨᓯᕐᓂᖅ ᐱᕕᖃᖅᑎᑕᐅᖁᓪᓗᒋᑦ ᐃᓚᒌᑦ ᐊᒻᒪ/ᐅᕙᓗᓃᑦ ᓄᓇᖅᑲᑎᒌᑦ), ᑕᒪᑐᒪᓂ ᖃᓄᖅᑑᕈᒻᒥ ᑐᕌᖅᑕᐅᔪᒪᔪᓪᓗ ᑐᕌᖅᑕᐅᓇᓱᐊᖅᑐᓪᓗ ᐊᖅᑯᑎᒋᓗᒋᑦ ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐊᖏᕈᑕᐅᓯᒪᔪᓂᑦ ᑲᔪᓯᑎᑦᓯᔭᕆᐊᖃᖅᐳᑦ ᓄᓇᕗᑦ ᐊᖏᖃᑎᒌᒍᑎᖓᓂᑦ ᐊᒻᒪᓗ ᕿᑭᑖᓂ ᐃᓄᐃᑦ ᐊᑦᑐᖅᑕᐅᓂᖏᓄᑦ ᐃᑲᔪᓯᐊᕐᓄᓪᓗ ᐊᖏᖃᑎᒌᒍᑎᖓᓂᑦ ᐃᓄᐃᑦ ᐃᑲᔪᕐᑕᐅᔪᓇᖁᓗᒋᑦ ᐃᑲᔫᓯᐊᑎᒍᑦ ᐊᑦᑐᐊᔪᓄᑦ ᖁᑎᓂᕐᐹᖅ ᑲᓇᑕᒥ ᒥᖑᐃᓯᕐᕕᖓᓄᑦ.

ᖁᑎᖕᓂᕐᐹᖅ ᒥᖑᐃᓯᕐᕕᒃ ᐃᑲᔪᕐᑐᐃᔪᑦ ᐊᔾᔨᒌᓐᖏᑦᑐᓂᑦ ᐊᑐᖅᐸᑦᑐᓂᑦ ᒥᓐᖑᐃᓯᕐᕕᒻᒥᑦ: ᐊᖑᓇᓱᒡᕕᐅᓂᖓ ᐱᓪᓗᒍ ᐃᓂᒋᔭᑐᖃᐅᓂᖓᓗ ᐃᓄᖕᓄᑦ. ᐊᒻᒪᓗᑦᑕᐅᖅ ᑐᖃᕐᑕᕐᕕᓗᐊᑕᐅᒻᒪᑦ ᐅᐊᖕᓇᕐᒥ ᖃᐅᔨᓴᕐᑎᒻᒪᕆᓐᓄᑦ, ᐱᒋᐊᕐᕕᐅᓗᓂᓗ ᐅᓇᑕᕐᑐᒃᓴᐃᑦ ᐊᐅᓚᓂᖏᓐᓄᑦ ᑐᖅᑕᐅᕙᑦᑐᓂᓗ ᓱᐃᓛᕿᒍᒪᔪᓄᑦ. ᐅᖓᓯᖕᓂᖓᓗ, ᑭᓯᐊᓂ, ᐊᔪᕐᓇᒐᓚᒃᑐᖅ ᐅᐸᑦᑕᐅᑐᐃᓐᓇᕋᑦᓴᐅᒐᓂ ᑭᓇᐅᔭᐃᑦ ᐃᖏᕋᔪᑏᓪᓗ ᐱᓪᓗᒋᑦ ᑭᑯᓕᒫᓄᑦ, ᑕᐃᒪᐃᓂᖓᓄᑦ ᐱᓇᓱᐊᖃᑎᒌᖕᓂᖅ ᐱᒻᒪᕆᐅᕗᖅ ᑐᕋᒐᖃᖅᑐᐃᓐᓇᐅᒻᒪᑕ ᑕᒪᑐᒧᖓᑦᓴᐃᓐᓇᖅ ᐊᑐᖅᐸᑦᑐᑦ. ᒥᖑᐃᓯᕐᕕᓕᕆᔨᑯᓄᑦ, ᐊᔪᕐᓇᕐᑐᑏᑦ ᐃᓗᓕᖃᕆᕗᑦ ᐅᑯᓂᖓ: ᐊᖑᒪᑎᓂᖅ ᐃᒡᓗᑭᑦᓴᕐᓂᕐᒥᑦ ᑕᒪᓇ ᐊᑐᕐᑕᐅᔭᕆᐊᖃᕐᓂᖅᐸᐅᒻᒪᑦ ᐱᓕᕆᐊᑦ ᑲᔪᓯᖁᓗᒋᑦ; ᑲᔪᓯᖁᓪᓗᒋᑦ ᐳᓛᕐᑏᑦ ᐊᑐᕈᓇᕐᑕᖏᑦ ᐊᒻᒪ ᑐᑭᓯᑎᓯᕚᓕᕐᓂᖅ ᒥᖑᐃᓯᕐᕕᐅᑉ ᓱᓂᕐᓯᒪᖏᓂᖏᓂᒃ ᐊᒻᒪ ᐃᓄᐃᑦ ᐱᖁᑎᕕᓂᖏᓂᒃ. ᐊᒪᓗᑲᓐᓂᖅ, ᓄᖑᑕᐃᓕᑎᓯᓂᖅ ᑲᔪᓯᑎᐊᕐᓂᖅᓴᐅᖁᓪᓗᒋᑦ ᒪᓕᑕᐅᓕᕐᐸᑕ ᕿᑭᑖᓗᒃᐸᓯᖕᒥ ᑲᔪᓯᑎᑕᐅᓇᓱᒃᑐᑦ ᐱᓕᕆᐊᖑᔪᑦ ᐃᓗᐊᓂ ᓯᓚᑖᓂᓗ ᒥᖑᐃᓯᕐᕕᐅᑉ. ᖁᑎᓂᕐᐹᑉ ᐊᐅᓚᑕᐅᓂᖓ ᑐᕋᒐᖃᕐᑎᑕᐅᕗᑦ ᐃᓄᐃᑦ ᐃᓕᖅᑐᓯᖏᓐᓂᑦ ᐱᓯᒪᔪᓂᑦ ᓲᕐᓗ ᐃᓄᖃᑎᒌᑦᑎᐊᓂᕐᒧᑦ ᑐᓐᖓᕕᖓᑕ ᐃᓚᖓᓄᑦ ᑕᐃᔭᐅᔪᖅ ᖃᓄᕐᑑᕐᓂᖅ (ᓴᓇᑐᓂᒃᑯᑦ ᐊᑐᓪᓚᑖᖅᑐᓂᑦ ᑕᕝᕙᕈᖅᑎᑦᓯᒍᓐᓇᕐᓂᖅ) ᕿᓂᓪᓚᑦᑖᖅᑐᓄᑦ ᐊᓯᒥᓂ ᐱᓕᕆᖃᑎᖃᑦᑎᐊᕈᒪᔪᓄᑦ ᐱᓕᕆᐊᖑᔪᑦ ᑲᔪᓯᔭᕆᑎᐊᕈᓇᖁᓗᒋᑦ. ᑲᔪᓯᑎᑦᓯᓂᖓ ᐊᒥᓱᑦ−ᖃᓕᕇᑎᒍᑦ ᓲᕐᓗ ᑐᓴᐅᒪᑎᑦᓯᒍᑕᐅᒍᓐᓇᖅᑐᑦ ᐊᑐᖅᑕᐅᖁᓪᓗᒋᑦ ᐊᒃᑐᐊᓂᖓᓗ ᐱᕈᖅᐸᓪᓕᐊᖁᓪᓗᒋᑦ ᓄᓇᓕᑦᑎᓐᓂᒃ ᐊᑐᓛᖑᔪᑦ ᑲᑐᔾᔨᖃᑕᐅᔪᓄᑦ ᐊᑐᕐᓂᖃᒻᒪᕆᑉᐳᖅ ᑕᒪᓐᓇ ᐸᕐᓇᑕᐅᔪᖅ

ᐸᕐᓇᐅᑏᑦ ᓇᓗᓇᐃᕐᓯᓯᒪᒻᒪᑕ ᐱᕕᖃᑦᓯᐊᓕᕐᓂᖓᓂᑦ ᖁᑦᑎᓂᖅᐹᖅ ᐃᓕᓐᓂᐊᕐᑕᐅᔪᓐᓇᕐᓂᖓᓂᑦ ᐃᓕᓐᓂᐊᕈᑎᖃᕐᓗᑕ ᐃᓄᖕᓂᒃ ᓄᓇᖓᓂᓪᓗ ᐆᒪᔪᓐᓇᖅᑐᓕᒫᓄᓪᓗ ᐃᓄᓯᖃᖃᑕᐅᓂᖏᓐᓄᑦ. ᖃᐅᔨᓴᖅᑕᐅᔪᓐᓇᑦᑎᐊᖅᑐᖅ ᓄᓇᐅᑉ ᖃᓄᐃᓕᖓᓂᖓᓂᒃ ᐊᓯᔾᔨᖅᐸᓪᓕᐊᓂᖓᓗ, ᐅᔭᖅᑲᑦ, ᓯᑯ, ᐆᒪᔪᖏᓪᓗ ᐊᕙᑎᐊᓃᑦᑐᓕᒫᓪᓗ ᒥᓕᐊᓐᑎᓄᑦ ᐊᕐᕌᒍᓄᑦ ᑕᐃᒪᐃᓕᐅᖑᖏᓐᓇᖅᓯᒪᔪᑦ. ᖁᑎᓂᕐᐹᑉ ᐱᕕᖃᕐᕕᐅᔪᓐᓇᕐᖓᑦ ᑐᑭᓯᕚᓪᓕᕈᑕᐅᓗᓂ ᐅᑭᐅᖅᑕᖅᑑᑉ ᐊᕙᑎᐊᓂᑦ ᓯᓚᐅᓪᓗ ᐊᓯᔾᔨᕐᐸᓪᓕᐊᓂᖓᓂᑦ ᐊᑐᖅᑕᐅᖃᑦᑕᖅᓯᒪᓂᖓᓂᑦ, ᑭᓯᐊᓂᓕ ᓱᓐᓂᐅᒪᓐᖏᑦᓯᐊᐸᓗᑦᑐᒥᑦ ᐊᕙᑎᐊᓂᑦ ᐃᓄᓐᓄᑦ ᐅᐸᑦᑕᐅᕙᖏᓂᖓᓄᑦ ᐊᒻᒪ ᖃᓂᒋᔮᓃᑦᑐᓂ ᐅᑭᐅᖅᑕᖅᑑᑉ ᑲᔾᔨᖓᑕ. ᖁᑦᑎᓂᕐᐹᖅ ᑲᑎᑎᑎᓂᐊᕐᑐᑦ ᖃᐅᔨᓴᕐᓂᖕᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓂᒃ ᐃᑲᔪᕐᑐᕐᓗᒍ ᐊᕙᑎᑦᑎᓂᒃ ᑲᒪᑦᓯᐊᕐᓂᖅ ᐊᒻᒪ ᐊᖏᓕᕚᓕᖁᓗᖑ ᑐᑭᓯᐅᒪᓂᑎᓂᒃ ᓱᓂᕐᓯᒪᖏᑐᕐᒥ ᓄᓇᖓᓂ ᐊᒻᒪ ᐃᓄᐃᑦ ᐱᖁᑎᕕᓂᖏᓂᒃ ᒥᖑᐃᓯᕐᕕᐅᑉ ᐊᒻᒪ ᓯᓚᑖᓂᑐᑦ ᓄᓇᐃᑦ. ᑕᒪᓇ ᖃᐅᔨᒪᓂ ᑲᔪᖏᕐᓴᐅᑕᐅᓂᐊᕐᑐᖅ ᐃᔪᐊᕐᑕᐅᖁᓗᒍ ᓄᓇᔪᐊᕐᒥ ᐅᐱᒋᔭᐅᖁᓗᒍ ᑐᑭᓯᔭᐅᓗᓂᓗ ᖁᑎᒃᑐᖅ, ᓱᓂᕐᑕᐅᓂᖏᑦ ᓯᓚᐅᑉ ᐊᓯᔨᕐᐸᓕᐊᓂᖓᓄᑦ ᐊᒻᒪ ᐃᓄᐃᑦ ᐃᓱᒪᑐᓂᖏᓄᑦ ᐊᒻᒪ ᐅᖁᒪᐃᑐᑯᕋᓗᐊᕋᒥᒃ ᐊᔪᖏᑕᖏᑦ ᑭᓱᑐᐃᓇᐃᓪᓗ ᐊᓯᔨᕐᐸᓕᐊᒐᓗᐊᖅᑎᓪᓗᒋᑦ.

7.0 ᑭᓪᓕᓕᐅᕐᓂᖅ

ᒥᖑᐃᓯᕐᕕᓕᕆᔨᑯᑦ ᒥᖑᐃᓯᕐᕕᐅᔪᓄᑦ ᐊᒍᑐᕐᓯᒪᓂᖏᑕ ᐊᕿᓯᒪᔭᖏᑦ ᑲᑎᕐᓱᕐᖢᒋᑦ ᐊᒍᑐᕐᓯᒪᓂᖏᑦ ᐃᓕᓴᕆᔭᐅᓂᖏᑕ ᓄᓇᐃᑦ ᐊᒻᒪ ᐃᒪᐃᑦ ᒥᖑᐃᓯᕐᕕᐅᑉ ᐃᓗᐊᓂ ᐊᒻᒪ ᑭᓱᒨᒪᖓ ᓇᓂ ᑭᓱᓕᕆᔪᓇᕐᒪᖔᑕ ᑲᔪᓯᔪᓇᕐᓂᐊᕐᒪᑕ ᓄᓇᒥ ᐅᒫᓂᓗᓃᑦ ᑐᖓᕕᒋᓗᒍ ᐱᔪᓇᕐᓂᖓ ᑕᒪᑯᓄᖓᓗᐊᖅ ᐊᑐᕐᑕᐅᔪᓇᕐᕕᐅᓂᖏᓄᑦ. ᐊᒍᑐᕐᓯᒪᓃᑦ ᐊᕿᑕᐅᓯᒪᔪᑦ ᑕᓕᒪᐃᓕᖃᖓᔪᑦ:

• ᑭᓪᓕᖓ ᐊᒍᑐᕐᓯᒪᔪᖅ I − ᐱᑐᐃᓇᐅᖏᑐᕐᒧᑦ ᓴᐳᑎᔭᐅᓯᒪᔪᖅ:
• ᑭᓪᓕᖓ ᐊᒍᑐᕐᓯᒪᔪᖅ II − ᓄᓇᐃᓇᖅ;
• ᑭᓪᓕᖓ ᐊᖑᑐᕐᓯᒪᔪᖅ III − ᓱᓐᓂᕐᓯᒪᖏᑐᖅ ᐊᕙᑎᖓ:
• ᑭᓪᓕᖓ ᐊᒍᑐᕐᓯᒪᔪᖅ IV − ᓯᓚᒥ ᐃᖃᐃᓕᓴᕐᕕᒃ; ᐊᒻᒪ
• ᑭᓪᓕᖓ ᐊᒍᑐᕐᓯᒪᔪᖅ V ᔾ ᒥᖑᐃᓯᕐᕕᒥ ᐱᔨᓯᕐᑕᐅᕖᑦ.

ᐱᖓᓱᑦ ᐊᒍᕐᑐᕐᓯᒪᔪᑦ ᑭᓪᓕᖏᑦ ᐊᑐᕐᑕᐅᔪᑦ ᖁᑦᑎᓂᕐᐹᖅ ᒥᕐᖑᐃᓯᕐᕕᖓᓂ, ᓄᓇᖑᐊᒥᑦᑐᖅ 3 4ᒥᓗ. ᒪᓇᐅᔪᖅ ᐊᒍᑐᕐᓯᒪᓂᕐᒧᑦ ᐸᕐᓇᐅᑎᒃ ᐃᓗᓕᖃᕐᑐᖅ ᐊᐅᓚᓯᓂᕐᒧᑦ ᐊᑐᕐᑕᐅᖃᑕᕐᑐᓂᒃ ᑎᑎᕋᕐᓯᒪᔪᖅ 8.2.8ᒥ ᓄᓇᕗᕐᒥ ᐊᖏᖃᑎᒡᒋᒍᑎᖓᓂ ᐅᖃᓯᒪᔪᕐᒥ “ᐊᑐᓂ ᒥᖑᐃᓯᕐᕕᐅᔪᑦ ᓄᓇᕗᕐᒥ ᓄᓇᑖᕐᓂᖓᑕ ᐃᓗᐊᓂᑐᑦ ᐃᓗᓕᖃᕐᓂᐊᕐᐳᑦ ᐃᓗᓕᓗᐊᑕᖓ ᑎᑎᕋᕐᓯᒪᔫᑉ ᑭᓪᓕᖏᑦ ᐊᒍᑐᕐᓯᒪᔪᑦ Iᒥ − ᐱᑐᐃᓇᐅᖏᑐᕐᒥ ᓴᐳᑎᔭᐅᓯᒪᔪᖅ ᐊᒻᒪ ᐊᒍᑐᕐᓯᒪᔪᖅ IIᒥ − ᓄᓇᐃᓇᖅ”. ᐊᒍᕐᑐᕐᓯᒪᔪᑦ ᒪᓕᒃᑕᐅᔭᕆᐊᓖᑦ ᑐᕌᖓᖏᑐᑦ ᐃᓄᖕᓄᑦ ᐱᖁᓯᕐᒥᓂᒃ ᐊᑐᕐᑎᓪᓗᒋᑦ ᐊᖑᓇᓱᖕᓂᒧᑦ ᐱᔪᓇᐅᑎᖏᓄᑦ ᐃᓗᐊᓂ ᖁᑎᓂᕐᐹᖅ ᒥᖑᐃᓯᕐᕕᖕᒥ. (ᓄᓇᕗᕐᒥ ᐊᖏᖃᑎᒌᒍᑎᒃ ᑎᑎᕋᕐᓯᒪᔪᖅ 5.7.16ᒥ).

ᐊᓯᔾᔨᕐᓂᓗᐊᑕᖅ ᐊᒍᕐᑐᕐᓯᒪᔪᓂ ᓯᕗᓂᐊᓂ ᐸᕐᓇᐅᑎᒥ ᓄᒃᑎᕐᓂᖓᑦ ᑭᓪᓕᖏᑦ ᐊᒍᑐᕐᓯᒪᔪᖅ IIᒧᑦ ᐊᒻᒪ ᓄᓇᖓᑕ ᐊᐅᓚᑕᐅᓯᒪᓂᖓ ᑕᓯᐊᓘᑉ ᓇᑎᕐᓇᖓ (ᓄᓇᖑᐊᖅ 3), ᑎᑎᕋᐅᓯᐅᓯᒪᔪᖅ 7.0ᒥ ᐊᒻᒪ ᓄᓇᓐᖑᐊᒥ ᓈᓴᐅᑎᓕᒻᒥ 4.

ᐊᒥᓱᑦ ᑭᓪᓕᓕᐊᖑᔪᑦ 1−ᒥ ᐃᓚᒋᐊᕈᑕᐅᓯᒪᔪᑦ ᓴᐳᑎᔭᐅᖁᓪᓗᒋᑦ ᐳᐊᓯᓪ ᕗᕋᐃᔭᒻ (Porsild’s Bryyum) ᑖᒃᑯᐊ ᖃᓄᐃᑦᑑᓂᖏᑦ ᓇᓗᓇᐃᖅᑕᐅᓯᒪᓪᓗᑎᒃ ᐃᓗᐊᓂ ᓈᓴᐅᑎᓕᐅᑉ 1 ᑖᒃᑯᐊᓗ ᓇᓗᓇᐃᑕᐅᔪᓄᑦ/ᑎᑎᕋᑕᐅᓯᒪᓕᕐᑐᓄᑦ “ᐅᓗᕆᐊᓇᕐᑐᕐᒥᑐᐃᓇᕆᐊᖃᕐᓂᖕᖏᓄᑦ” 2011-ᖑᑎᓪᓗᒍ (ᓄᓇᓐᖑᐊᖅ 3c). ᐊᕿᒋᐊᓯᒪᔪᑦ ᓄᓇᖏᑦ ᑭᓪᓕᖏᑦ ᐊᒍᕐᑐᖅᓯᒪᔪᑦ IIIᒥ ᒥᕖᑦ ᖃᓂᒋᔭᖏᓐᓂ ᑕᖕᒫᕐᕕᖕᓂᓗ ᐱᖃᑕᐅᖁᓪᓗᒋᑦ ᒪᓐᓇᕐᓂᓴᐃᑦ ᓂᕿᐅᒋᔭᐅᔪᓪᓗ ᐊᑐᓕᖅᑭᑦᑖᔪᓂᑦ ᐱᓯᒪᔪᑦ.

ᐊᓯᖏᓪᓕ, ᑭᓪᓕᓕᐅᖅᑕᐅᔪᑦ ᑕᐃᒪᐃᓕᖓᓂᐊᖅᑐᑦ ᐊᓯᔾᔨᓗᐊᔾᔮᒐᓱᒋᔭᐅᓐᖏᑦᑐᖅ ᓯᕗᓪᓕᕐᒥᑦ ᐊᐅᓚᑦᑎᓂᕐᒥ ᐸᕐᓇᐅᑎᐅᓚᐅᖅᑐᒥᑦ. ᓄᖃᕐᑎᑕᐅᓯᒪᓂᖓ ᖁᕕᐊᓱᒍᒪᑐᐃᓐᓇᕐᓗᓂ ᐃᖃᓗᒐᓱᖕᓂᖅ ᖁᑎᓂᕐᐹᖅ ᒥᖑᐃᓯᕐᕕᖓᓂ, ᓇᒪᒋᔭᐅᓪᓗᑎᒃ ᓄᓇᕗᕐᒥ ᐅᒪᔪᓕᕆᔨᕐᔪᐊᑯᑦ ᑲᑎᒪᔨᖏᓄᑦ 2006ᒥ, ᓱᓕ ᒫᓐᓇ ᐊᑐᕐᑐᖅ.

ᑭᓪᓕᓕᐅᖅᓯᔪᒥ I: ᐊᔾᔨᐅᖏᑦᑐᖅ ᐱᐅᖅᓱᐋᕆᔭᐅᓇᓱᒃᑐᖅ

ᑏᓕᐅᕈᑦ ᑕᓯᖅ

ᐅᓄᕐᑐᐃᑦ ᐃᓄᐃᑦ ᐱᖁᑎᖃᕐᕕᕕᓂᖏᑦ ᐊᕙᑖᓂ ᑎᓕᐅᕈᑦ ᑕᓯᐅᑉ ᓇᓗᓇᐃᓯᕗᑦ ᖁᑎᒃᑐᕐᒥᒃ ᐊᒻᒪ ᐃᓚᐅᓗᑎᒃ ᓇᓗᓇᖏᑐᑦ ᑕᒪᐃᓂᑦ ᑐᓂᕕᓃᑦ ᐃᒥᓂᕿᔪᓪᓗ ᐃᓄᐃᑦ. ᐊᒻᒪᑲᓂᖅ ᐅᔨᕐᓇᕐᒥᔪᑕᐅ ᐱᒥᓃᑦ, ᒥᑭᒋᐊᑦ, ᑐᐱᕐᕕᑯᓃᑦ, ᕿᖕᓂᖃᕐᕕᕕᓃᑦ, ᑕᓗᕕᓃᑦ, ᐅᓄᕐᑐᐃᑦ ᒥᑭᑐᑏᑦ ᐱᖁᑎᕕᓃᑦ ᓱᓕ ᓱᓂᕐᓯᒪᖏᑐᑦ, ᐃᓚᖏᑦ ᑭᓯᐊᓂ ᓅᑕᐅᓯᒪᔪᑦ ᓱᕈᕐᑕᐅᖁᓇᒋᑦ. ᐱᔪᑎᒋᓪᓗᒍ ᓇᓃᓂᖓ ᑕᐃᑯᕆ ᓯᒃᔭᕆᒃᑑᑉ ᑐᖃᑕᕐᕕᐅᑉ ᑕᖕᒫᕐᕕᒃ, ᐱᕕᖃᕐᑎᓯᓯᐊᕐᑐᖅ ᐳᓛᕐᑏᑦ ᑕᑯᔪᓇᖁᓗᒋᑦ ᓄᑕᐅᖏᑐᓂᒃ ᐊᒻᒪ ᓄᑖᖑᓂᕐᓴᓂᒃ ᐃᓄᐃᑦ ᓄᓇᖓᓂ ᖃᓄᐃᓕᐅᕐᕕᐅᖃᑕᕐᓂᑯᐃᑦ ᐱᖃᑎᒋᔭᐅᓗᑎᒃ ᒥᖑᐃᓯᕐᕕᓕᕆᔨᑯᑦ ᐅᕙᓗᓃᑦ ᒥᖑᐃᓯᕐᕕᓕᕆᔨᑯᑦ ᐃᓕᓂᐊᕐᓯᒪᔪᖅ ᐊᐅᓚᐅᔨᔨᖓᓄᑦ. ᐅᓄᖏᓂᕐᓴᐅᖁᔪᒥᓇᕐᑎᓪᓗᒋᑦ, ᐃᒥᓂᕿᔪᑦ ᐊᑐᕐᓂᖏᑦ ᐅᓪᓗᒧᑦ ᐳᓛᕐᒡᑎᑦ ᐊᔪᖏᑐᑦ ᐃᑲᔪᕐᑐᕐᑕᐅᒍᑎᒃ ᐃᒥᓂᕿᓗᑎᒃ ᐅᖃᓕᒪᒐᕐᓂᒃ ᐊᑐᕐᓗᑎᒃ, ᑭᖑᓂᐊᒍᑦ ᐃᓕᓂᐊᕐᑎᑕᐅᓚᐅᕐᓗᑎᒃ ᒥᖑᐃᓯᕐᕕᓕᕆᔨᑯᑦ ᐃᖃᓇᐃᔭᕐᑎᖓᓄᑦ. ᑎᓕᐅᕈᑦ ᑕᓯᖅ ᐱᖁᑎᖃᐅᑐᖅ ᐅᐊᓯᔭᐅᖃᑕᕐᓂᐊᕐᑐᖅ ᐊᑯᓚᐃᑐᕐᒥᒃ.

ᐃᒡᓗᖃᕐᕕᕕᓂᖅ

ᐃᒡᓗᐃᑦ ᐊᒻᒪ ᐃᑕᓂᓴᐃᑦ ᐱᖁᑎᑯᓃᑦ ᑎᔅᑲᕕᕆ ᑲᖏᓱᖓᓂ ᖃᐅᔨᒪᔭᐅᔪᑦ ᐃᓕᓴᕆᐅᒪᔭᐅᔪᖅ ᐃᒡᓗᖃᕕᕕᓂᕐᒥᒃ: ᐱᐊᕆᐅᑉ ᐃᒡᓗᖁᑎᑯᓗᖏᑦ ᐃᓕᓴᕆᐅᒪᔭᐅᓕᕐᖢᑎᒃ “ᐊᑐᓂᕐᑐᑦ” ᒐᕙᒪᑐᖃᕐᑯᑦ ᑭᖑᕙᕆᔭᐅᔪᑦ ᐃᒡᓗᖁᑎᖏᑕ ᖃᐅᔨᓴᕐᕕᖓᑕ ᑎᑎᕋᕐᕕᖓᓂ. ᑲᑎᓯᒪᐅᕐᑐᑦ ᐊᒥᐊᑯᖏᑦ ᒥᐊᓕᒐᐃᑦ ᐊᒻᒪ ᑕᕆᐅᕐᔪᐊᑉ ᐊᑭᐊᓂᕐᒥᐅᑦ ᖁᑎᒃᑐᕐᒥ ᐃᖏᕋᔭᒃᕕ ᑐᖃᑕᕐᕕᐅᓗᓂ ᑕᖕᒫᕐᕕᒃ ᓴᕿᑕᐅᓯᒪᔪᖅ ᔪᐊᔾ ᓂᐊᕆᔅᒧᑦ, ᐊᑕᐅᓪᕙᔅ ᒍᕇᓕ, ᐊᒻᒪ ᕋᐳᑦ ᐱᖃᕆ ᐊᑯᓂᖓᓂ 1975 ᐊᒻᒪ 1909. ᒍᕆᓕᐅᑉ 1881ᒥᑦ 1883ᒧᑦ ᖃᐅᔨᓴᕐᑎᒻᒪᕇᑦ ᖃᐅᔨᓴᕐᓂᕕᓂᖏᑦ ᐃᓚᒋᖃᓯᐅᑎᓚᐅᕐᑕᖓ ᓯᕗᓕᕐᐹᖅ ᓄᓇᔪᐊᕐᒥ ᓄᓇᔪᐊᑉ ᑲᔾᔨᖓᑕ ᐊᕌᒍᖓ, ᑕᒪᓇ ᐃᓕᓴᕆᐅᒪᔭᐅᔪᑦ ᑲᔪᓯᓚᐅᕐᑐᖅ ᑲᓇᑕᓕᒫᕐᒥ ᖃᓄᐃᑐᓚᐅᕐᓯᒪᔪᑦ ᐱᒪᕆᐅᔪᖅ ᐊᒻᒪ ᓄᓇᖓ ᐱᑐᐃᓇᐅᖏᑐᖅ ᐃᓂᒋᔭᖓ ᓴᕿᑎᓯᖁᓗᒍ ᑐᓂᓯᒪᓂᖏᑦ ᐃᓄᖕᓄᑦ ᑲᔪᓯᑎᐊᕈᓇᓚᐅᕐᓂᖏᓄᑦ ᐃᓄᐃᑦ ᓄᓇᖓᓂ ᐃᖏᕋᔭᒃᑎᖏᓄᑦ. ᓱᕈᕐᓇᕐᑐᑉᑦ ᐃᓱᒫᓕᓇᕐᑐᑦ ᑕᕙᓂ ᓄᓇᖓᓂ, ᐊᒻᒪ ᓇᒪᓈᕐᑐᑦ ᓇᓗᓇᐃᑯᑕᐃ ᑎᑎᕋᕐᓯᒪᔪᑦ ᐊᕿᒃᑕᐅᓯᒪᓕᕐᑐᖅ. ᐅᔨᕐᓇᕐᑐᑦ ᓇᖕᒥᓂᖅ ᐃᓱᒪᖏᔭᐅᔪᑦ ᐊᑕᕐᓇᕐᑐᑦ ᐊᒻᒪ ᐅᓗᕆᐊᓇᕐᑐᕐᒥᑐᑦ ᐱᔪᑎᒋᓪᓗᒍ ᓯᓚᐅᑉ ᐊᓯᔨᕐᐸᓕᐊᓂᖓᓄᑦ, ᐊᒃᕕᐊᕈᑏᑦ ᐃᓱᓕᑕᕈᑏᓪᓗ ᑕᐃᒪᐃᑐᒐᓗᐊᑦ ᑭᓯᐊᓂ ᓱᓃᓗᐊᖏᑐᑦ ᐃᓄᒃᓄᑦ ᑕᑯᔭᕐᑐᕐᑕᐅᖃᑕᕋᓗᐊᐸᑕ ᓂᕆᐅᓇᕐᖢᓂᓗ ᐊᒻᒪ ᑕᐃᑯᖓᕐᑎᑕᐅᑕᐃᓕᖏᑲᓗᐊᕈᑎᒃ ᖃᓄᐃᖏᑐᖅ. ᑐᕋᒐᖓ ᐅᒪ ᐸᕐᓇᐅᑎᐅᑉ ᐊᕿᑕᐅᔭᕆᐊᖃᕐᖢᓂ ᐸᕐᓇᐅᑎᒃ ᑕᒪᓇ ᓯᐊᒪᒃᑎᑕᐅᖁᓗᒍ ᑕᐃᓱᒪ ᓄᓇᖓ ᐱᓪᓗᖑ, ᐊᖁᑎᒋᔭᐅᓗᑎᒃ ᒥᖑᐃᓯᕐᕕᓕᕆᔨᑯᑦ ᐃᓕᓂᐊᕐᓯᒪᔪᑦ ᐊᐅᓚᐅᔨᔨᖏᑦ. ᑕᐃᓇ ᑎᑭᐅᑎᖏᓂᖓᓂ, ᐳᓛᕐᑏᑦ ᐱᖃᑎᒋᔭᐅᔭᕆᐊᓖᑦ ᑲᓇᑕᒥ ᒥᖑᐃᓯᕐᕕᐅᑉ ᐃᖃᓇᐃᔭᕐᑎᖏᓄᑦ, ᐱᓱᒋᐅᕋᑖᓂᑯᕕᓃᑦ ᓄᑕᕋᐃᑦ ᐊᒻᒪ ᓄᑕᕋᓛᑦ ᑕᐃᑯᖓᕆᐊᖃᖏᑐᑦ ᓱᕈᓐᓇᖅᑐᒦᖁᓇᒋᑦ.

ᓗᕕᔅ ᑕᓯᖓ

ᐊᒪᕈᐃᑦ ᑎᓯᖃᖃᑕᕐᑐᑦ ᖃᓂᒋᔮᓂ ᓗᕕᔅ ᑕᓯᖓᑕ ᐊᕋᒍᓂ ᑕᐅᓴᓂᐅᔪᒃᓴᐃᔪᖅ. ᑎᓯᖃᕐᕕᐅᓲᖅ ᐊᕋᒍᓕᒫᖑᖏᑐᖅ ᐊᑐᕐᑕᐅᖃᑕᕐᑐᑦ ᐊᒪᖁᕐᓂᒃ ᕿᑐᖏᐅᕕᒋᓗᓂᔪᒃ, ᐊᒻᒪ ᐸᒃᕕᓵᕐᑕᐅᓕᓂᐅᓪᓗᓂ ᐊᒪᕈᓐᓄᑦ. ᑕᓯᖅ ᐊᖁᑎᓗᐊᑕᕐᒥᑐᑦ ᐱᓱᒃᑎᓄᑦ ᐅᖓᓯᑐᕐᒧᑦ ᒥᕐᖑᐃᓯᕐᕕᖕᒥ, ᐊᒍᑐᕐᓯᒪᔪᖅ Iᒥᒃ ᓴᐳᑎᔭᐅᓯᒪᓂᖓ 3 ᑭᓚᒦᑕ ᐅᖓᓯᓐᓂᖓ ᐊᕙᓗᓯᒪᓗᖑ ᑕᓯᖅ. ᐊᐅᓚᐅᑎᖃᖏᑐᑦ ᑕᐅᕗᖓᕈᓇᕐᓗᑎᒃ. ᐳᓛᕐᑎᓕᒫᑦ ᑐᓴᐅᒪᑎᑕᐅᓂᐊᕐᑐᑦ ᐱᒪᕆᐅᓂᖓᓂᒃ ᐸᒃᕕᓵᕆᔭᕆᐊᖃᖏᓂᖏᑦ ᐊᒪᕈᕐᓂᒃ.

ᐅᕐᔪᖕᓇᐃᑦ ᓴᐳᑎᔭᐅᓯᒪᓂᖏᑦ

ᐅᕐᔪᓇᐃ ᒥᑭᑑᔪᑦ, ᑕᑯᔭᒃᓴᐅᑕᐃᓈᓗᓱᖑᓗᑎᒃᓗ, ᓂᕈᒥᒃᖢᑎᒃ ᐃᑦᔪᐃᑦ ᐱᕈᖃᑕᕐᑐᑦ ᐃᓚᐃᓇᖏᑦ ᑲᑎᖓᐅᕐᖢᑎᒃ ᓄᓇᔪᐊᓕᒫᕐᒥ. ᒪᓴᒃᓂᓂᓴᐅᖃᑕᕐᑐᑦ, ᓯᕿᓂᕐᑕᐅᖏᑐᓂ ᖁᑎᒃᓂᐅᔪᓂ. ᐱᖓᓱᑦ ᖃᐅᔨᒪᔭᐅᔪᓂᒃ ᐱᑕᖃᕐᑐᖅ ᑕᑯᐊ ᐱᕈᑐᐃ ᐅᓗᕆᐊᓇᕐᑐᕐᒥᑐᑦ ᒪᓕᒐᖓᓂ ᑎᑎᕋᑕᐅᖃᓯᐅᑎᓯᒪᔪᑦ ᓄᓇᕗᕐᒥ, ᐊᒻᒪ ᑕᑯᐊ ᑕᒪᕐᒥᒃ ᑕᐃᑯᕆ ᓯᒃᔭᕆᒃᑐᕐᐸᓯᒥᑐᑦ ᖁᑎᓂᕐᐹᖅ ᒥᕐᖑᐃᓯᕐᕕᖕᒥ. ᑕᑯᐊ ᐱᖑᓱᐃᑦ ᐱᑕᖃᐅᕐᑐᑦ ᐃᒃᐱᐊᕐᔪᒃᑎᑐᑦ ᐃᓱᒪᒋᔭᐅᔪᑦ ᐱᒪᕆᐅᔪᖅ ᐃᓂᖓ ᐊᒻᒪ ᑕᐃᔭᐅᓂᖓ ᐊᒍᑐᕐᓯᒪᔪᑦ Iᒥᒃ ᓴᐳᑎᔭᐅᓯᒪᖁᓗᒋᑦ. ᐅᐸᒃᑕᐅᔪᓇᕐᑐᑦ ᑕᑯᓇᓂ ᓄᓇᓂ, ᐳᓛᕐᑏᑦ ᐃᓕᓂᐊᕐᑎᑕᐅᒃᐸᑕ ᐱᒪᕆᐅᕗᖅ ᐱᓱᖃᑕᖁᓗᒋᑦ ᑎᓯᓂᐊᔪᕐᓂ ᒪᓂᕋᕐᒥ ᐊᒻᒪ ᓄᖃᖔᕐᕕᐅᖁᖏᓗᒋᑦ, ᐱᔪᑎᒋᓪᓗᒍ ᐃᔾᔪᐃᑦ ᐱᔭᖁᑕᐅᖏᑐᕐᒥᒃ ᓱᕋᒃᑕᐅᔪᓇᕐᒪᑦ. ᑲᓇᑕᓕᒫᕐᒥ ᐅᑎᕐᑎᑕᐅᓇᓱᖕᓂᖓᑕ ᐸᕐᓇᐅᑎᖓ ᐅᐊᓯᔭᐅᖁᓗᒋᑦ ᖃᐅᔨᒪᔭᐅᔪᑦ ᐱᕈᑐᐃᑦ ᑕᐃᒪᐃᑐᐃᑦ ᐊᑐᓕᕐᑎᑕᐅᓂᐊᕐᑐᑦ ᐊᒻᒪ ᓇᐃᓴᕐᑕᐅᓗᑎᒃ ᐱᑕᖃᐅᑲᓂᕐᒪᖔᑦ ᑲᔪᓯᑎᑕᐅᓛᕐᑐᖅ ᑕᓇ ᐸᕐᓇᐅᑎᒃ ᓱᓕ ᐊᑐᕐᑕᐅᑎᓪᓗᒍ, ᑭᓇᐅᔭᐃᑦ ᒪᓕᖢᒋᑦ. ᓇᓂᔭᐅᒃᐸᑕ, ᓇᒪᓈᕐᑐᑦ ᓴᐳᔭᐅᓯᒪᓂᖏᓄᑦ ᐊᐅᓚᓯᓂᕐᒧᖓᔪᑦ ᑲᔪᓯᓂᐊᕐᑐᑦ ᑕᐃᒪᐃᖁᔭᐅᓂᖏᑦ ᒪᓕᒃᓗᒍ ᑕᐃᒪᐃᑐᓂ ᖃᐅᔨᒪᔨᒪᕆᒃᓄᑦ ᐊᒻᒪ ᑲᑐᔨᖃᑎᒌᑦ ᒥᕐᖑᐃᓯᕐᕕᖕᒧᑦ ᐊᐅᓚᓯᔨᖏᑕ ᑲᑎᒪᔨᕋᓛᖏᓄᑦ.

ᑭᓪᓕᓕᐅᖅᓯᔪᒥ II: ᐃᓄᖃᙱᑦᑐᖅ

ᐊᖏᓛᖑᔪᖅ ᓄᓇᒋᔭᖓᑦ ᒥᕐᖑᐃᖅᓯᕝᕕᐅᑉ ᑕᐃᒎᓯᓕᒃ ᐃᓂᖓ II-ᒥᒃ. ᐃᓛᒃ, ᐊᓯᖏᑦ ᓄᓇᐃᑦ ᒥᕐᖑᐃᖅᓯᕝᕕᒻᒥ ᐊᓯᐊᒍᑦ ᓇᓗᓇᐃᖅᓯᒪᙱᑦᑐᑦ ᐃᓂᖓ I ᐅᕝᕙᓗ ᐃᓂᖓ III ᐃᓱᒪᓕᐊᖑᔪᑦ ᐃᓂᐅᒧᑦ II ᑎᒃᑯᐊᖅᑕᐅᓯᒪᓂᖃᓐᓂᖏᑕ ᐊᐅᓚᑦᑎᔨᐅᔪᓄᑦ.

ᐃᓱᓕᑕᕐᑐᖅ ᐅᐸᑲᑕᒃᑕᐅᔪᓇᕐᓂᖓ ᖃᖓᑕᓲᑯᑦ ᐱᔪᓇᕐᑎᑕᐅᑐᐃᓇᕆᐊᓕᒃ ᐊᑐᓂ ᕿᒥᕈᔭᐅᖃᑕᕐᓗᑎᒃ. ᐅᑭᐅᑯᑦ/ᐅᐱᖓᓵᑯᑦ ᐅᐸᒍᓇᕐᓂᖏᑦ ᖃᖃ ᐹᐱᐅᒧᑦ ᐊᒻᒪ ᐊᓯᖏᓄᑦ ᓯᕐᒥᖃᐅᓂᕐᓄᑦ ᓇᓗᓇᐃᕐᑕᐅᓚᐅᕐᑐᑦ ᖁᕕᐊᓱᖕᓂᕐᒧᑦ ᐃᖏᕋᔭᒃᓂᖅ ᑕᑭᔪᑯᑖᓂ ᓯᐊᕆᔮᕈᑎᓄᑦ ᑕᒪᓇᓗ ᐱᔭᕆᐊᑐᔪᐊᓗᒃᑯᕋᔭᕋᓐᓂ ᖃᖓᑕᓲᑯᑦ ᐅᐸᒃᑕᐅᔪᒪᒃᐸᑦ. ᐱᔪᑎᒋᓪᓗᒍ ᐊᓯᔨᕐᑕᖃᑕᕐᓂᖓ ᐊᕋᒎᑉ ᐃᓗᐊᓂ, ᑭᓯᐊᓂ, ᐱᑐᐃᓇᐅᖏᑐᕐᒥᒃ ᒥᕕᒧᑦ ᐃᓂᒃᓴᖅ ᓇᓗᓇᐃᑕᐅᔪᓇᖏᑐᖅ ᑕᐃᒪᐃᓂᖓᓄᑦ ᑐᒃᓯᕋᐅᑏᑦ ᐊᑐᓂ ᕿᒥᕈᔭᐅᖃᑕᕐᓂᐊᕐᑐᑦ.

ᑭᓪᓕᓕᐅᖅᓯᔪᒥ III: ᐃᓕᖅᑯᓯᖅᓱᖅᑐᖅ ᐊᕙᑎᒋᔭᖓᑦ

ᐅᓄᓛᑦ ᒥᕐᖑᐃᖅᓯᕝᕕᐅᑉ ᐱᖁᑎᔾᔪᐊᖏᑦ ᐊᖏᓛᖑᔪᓪᓗ ᐃᓯᖅᑕᕐᕕᑦ ᓇᓗᓇᐃᖅᑕᐅᓯᒪᓂᔪᑦ ᑭᓪᓕᓕᐊᖑᓯᒪᔪᒥ III. ᐊᖏᓂᖏᑦ ᑖᒃᑯᐊ ᑭᓪᓕᓕᐊᖑᓯᒪᔪᑦ ᐃᓚᖓᒍᑦ ᐋᖅᑭᒋᐊᖅᑕᐅᓯᒪᔪᑦ ᓯᕗᓂᐊᒍᑦ ᐸᕐᓈᖑᓂᑰᔪᑦ ᒪᓕᒡᔫᒥᖁᓪᓗᒋᑦ ᐅᓪᓗᒥᐅᔪᖅ ᖃᐅᔨᓯᒪᔭᑦᑕ ᐊᑐᖅᑕᐅᓂᕆᓲᖓᓄᑦ ᒥᕐᖑᐃᓯᕐᕕᑎᓐᓂ ᐊᒻᒪᓗ ᐱᔭᕆᑐᓗᐊᖁᓇᒍ ᐱᔪᓐᓇᐅᑎᑖᕆᔾᔪᑕᐅᓲᑦ ᐃᓯᕈᑎᑦ. ᐊᐅᓚᑕᐅᓂᖏᑦ ᐊᐅᓚᐅᑎᓖᑦ ᐊᔪᓐᖏᑎᑕᐅᔪᑦ ᑖᒃᑯᓇᓂ ᑭᓪᓕᓕᐊᖑᓯᒪᔪᓂ, ᑭᓯᐊᓂ ᐊᑐᖅᑐᑦ, ᐱᓐᖏᑕᑐᐊᕆᓗᒋᑦ ᒥᖕᐅᐃᓯᕐᕕᒻᒥ ᐊᐅᓚᑦᓯᔨᐅᔪᑦ, ᐱᔪᓐᓇᐅᑎᖃᕆᖃᖅᑎᑕᐅᔪᑦ.

ᑲᑎᖢᒋᑦ, ᐅᑯᐊ ᐊᕝᕕᓂᓖᑦ ᑭᓪᓕᓕᐊᖑᓯᒪᔪᑦ III ᓄᓇᖓᓂ ᒥᕐᖑᐃᓯᕐᕖᑦ. ᐱᖓᓱᑦ ᐃᓃᑦ ᐅᓪᓗᒥ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᐊᐅᓚᑦᑎᔨᖏᓄᑦ ᓄᓇᒋᔭᐅᕗᑦ ᐊᑐᖅᑕᐅᓪᓗᑎᓪᓗ, ᐃᓚᖃᖅᑐᑦ ᕗᐊᑦ ᕼᐊᓐᑦ ᕿᑭᖅᑕᖓᑕ ᑕᖕᒫᕝᕕᐊ, ᑖᓐᑯᐊᕆᐅᑉ ᑲᖏᖅᖢᖓᓂ ᑐᑦᑕᕝᕕᖓ ᑲᒪᔨᐅᔪᓄᑦ, ᐊᒻᒪᑦᑕᐅᖅ ᑕᓯᐋᓗᒃ/ᑕᖕᒫᕝᕕᒋᔭᖓᑕ (ᑕᑯᓗᒋᑦ ᓄᓇᙳᐊᒥ ᑐᖅᑯᖅᑕᐅᓯᒪᔪᑦ 3 ᐃᓗᐊᓃᑦᑐᑦ). ᑕᒪᐃᓐᓄᑦ ᐱᖓᓲᔪᓄᑦ ᓄᓇᓄᑦ, ᑭᓪᓕᓕᐊᖑᓯᒪᔪᖅ III ᐊᕙᓗᖃᖅᑎᑕᖅ ᑕᒪᐃᓐᓂᒃ ᐃᒡᓗᖁᑎᐅᔪᓂᒃ ᐊᒻᒪᓗᑦᑕᐅᖅ ᒥᑦᑕᕝᕕᒋᔭᖏᓄᑦ.

ᕗᐊᑦ ᕼᐊᓐᑦ ᕿᑭᖅᑕᖓ (ᓄᓇᖑᐊᖅ 3ᐃ)

ᐊᐅᓚᑕᐅᕌᓂᒃᓯᒪᓕᕋᓗᐊᖅᑎᓪᓗᒍ ᐊᑯᓂ ᐱᓕᕆᐊᖑᓯᒪᓪᓗᓂ ᒥᕐᖑᐃᖅᓯᕕᓕᕆᔨᐅᔪᓄᑦ ᑲᓇᑕᒥ, ᐱᒋᐊᕐᕕᐅᑉ ᕿᑭᖅᑕᖓ, ᐃᓕᓴᕆᔭᐅᓪᓗᓂ ᓄᓇᖓ ᓇᓗᓇᐃᖅᑕᐅᓚᐅᖅᐳᖅ ᐃᓚᒋᓕᐅᔾᔭᐅᓚᓪᓗᓂ ᒥᕐᖑᐃᖅᓯᕐᕕᓕᕆᔨᒻᒪᕇᑦ ᑲᓇᑕᒥ ᒥᕐᖑᐃᓯᕐᕕᖏᑕ ᐱᖁᔭᕐᔪᐊᖓᓄᑦ, ᐅᑐᐱᕆ 2023−ᒥ.

ᑖᒃᑯᐋᕆᐅᑉ ᑲᖏᖅᖢᐊᓂ ᑐᑦᑕᕝᕕᕗᑦ ᐊᐅᓚᑦᑎᔪᓄᑦ ᒥᕐᖑᐃᖅᓯᕝᕕᒻᒥ (ᓄᓇᙳᐊᖅ 3ᐊ)

ᑖᓐᓇ ᑲᖏᖅᖢᖓ, ᓯᒡᔭᖓᓗ ᐊᕙᑎᐋᑕ ᑕᖕᒫᕝᕕᓪᓗᐊᑕᐅᑉ, ᐊᒻᒪᑦᑕᐅᖅ ᐃᓚᖓᑕ ᓯᒡᔭᖅᐸᓯᒃᑑᑉ ᓄᓇᖏᑦ ᐅᐊᖕᓈᓃᑦᑐᖅ ᑖᔅᓱᒪ ᒪᒃᑖᓅᓪᑦ ᑰᖓᑕ ᐊᑯᐊᖓᓂ ᑕᐃᒍᖅᑕᐅᓯᒪᒋᕗᑦ ᐃᓚᒋᑎᑕᐅᓪᓗᑎᒃ ᑖᔅᓱᒧᖓ ᐃᓂᖓ III-ᒧᑦ ᐱᔪᓐᓇᖅᑎᑕᐅᓪᓗᑎᒃ ᐅᒥᐊᕐᔪᐋᖑᖏᑦᑐᓄᑦ ᓄᓈᕝᕕᐅᔪᓐᓇᖁᓪᓗᒋᑦ ᐅᒥᐊᔾᔪᐋᑉ ᐅᒥᐊᕋᓛᖏᓄᑦ. ᑖᒃᑯᐊᓗ ᐃᒻᒥᒃᑯᑦ ᐅᒥᐊᔾᔪᐋᕋᓛᕆᔭᐅᓲᑦ ᐃᓯᕈᓐᓇᖅᑎᑕᐅᒋᕗᑦ ᓯᒡᔭᕆᔭᖏᓄᑦ.

ᑕᓯᐋᓗᒃ/ᑕᖕᒫᕝᕕᒋᔭᖓ ᑕᓯᐋᓗᖕᒥ (ᓄᓇᙳᐊᖅ 3ᐱ)

ᐅᓇ ᐃᓂᐅᔪᖅ ᑎᒃᑯᐊᒐᖅ ᐃᓂᖓ III-ᒥ ᐅᖓᕙᕆᐊᖅᑕᐅᓚᐅᖅᑐᖅ ᖃᖓᑕᓲᑦ ᒥᑦᑐᓐᓇᖁᓪᓗᒋᑦ ᑕᓯᖓᓄᑦ ᓯᑯᖃᖅᑎᓪᓗᒍ ᐊᐅᓚᖅᑎᓐᓇᒍᑦ ᑕᓯᖓ, ᑖᓐᓇ ᐱᐅᓛᖑᒻᒪᑦ ᐅᓗᕆᐊᓇᕋᓂ ᐊᑐᖅᑕᐅᒋᐊᖓᓂᒃ ᐅᐱᕐᖔᒃᑯᑦ. ᖄᒃᑲᓐᓂᐅᒍᑦ ᐃᓚᒃᑲᓐᓂᖓ ᐃᓂᖓ III ᐅᖓᕙᒐᖅ ᓄᓇᖏᒍᑦ ᑐᕌᒐᖃᓪᓗᐊᑕᖅᐳᖅ ᐱᔾᔪᑎᒃᓴᐅᔪᒥᒃ ᓂᐅᖅᑐᕝᕕᒃᓴᒥᒃ ᑐᐊᐸᒐᓴᓐᓂᒃ ᒥᑦᑕᕝᕕᖏᓄᑦ ᓴᓇᔾᔪᑎᒃᓴᐅᔪᓂᒃ ᓯᐅᖅᑲᓂᓪᓗ, ᑕᒪᒃᑯᐊ ᐅᖓᓯᓐᓂᖅᓴᒥᒃ ᑕᓯᖓᓂ ᐃᓂᖃᕆᐊᖃᒻᒪᑕ ᓱᕈᓇᒃᑕᐅᔪᖅ ᒪᖁᓕᕈᓂ ᑎᓲᖅᑕᐅᖁᓇᒍ ᑕᓯᖓᑕ ᐃᒪᖓᓄᑦ (ᑕᑯᓗᒍ ᓄᓇᖑᐊᖅ 4 ᐊᒻᒪᓗ ᑎᑎᕋᖅᓯᒪᔪᖅ 7.0 ᐱᔾᔪᑎᓕᒃ ᑕᓯᐋᓗᒃ/ᑕᖕᒫᕝᕕᐅᑉ ᐃᑎᖅᓴᖓᑕ ᐊᐅᓚᑕᐅᕝᕕᐅᑉ ᐃᓂᖓᑦ).

ᓄᑖᖑᔪᖅ ᐃᓂᖓ III ᓄᓇᒃᓴᖅ ᐃᓚᖃᖅᑎᑕᐅᕗᖅ ᐅᐊᖕᓈᒍᑦ ᐳᓚᒋᐊᕝᕕᖓ ᓇᓂᔭᐅᕝᕕᐅᑉ ᐅᖅᑯᐃᕝᕕᐊᓄ, ᐊᒻᒪᓗ ᓯᒡᔭᕆᔭᖓᑕ ᒥᑭᐅᔭᖅᑑᑉ ᐃᒃᐱᐊᔾᔫᔭᖓᑕ ᑲᒪᒋᔭᐅᓯᒪᙱᑦᑐᒥᓪᓗ ᒥᑦᑕᕝᕕᑐᖃᒥᒃ ᐱᖓᓐᓇᖔᖓᒍᑦ ᕗᐊᑦ ᑳᖅᒍ (ᓄᓇᙳᐊᑦ 3ᐅ). ᐊᓯᔾᔨᖅᑕᐅᓂᖓ ᑖᓐᓇ ᓄᓇ ᓇᓗᓇᐃᖅᓯᒪᔪᖅ ᐃᓂᖓ III-ᒥᒃ ᐱᔪᓐᓇᖅᑎᑦᑎᓪᓗᓂ ᐱᔭᕆᐋᑐᓗᐊᖏᑦᑐᒥᒃ ᐱᔪᓐᓇᐅᑎᒥᒃ ᑐᓐᓂᖅᓴᐃᔾᔪᑎᒃᓴᐅᔪᓂᒃ ᖃᖓᑕᓲᓄᑦ ᒥᖃᑦᑕᖅᑐᓄᑦ, ᐱᔪᓐᓇᖅᑎᑦᑎᐅᔮᕐᔪᒃᓗᓂ ᐳᓚᕋᖅᑏᑦ ᐅᒥᐊᕐᔪᐊᖓᓂ ᒥᓪᓗᑎᒃ ᓯᒡᔭᒧᑦ.

ᑭᖑᓪᓕᖅᐹᖑᔪᓪᓗ, ᒪᕐᕉᒃ ᑲᓇᑕᐅᑉ ᐅᓇᑕᖅᑐᒃᓴᓕᕆᔨᖏᑕ (DND) ᓇᑉᐸᖅᓯᒪᔪᑦ ᓈᓚᐅᑎᓄᑦ ᑐᓴᔾᔪᑎᖏᑦ ᐊᒻᒪᓗ ᓂᓪᓕᐊᔾᔪᑎᖏᓄᑦ ᑖᒃᑯᐊ ᑕᒪᐃᓐᓂᒃ ᑎᒃᑯᐊᕋᐅᔪᑦ ᐃᓂᖓ III ᓄᓇᖏᓂᒃ ᐱᓪᓗᒍ ᑐᑭᒧᐊᕆᔭᐅᔪᓐᓇᖁᓪᓗᒋᑦ ᐅᓇᑕᖅᑐᒃᓴᒃᑯᑦ ᐃᓯᕈᓐᓇᓐᓂᖏᑦ ᖁᓕᒥᒎᒃᑯᑦ ᓄᓇᖏᓄᑦ, ᑕᒪᓐᓇ ᐊᑐᕆᐊᖃᒐᔪᓲᖑᓪᓗᓂ ᐊᐅᔭᒃᑯᑦ ᑲᒪᒋᔭᖃᖅᑎᓪᓗᒋᑦ ᓈᓚᒍᑎᖏᓐᓂᒃ ᑐᓵᔾᔪᑎᖏᓪᓗ ᐸᖅᑭᔭᒃᑕᐅᔭᕆᐊᖃᓐᓂᖏᓄᑦ. ᐳᓚᕋᑎᑦ ᐃᓯᖅᑎᑕᐅᔪᓐᓇᖏᑦᑐᑦ ᖃᓂᒋᔭᖏᓄᑦ ᐱᔪᓐᓇᐅᑎᒃᑯᑦ ᐊᔪᖅᑎᑕᐅᒋᓪᓗᑎᒃ (ᑕᑯᓗᒍ ᓄᓇᙳᐊᖅ 3).

8.0 ᑕᓯᐊᓘᑉ ᐊᐅᓚᑕᐅᓂᖓᑕ ᓄᓇᖓ

ᑕᓯᐊᓗᒃ, ᐃᓄᖕᓄᑦ ᑕᐃᒪᓇ ᖃᐅᔨᒪᔭᐅᔪᖅ, ᐊᖏᓛᖑᔪᖅ ᐃᑎᓛᖑᓪᓗᓂᓗ ᑕᓯᕐᓂ ᐅᑭᐅᖅᑕᖅᑑᑉ ᐊᐅᓐᓇᖓᓂᒃ. ᐱᑐᐃᓇᐅᖏᓂᖓ ᑕᓯᐅᑉ ᑰᖓ, ᖃᖅᑲᖏᑦᓗ ᐊᐅᓐᓇᖓᓂ, ᐊᒻᒪ ᓄᓇᖓ ᑕᐃᒪᐃᑐᐃᓐᓇᖅᑐᖅ ᓂᒋᐊᓂᑦ, ᑕᐃᒪᐃᓕᖓᓚᕿᔪᖅ ᐱᕈᕐᑐᖃᐅᑎᐊᕐᓂᖓᓄᑦ, ᐅᖁᐊᓕᓂᕐᒦᓐᓂᖓᓄᑦ ᐊᒻᒪ ᐊᔨᒌᓐᖏᒻᒪᐅᒃ ᓄᓇᖓ ᒥᕐᖑᐃᓯᕐᕕᓕᒫᖅ ᐃᓱᒪᒋᓪᓗᒋᑦ. ᑕᐃᒪᐃᑐᐃᓐᓇᕐᓂᖓᓄ, ᑕᓯᐊᓗᒃ (ᓄᓇᖑᐊᖅ 5) ᐱᕈᕐᑐᖃᐅᑎᐊᕐᑐᖅ ᐃᕕᖕᓂᒃ ᐊᒻᒪ ᐃᒪᕐᓱᒐᕐᓂᑐᑦ ᐱᕈᕐᓯᐊᑦ ᓂᕆᐅᓇᖏᑐᑦ ᑕᐃᒪᐃᑐᕐᒥ ᑕᑯᓂᐊᕋᓱᒋᓇᓂ ᖁᑦᑎᒃᑐᕐᒥ.

ᑕᓯᐊᓗᒃ ᓇᕐᓴᐅᓂᖓᑕ ᐃᓂᒋᔭᖓ ᐊᑯᓂᖓᓂᓗᐊᖅᑐᖅ ᖃᖃᐃᑦ ᐊᒻᒪ ᓯᕐᒦᑦ ᐅᒥᖕᒪᐃᑦ ᐊᖁᑖᓂ, ᐊᖁᑎᓗᐊᑕᐅᓯᒪᔪᖅ ᓄᒃᑎᕐᐸᓕᐊᔪᓄᑦ ᐃᖕᒥᓃᓇᕿᔪᓄᑦ I ᐃᓄᐃᑦ ᑕᐃᔭᐅᔪᑦ ᐃᑳᕐᕕᖏᕙᑦᑕᖓ ᐅᐊᖕᓇᕐᐸᓯᐊᓂᑦ (ᐃᐅᓪᔅᒥᐊᒥᑦ) ᐊᐅᓱᐃᑦᑑᑉ ᕿᑭᖅᑕᖓᓂᑦ ᑲᓚᖡᑦ ᓄᓈᓄᑦ. ᐅᓄᕐᑐᓂᖏᑦ ᐃᑕᕐᓂᓴᐃᑦ ᑎᑎᕋᕐᑕᐅᓯᒪᔪᑦ ᑕᒫᓂ ᓇᓗᓇᐃᕐᑕᐅᓯᒪᔪᑦ ᑎᑎᕋᕐᑕᐅᓯᒪᓗᑎᒃ ᑕᕙᓂ ᓄᓇᖓᓂ ᓴᕿᑎᓯᔪᖅ ᐱᒪᕆᐅᓚᐅᕐᓂᖓᓂᒃ ᐅᓄᕐᑐᓄ ᐃᓄᖕᓄᑦ ᐊᕐᕌᒍᑦ 4000 ᐅᖓᑖᓂᑦ, ᑕᐃᔭᐅᔪᓂᑦ ᐸᓕᐅ ᐃᓄᐃᑦ ᐊᒻᒪ ᑐᓃᑦ ᑲᖤᖠᕐᒥᐅᑦ ᐃᓄᒃᕼᐅᐃᑦ ᑭᖑᓕᕐᐸᖑᓛᖑᓗᑎᒃ. ᑭᓱᑐᐃᓇᖃᕈᓘᔭᖅᑐᓂ ᓄᓇᖓᑕ ᒥᒃᓵ ᓂᕿᑦᓴᖃᐅᖅᐳᖅ ᐊᓐᓇᑎᑦᓯᓯᒪᓪᓗᓂᓗ ᐊᖁᓵᖃᑕᕐᓯᒪᔪᓂᒃ, ᐊᒻᒪ ᑕᐹᓂᖃᑕᕐᓯᒪᔪᕐᓂᒃ, ᐊᒻᒪ ᑕᐃᑯᓄᖓ ᐊᖑᓇᓱᒋᐊᖃᑕᕐᓯᒪᔪᓄᑦ ᓂᕐᔪᑎᖏᓂ ᑕᐹᓂ. ᐅᓇ ᓄᓇᖓ ᑲᒪᒋᔭᐅᖃᑦᑕᖅᓯᒪᒻᒥᔪᖅ ᐊᑑᑎᖃᓪᓚᕆᒃᑐᒥᒃ ᖃᐅᔨᓴᕐᕕᐅᓪᓗᓂ ᖃᐅᔨᓴᖅᑏᑦ ᑎᑎᕋᖃᑦᑕᖅᓯᒪᔪᑦ ᖃᓄᑎᒋ ᐃᒃᐱᖕᓇᓲᖑᓂᖓᓂᑦ ᓯᓚ ᐊᔾᔨᒋᔪᓐᓃᕐᒪᖔᒍ ᑕᐃᒪᓐᖓᓂᑦ ᐊᒻᒪᓗ ᖃᓪᓗᓈᓄᑦ ᑕᑯᔭᐅᓚᐅᖅᓯᒪᙱᑦᑐᑦ ᐊᓯᔾᔨᕈᑎᐅᔪᑦ ᐃᒪᖓᓂ, ᓂᕿᑭᖅᓴᔭᖏᓄᑦ, ᐆᓇᖅᓯᕙᓪᓕᐊᓂᖓ, ᖁᐋᔭᐅᑎᑦ ᐱᕈᓐᓂᖏᑦ, ᓯᑯᐃᔭᖃᑦᑕᓕᓐᓂᐊᑕ ᐊᒻᒪᓗ ᐃᖃᓗᖏᑕ ᐃᓕᖅᑯᓯᕆᔭᖏᓄᑦ ᐊᕐᕌᒍᑦ 300 ᐃᓗᐊᓂ. ᑖᒃᑯᐊ ᐱᔾᔪᑎᖃᖅᑐᑎᒃ, ᑕᒪᐃᓐᓂᐋᓗᒃ ᑕᓯᐋᓘᑉ/ᑕᖕᒫᕝᕕᖃᖅᑑᑉ ᐃᑎᖅᓴᖓ ᑎᒃᑯᐊᕆᔭᐅᓂᑰᒻᒪᑦ ᓯᕗᓂᐊᒍᑦ ᐃᓂᖓ I-ᒥᒃ ᓇᓗᓇᐃᖅᑕᐅᓯᒪᓪᓗᓂ ᐊᐅᓚᑦᑎᓂᒻᒧᑦ ᑎᑎᕋᖅᑕᐅᓂᑰᔪᑦ ᐸᕐᓇᐅᑎᓕᐋᖑᓚᐅᖅᑐᒧᑦ ᓄᓇᒋᔭᖏᓄᑦ.

ᓅᑎᖅᑕᐅᓂᖓ ᐃᓂᖓ I ᑖᔅᓱᒧᖓ ᐃᓂᖓ II-ᒧᑦ ᐊᒻᒪᓗᑦᑕᐅᖅ ᑐᕌᒐᖃᓐᓂᖅ ᐃᓂᐅᔪᒥᒃ ᐊᐅᓚᑕᒧᑦ ᑐᕌᒐᖃᓐᓂᒻᒥᒃ ᓴᖅᑮᔭᖃᖅᑐᖅ ᐊᑑᑎᖃᓪᓚᕆᓐᓂᐊᑕ ᑲᒪᒋᔭᐅᑦᑎᐊᓐᓂᖓᓄᑦ ᐊᖏᔪᒥᒃ ᓴᐳᒻᒥᔭᖃᓐᓂᒻᒥᒃ ᑖᔅᓱᒧᖓ ᐊᔾᔨᐆᙱᑦᑐᓪᓚᕆᒻᒧᑦ ᐃᓕᖅᑯᓯᖃᖅᑐᖅ ᐊᒻᒪᓗ ᐱᖅᑯᓯᖃᖅᑐᑦ ᐃᒃᐱᖕᓂᖅᓴᕋᐃᑦᑐᑦ ᐊᕘᑎᓂᕐᒥᑦ, ᐊᑕᐅᑦᑎᒃᑯᓪᓗ ᐊᔭᐅᕆᓪᓗᑎᒃ ᑲᒪᑦᑎᐊᖅᑐᓄᑦ ᖃᐅᔨᓵᕆᔭᐅᖁᓪᓗᒋᑦ ᐊᒻᒪᓗᑦᑕᐅᖅ ᐅᓄᙱᑦᑑᔪᓂᒃ ᐳᓚᕋᑕᐅᕙᓐᓂᖓ ᐊᐅᓚᓂᖓᓗ ᐃᓕᖅᑯᓯᖃᖅᑐᓄᑦ ᒪᓕᑦᑎᐊᖅᑕᐅᕗᖅ ᑲᓇᑕᐅᑉ ᒥᕐᖑᐃᓯᕝᕕᓕᕆᔨᒃᑯᖏᑕ ᑭᒡᓕᓯᓂᐊᕈᑎᖏᑦ ᐊᓯᖏᑦ ᓄᓇᐃᑦ ᖃᐅᔨᖁᓪᓗᒋᑦ. ᑐᑭᓯᐊᔭᐅᖁᓪᓗᒋᑦ, ᐅᐸᑦᑕᐅᕙᒃᑲᓗᐊᕐᓗᓂ ᐳᓚᕋᑎᓄᑦ ᑕᓯᐋᓘᑉ/ᑕᖕᒫᕝᕕᖃᖅᑑᑉ ᐃᑎᖅᓴᖓ ᐅᓄᖏᑦᑑᓯᒪᒐᓗᐊᖅᑎᓪᓗᒋᓪᓗ ᐊᕐᕌᒍᖏᑦ ᐊᓂᒍᓕᓵᖅᑐᑦ, ᐅᓄᖅᑐᓂᓪᓗ ᐱᓱᒃᑏᑦ ᐊᖅᑯᑎᒃᓴᖃᐅᖅᑐᖅ ᒪᑐᐃᖓᑎᑕᐅᓪᓗᑎᓪᓗ ᐃᓂᖏᑦ, ᐱᖃᓯᐅᔾᔭᐅᓪᓗᓂ ᐅᒥᖕᒪᐃᑦ ᐊᖅᑯᑎᒋᓲᖓ. ᑖᓐᓇ ᐊᓯᔾᔨᐅᑎᓂᐅᔪᖅ ᐱᕕᖃᖅᑎᑦᑎᔪᖅ ᒪᑐᐃᖅᑕᐅᖁᓪᓗᒍ ᐊᑐᒐᒃᓴᖅ ᐊᔾᔨᐅᖏᑦᑐᒥᒃ ᐃᓱᒪᒋᔭᖃᕐᓗᑎᒃ ᒪᑐᐃᕈᑎᔪᓂᒃ ᐊᒻᒪᑦᑕᐅᖅ ᐊᒃᓱᕈᓐᓇᕐᓂᖏᑦ ᓇᔪᕐᓗᒋᑦ ᑖᓐᓇ ᐊᔾᔨᖃᓗᐊᑦᑎᐊᙱᑦᑐᖅ ᓄᓇᒋᔭᖓ ᓄᓇᔾᔪᐊᓕᒫᒥᑦ.

ᐅᖃᐅᓯᐅᖅᑲᐅᔪᑐᑦ ᖁᓛᒍᑦ ᑖᓐᓇ ᑕᓯᐋᓘᑉ/ᑕᖕᒫᕝᕕᖃᖅᑑᑉ ᓄᓇᖏᒍᑦ ᒥᑭᑦᑑᓪᓗᓂ ᓇᓗᓇᐃᒐᖅ ᐃᓂᖓ III-ᒥᒃ ᑎᒃᑯᐊᒐᐅᓪᓗᓂ ᓲᕐᓗ ᐃᓗᖓᓃᑦᑐᓂ ᐊᖏᓂᖅᓵᓘᑉ ᐱᔭᕆᑐᔫᑉ ᐊᐅᓚᑦᑎᓂᐊᑕ ᐃᓂᒋᔭᖓᓄᑦ. ᑖᑯᐊ ᑕᑯᔭᐅᔪᒪᔪᑦ ᓇᓗᓇᐃᕐᑕᐅᓯᔪᑦ ᒪᓕᑦᑕᐅᓗᑎᑦ ᐊᐅᓚᑦᑎᓂᕐᒧᑦ ᑕᕝᕙᓂ ᑕᓯᐊᓗᖕᒥ.

9.0 ᓇᐃᒃᓕᒋᐊᕐᓯᒪᔪᑦ ᐸᕐᓇᐅᑏᑦ ᐊᕙᑎᐅᑉ ᖃᓄᐃᑐᓂᖓᑕ ᖃᐅᔨᓴᕐᑕᐅᓂᖓᓄᑦ

ᑕᒪᕐᒥᑦᑎᐊᖅ ᑲᓇᑕᓕᒫᒥ ᒥᕐᙳᐃᓯᕐᕕᖕᓄᑦ ᐊᐅᓚᑦᑎᓂᕐᒧᑦ ᐱᕙᒌᔭᖅᑕᐅᓯᒪᔪᑦ ᖃᐅᔨᓴᖅᑕᐅᕙᒃᐳᑦ ᖃᓄᐃᓕᐅᖅᐸᓪᓕᐊᓂᐊᕐᓂᒃᑯᑦ ᐊᕙᑎᒥᒃ ᖃᐅᔨᓴᕐᓂᕐᒥ ᑐᑭᓯᔭᐅᔪᓪᓗ ᑲᑎᑉᐸᓪᓕᐊᔭᐅᓪᓗᑎᒃ ᐊᒃᑐᖅᓯᑐᐃᓐᓇᕆᐊᓖᑦ. ᑖᓐᓇ ᑐᑭᓯᐅᒪᓂᖅ ᐱᑎᑦᓯᔪᖅ ᖃᐅᔨᔭᐅᔪᑦ−ᑐᙵᕕᓕᐅᖅᑕᐅᖁᓪᓗᒋᑦ ᐋᖅᑭᒃᑕᐅᖁᓪᓗᒋᑦ ᐃᑲᔪᖅᓯᒍᑎᐅᓇᔭᖅᑐᑦ ᓄᓇᒥ ᓱᖅᑯᐃᖅᑕᐅᓪᓚᕆᖁᓪᓗᒋᑦ ᐋᖅᑭᐸᓪᓕᐊᖁᓪᓗᒋᑦ ᐅᑎᖅᑎᑕᐅᕙᓪᓕᐊᓗᑎᒃ ᐊᑐᕈᓐᓇᕐᓂᓕᒫᖓᓂ ᐱᕙᒌᔭᐅᑦ. ᖃᓄᖅᑑᕈᑎᑦ ᐊᕙᑎᒥᒃ ᖃᐅᔨᓴᕐᓂᕐᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓ ᖁᑦᑎᒃᑐᖅ ᒥᕐᙳᐃᓯᕐᕕᖓᑕ ᐃᓱᒪᒋᔭᐅᓪᓗᑎᒃ ᐊᒃᑐᐃᔾᔪᑕᐅᑐᐃᓐᓇᕆᐊᓖᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᓄᓇᓕᖕᓂ ᐊᒻᒪ ᐊᕕᒃᑐᖅᓯᒪᔪᓂ ᐱᓕᕆᐊᒃᓴᓂᒃ ᒥᕐᙳᐃᓯᕐᕕᐅᑉ ᖃᓂᒋᔮᓂ, ᐊᒻᒪ ᑐᒃᓯᕋᐅᑎᓂᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ. ᖃᓄᖅᑑᕈᑏᑦ ᐊᕙᑎᒥᒃ ᖃᐅᔨᓴᐃᓃᑦ ᖃᐅᔨᓴᐃᓚᐅᖅᑐᑦ ᐊᒃᑐᖅᓯᔪᖕᓇᖅᑐᑦ ᐊᔾᔨᒌᖏᑦᑐᑦ ᐊᒃᑐᐃᒍᑕᐅᒍᓐᓇᖅᑐᑦ ᐆᒪᔪᓐᓇᖅᑐᓕᒫᑦ ᓇᔪᒐᖏᓐᓂᑦ, ᐃᓚᐅᑉᓗᑎᒃ ᓄᓇᒥᑦ (ᐱᕈᖅᑐᑦ, ᖃᓕᕇᑦ, ᖃᑯᖅᑕᐃᑦ ᑐᒃᑐᐃᑦ, ᓇᓄᐃᑦ, Porsild's Bryum) ᐊᒻᒪᓗ ᐃᒪᑦᑎᐊᕙᒃ (ᐃᒪᑐᐃᓐᓇᐅᑉ ᐱᐅᓂᖓ, ᐃᖃᓗᐃᓪᓗ ᓇᔪᖅᐸᑦᑕᖏᑦ).

ᐱᒻᒪᕆᐅᓂᖏᑦ ᐃᓗᓕᖏᑦ ᖃᐅᔨᔭᐅᓚᐅᖅᑐᑦ ᐊᑦᑕᕐᓇᖅᑐᒦᓗᐊᙱᓐᓂᖏᓐᓂᑦ ᑲᑎᑉᐸᓪᓕᐊᔪᑦ ᐊᒃᑑᑎᔪᑦ, ᐊᒃᓱᕈᕐᓇᕈᑎᓪᓗᐊᑕᐅᔪᓪᓗ ᒥᕐᖑᐃᓯᕐᕕᐅᑉ ᐊᕙᑎᖓᓂᒃ ᐊᓯᔾᔨᖅᐸᓪᓕᐊᑎᑦᓯᔪᑦ ᓄᓇᕐᔪᐊᒥ ᐊᕙᑎᖓᓂᓪᓗ. ᐊᐅᓚᑦᑎᓂᕐᒧᑦ ᐸᕐᓇᐅᑎ ᐃᓚᖃᖅᐳᖅ ᐱᓕᕆᔾᔪᓯᕐᓂᒃ ᑐᑭᓯᐊᓕᕐᓗᒋᑦ ᐊᒃᑐᐃᔾᔪᑕᐅᓲᑦ ᑖᒃᑯᓄᖓ ᐱᒻᒪᕆᖁᑎᒋᔭᐅᒻᒪᑦ ᐃᓗᓕᓪᓗᐊᑕᖏᓐᓄᑦ ᐅᑯᓄᖓ ᐃᓚᒋᔭᐅᓪᓗᑎᒃ:

• ᑲᑎᖃᑎᖃᕐᓂᖅ ᐱᓕᕆᖃᑎᖏᓐᓂᒃ, ᑎᒍᒥᐊᖅᑎᐅᖃᑕᐅᔪᓂᒃ, ᐊᒻᒪ ᐃᓄᖕᓂᒃ ᒥᕐᖑᐃᓯᕐᕕᖕᒥ ᓄᓇᓖᑦ ᖃᓂᒋᔮᓃᑦᑐᑦ ᐅᔾᔨᕆᔭᐅᓕᖅᑎᓐᓇᓱᒡᓗᒋᑦ ᓴᙱᒃᑎᒋᐊᕈᑕᐅᓗᑎᒃ ᐊᕕᒃᑐᖅᓯᒪᔪᓂᒃ ᐱᓕᕆᖃᑎᒌᒍᓯᖅ ᐊᒃᑐᐊᔪᑦ ᑐᑭᓯᐊᔭᐅᓗᑎᒃ ᐊᒃᑐᐃᔾᔪᑕᐅᓲᑦ ᐊᓯᔾᔨᖅᐸᓪᓕᐊᒍᑕᐅᔪᑦ ᓄᓇᕐᔪᐊᕐᒥ ᐊᕙᑎᖓᓂᓪᓗ ᒥᕐᖑᐃᖅᓯᕐᕖᑦ ᓄᓇᒥᙶᖅᑐᓂᒃ ᐱᓕᕆᔾᔪᓯᐅᕙᒃᑯᓂᑦ, ᐊᒻᒪ
• ᐃᓚᐅᖏᓐᓇᕐᓗᑎᒃ ᐃᓄᐃᑦ ᐊᐅᓚᑦᑎᓂᐊᔪᓂ ᐊᐅᓚᓐᓂᖏᓐᓂᒡᓗ ᖁᑦᑎᓐᓂᖅᐹᑉ.

ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒌᑦ, ᑎᒍᒥᐊᖅᑎᐅᖃᑕᐅᔪᑦ ᐊᒻᒪ ᐃᓄᐃᑦ ᐱᕕᖃᖅᑎᑕᐅᓚᐅᖅᐳᑦ ᐅᖃᐅᓯᒃᓴᖏᓐᓂᒃ ᑐᓴᖅᑎᑦᑎᔪᓐᓇᖅᑎᑕᐅᓪᓗᑎᒃ ᑎᑎᕋᖅᑕᐅᒋᐊᕐᖓᖅᑐᒧᑦ ᐸᕐᓇᐅᑎᒧᑦ, ᐊᒻᒪ ᑎᑎᕋᖅᑕᐅᒋᐊᕐᖓᖅᑐᒥᒃ ᑖᔅᓱᒥᖓ ᖃᓄᖅᑑᕈᑎᒥᒃ ᐊᕙᑎᒥᒃ ᖃᐅᔨᓴᕐᓂᕐᒥᒃ. ᐅᖃᐅᓯᒃᓴᑦ ᐃᓄᖕᓂᙶᖅᑐᑦ, ᓄᓇᖃᖅᑳᖅᓯᒪᔪᓂᓗ ᐱᓕᕆᔩᑦ, ᐊᒻᒪ ᐱᑖᖃᑕᐅᓯᒪᔪᑦ ᐃᓚᓕᐅᔾᔭᐅᓚᐅᖅᐳᑦ ᖃᓄᖅᑑᕈᑎᓄᑦ ᐊᕙᑎᒥᒃ ᖃᐅᔨᓴᖅᑕᐅᔪᓄᑦ ᐊᒻᒪ ᐊᐅᓚᑦᑎᓂᕐᒧᑦ ᐸᕐᓇᐅᑎᒧᑦ ᓈᒻᒪᒋᔭᐅᖁᓪᓗᒍ.

ᑖᓐᓇ ᐱᓕᕆᐊᖑᓚᐅᖅᑐᖅ ᐊᕙᑎᓕᕆᓂᕐᒥᑦ ᖃᐅᔨᓴᕐᓂᕐᒧᑦ ᐋᒃᑐᐃᓂᕐᒥᑦ ᖃᐅᔨᓴᕐᓂᕐᒥ (SEA) ᒪᓕᒃᑐᒋᑦ ᒥᓂᔅᑕᐅᖃᑎᒌᑦ ᑎᓕᐅᕆᔾᔪᑎᖓᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐊᑐᐊᒐᐃᑦ, ᐸᕐᓇᐅᑏᑦ ᐊᒻᒪᓗ ᐱᓕᕆᐊᒃᓴᓄᑦ ᑐᒃᓯᕋᐅᑏᑦ (2010) ᐊᒻᒪᓗ ᑲᔪᓯᑎᑦᑎᓪᓗᑎᒃ ᖃᐅᔨᓴᕐᓂᕐᒥᑦ ᖃᓄᖅ ᐊᐅᓚᑦᑎᓂᕐᒧᑦ ᐸᕐᓇᒍᑎ ᑐᓂᓯᓯᒪᖕᒪᖔᑕ ᑲᓇᑕᐅᑉ ᒐᕙᒪᒃᑯᖏᑦ ᑲᔪᓰᓐᓇᕈᓐᓇᖅᑐᓂᒃ ᐱᕙᓪᓕᐊᓂᕐᒧᑦ ᖃᓄᖅᑑᕈᑎᖏᓐᓂ. ᐃᒻᒥᑰᖅᑐᑦ ᐱᓕᕆᐊᑦ ᑲᒪᒋᔭᐅᔪᑦ ᐊᑐᓕᖅᑎᑦᓯᓂᕐᒧᑦ ᐊᐅᓚᑦᓯᓂᕐᒥ ᐱᕙᒌᔭᕐᓯᓴᔪᓂ ᑐᕌᒐᐅᔪᓂ ᐃᓂᐅᔪᓪᓗ ᓄᓇᐃᑦ ᖃᐅᔨᓴᖅᑕᐅᓂᐊᖅᑐᑦ ᓇᓗᓇᐃᖅᑕᐅᓗᑎᒃ ᐊᑦᑐᖅᑕᐅᓂᐊᖅᑐᑦ ᖃᐅᔨᓴᕐᓂᕐᒥ ᐱᔭᕆᐊᖃᕐᒪᖔᑕᓗ ᐊᑖᓂᑦ ᐊᑦᑐᖅᑕᐅᓂᕐᒧᑦ ᖃᐅᔨᓴᕐᓂᐅᑉ ᐃᓗᐊᓂ ᐱᖁᔭᒃᑯᑦ, ᑲᔪᓯᑎᑦᓯᑦᓯᐊᕐᒪᖔᑕᓘᓐᓃᑦ ᒪᓕᒐᖅ ᒪᓕᓪᓗᒍ ᐊᐅᓚᑦᑎᓂᕐᒧᑦ ᐸᕐᓇᐅᑦ ᐃᑲᔪᖅᓱᐃᕗᖅ ᑲᓇᑕᒥ ᑲᔪᓰᓐᓇᕈᓐᓇᖅᑐᓂᒃ ᐱᕙᓪᓕᐊᑎᑦᑎᓂᕐᒥᒃ ᖃᓄᐃᓕᐅᕈᑕᐅᔪᒪᔪᓂᒃ ᑐᕌᒐᕆᔭᐅᔪᓂᒃ ᓱᕈᖅᑎᕆᓗᐊᙱᑦᑐᓄᑦ ᒐᕙᒪᓂᒃ, ᓯᒡᔭᒥ ᐊᒻᒪ ᐃᒪᕐᒥᐅᑕᓂᒃ, ᐊᐅᓚᑕᐅᑦᑎᐊᖅᑐᓂᒃ ᓄᓇᓂᒃ ᐊᒻᒪ ᓇᐹᖅᑐᓂᒃ, ᖃᓄᐃᙱᑦᑎᐊᖅᑐᓂᒃ ᐆᒪᔪᕐᓂᒃ, ᑲᓇᑕᒥᐅᑦ ᓄᓇᒥᐅᑕᑦ ᑲᑎᙵᓕᕐᓗᑎᒃ, ᐊᒻᒪ ᐊᑦᑕᕐᓇᙱᑦᑐᑦ ᐊᒻᒪ ᖃᓄᐃᙱᑦᑎᐊᖅᑐᑦ ᓄᓇᓖᑦ.

ᐱᒻᒪᕆᐅᔪᓂᒃ ᓱᕈᓐᓇᖅᑐᓂᑦ ᐊᕙᑎᒧᑦ ᐊᒃᑐᐃᓂᐊᕋᓱᒋᔭᐅᔪᖃᙱᑦᑐᖅ ᐊᑐᓕᖅᑎᑕᐅᓂᐊᕋᓱᒋᔭᐅᔪᓂ ᖁᑦᑎᒃᑐᖅ ᑲᓇᑕᒥ ᒥᕐᖑᐃᓯᕐᕕᒃ ᑲᓇᑕᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ.