ᐊᕐᕌᒍᑕᒫᖅᓯᐅᑦ ᐊᐅᓚᑎᓂᕐᒧᑦ ᐸᕐᓇᐅᑎ ᐊᑐᓕᖅᑎᑕᐅᓂᖏᑦ ᖃᓄᐃᓕᖓᓂᖏᑦ 2019-2020-ᒧᑦ

Auyuittuq National Park

English

ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒧᑦ ᐊᐅᓚᑦᓯᔾᔪᑎᓄᑦ ᐸᕐᓇᐅᑏᑦ ᓇᓗᓇᐃᖅᑐᐃᓯᒪᔪᑦ ᐊᑯᓂᐅᔪᒧᑦ−ᐋᖅᑭᑦᓯᒪᔪᓂᒃ ᑐᑭᒧᐊᒍᑎᒃᓴᑦ ᐸᕐᓇᑕᐅᓯᒪᔪᓄᑦ ᐊᒻᒪᓗ ᐊᐅᓚᑦᓯᔾᔪᑎᓄᑦ ᑐᕌᒐᖏᓐᓄᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ (ANP). ᐸᕐᓇᐅᑦ ᓇᓕᖅᑯᑦᓯᔪᖅ ᓄᓇᕗᑦ ᐊᖏᕈᑎᖏᓐᓂᒃ, ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᒃᓴᓄᓪᓗ ᐊᖏᖃᑎᒌᒍᑎᓂᒃ ᐊᐅᔪᐃᑦᑐᒧᑦ, ᖁᑦᑎᓂᖅᐹᒧᑦ ᐊᒻᒪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᓐᓄᑦ, (IIBA) ᐊᒻᒪᓗ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑎᒥᖓ ᑎᓕᔭᐅᓯᒪᔾᔪᑎᖏᑦ ᓴᐳᔾᔨᓯᒪᓂᕐᒧᑦ ᓴᖅᑭᐅᒪᑦᓯᓂᕐᒧᓪᓗ ᑲᓇᑕᓕᒫᒥ ᐅᔾᔨᓇᖅᑐᓂᒃ ᐊᔾᔨᐅᔪᖁᑕᐅᔪᓂᒃ ᑲᓇᑕᒥ ᓄᓇᖓᓂ ᐊᐅᓚᑕᐅᓯᒪᙱᑦᑐᒥ ᐊᒻᒪᓗ ᐃᓕᖅᑯᓯᒃᑯᑦ ᐱᖅᑯᓯᕆᔭᖏᓐᓂᒃ, ᐊᒻᒪᓗ ᑲᔪᓯᑎᑦᓯᓂᕐᒥᒃ ᑭᒃᑯᑐᐃᓐᓇᕐᓄᑦ ᑐᑭᓯᐅᒪᔾᔪᑎᒃᓴᓂᒃ, ᖁᔭᒋᔭᐅᔾᔪᑎᒃᓴᒥᒃ ᐊᒻᒪᓗ ᖁᕕᐊᒋᔭᐅᓗᓂ ᓇᐅᒃᑯᑐᐃᓐᓇᖅ ᓱᖅᑯᐃᖅᓯᓯᒪᒍᑎᒃᓴᒥᒃ ᓄᓇᖓᑕ ᐊᕙᑖᓂᒃ ᐊᒻᒪᓗ ᐃᖅᑲᐅᒪᔭᐅᔾᔪᑎᒃᓴᒥᒃ ᓱᓕᔪᒥᒃ ᐅᓪᓗᒥᒧᑦ ᓯᕗᓂᑦᑎᓐᓂᓗ ᑭᖑᕚᖑᓂᐊᖅᑐᓄᑦ. ᐊᐅᔪᐃᑦᑐᖅ ᑲᑐᔾᔨᖃᑎᒌᒍᑕᐅᓪᓗᓂ ᐊᐅᓚᑕᐅᔪᖅ ᐊᐅᔪᐃᑦᑑᑉ ᑲᑐᔾᔨᖃᑎᒌᑦᑐᓄᑦ ᐃᓄᐃᑦ/ᒐᕙᒪᑦ ᒥᕐᖑᐃᓯᕐᕕᓕᕆᓂᕐᒧᑦ ᐸᕐᓇᐅᑎᓄᑦ ᐊᐅᓚᑦᓯᓂᕐᒧᓪᓗ ᑲᑎᒪᔨᕋᓛᑦ (JPMC) ᓴᖅᑭᖅᑕᐅᓯᒪᔪᑦ IIBA−ᑎᒍᑦ.

ᑖᓐᓇ ᐱᕙᓪᓕᐊᓂᐅᓯᒪᔪᒥᒃ ᑐᓴᖅᑎᑦᓯᒍᑦ PCA 2019-2020 ᐊᕐᕌᒍᑕᒫᖅᓯᐅᒻᒥᒃ ᐱᕙᓪᓕᐊᓯᒪᓂᕐᒧᑦ ᐅᓂᒃᑳᖓ ᑲᔪᓯᑎᑦᑕᐅᕙᓪᓕᐊᓂᖓᓂᒃ ᐊᐅᓚᑦᓯᔾᔪᑎᓄᑦ ᐸᕐᓇᐅᑏᑦ ᐱᓇᓱᐊᖃᑎᒌᑦᑐᓄᑦ, ᐊᐅᓚᑦᓯᖃᑕᐅᔪᓄ, ᐃᓄᐃᑦ ᐱᔪᓐᓇᐅᑎᖏᓐᓂᒃ ᑎᒍᒥᐊᖅᑎᓄᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ. ᒫᓐᓇ ᐊᐅᓚᑦᓯᔾᔪᑎᒃᓴᓄᑦ ᐸᕐᓇᐅᑏᑦ ᐃᓱᐊᓃᓕᖅᑐᑦ ᖁᓕᓂᒃ− ᐊᕐᕌᒍᓂᒃ ᐊᑐᓚᕐᓂᐊᖅᓯᒪᕕᒋᔭᖓᑕ (ᔪᓚᐃ 2010-2020) ᐊᒻᒪᓗ ᐊᐅᓚᑦᓯᔾᔪᑎᒃᓴᓂᒃ ᐸᕐᓇᐅᑎᓕᐅᕐᓂᕐᒧᑦ ᕿᒥᕐᕈᔭᐅᓂᖓ ᐸᕐᓇᐅᑏᑦ ᐱᒋᐊᖅᑕᐅᓯᒪᓕᖅᑐᑦ. PCA ᑲᔪᓯᑎᓚᐅᖅᑕᖏᑦ ᐊᑕᖏᖅᑐᑎᒃ ᐅᕝᕙᓘᓐᓃᑦ ᐃᓚᖓ 85%−ᖓᓂᒃ ᑐᕌᒐᖏᓐᓄᑦ ᒫᓐᓇ ᐊᐅᓚᑦᓯᔾᔪᑎᒃᓴᓄᑦ ᐸᕐᓇᐅᑏᑦ.

A Parks Canada guide talks with two visitors with Ulu Peak in the background.
ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ ᐊᐅᓚᑦᓯᔨ, ᓕᐊᓇ ᐃᐅᔅᕗᐊᑦ, ᓇᓗᓇᐃᔭᐃᔪᖅ ᐅᓗ ᖃᖅᑲᐅ ᓄᕗᐊ, ᐃᓚᖓᓂ ᓄᖅᑲᕆᐊᙵᕐᕕᐅᕙᑦᑐᒥ ᑲᔾᔮᓇᖅᑐᕐᔪᐊᒥ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ, ᓄᓇᕗᑦ.
ᐊᔾᔨᖁᑎᓖᑦ: ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑎᒥᖓ

ᐃᓗᓕᕆᔭᖏᑦ

ᑐᑭᒧᐊᒍᑎᒃᓴᖅ 1: ᐃᓚᓕᐅᔾᔨᓯᒪᓂᖅ ᓄᓇᓖᓐᓂᒃ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ ᑲᓱᖅᑎᑦᓯᓂᕐᒥᒃ ᐳᓚᕋᑎᓂᒃ ᓄᓇᒧᑦ, ᑕᕆᐅᖅ ᐊᕙᑖᓄᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓄᑦ.

ᑐᕌᒐᖅ 1.1: ᓯᐊᒻᒪᑎᑦᓯᒋᐊᕐᓂᖅ ᐱᕚᓪᓕᑎᑦᓯᓂᕐᓗ ᐳᓚᕋᑏᑦ ᐳᓛᕆᐊᖅᓯᒪᓂᖓᓂᒃ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒧᑦ ᐊᒻᒪᓗ ᓄᓇᓖᓐᓄᑦ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑐᙵᓴᐃᓚᐅᖅᑐᑦ 356-ᓂᒃ ᐳᓚᕋᑎᓂᒃ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒧᑦ 2019-20. ᐃᓱᒪᖅᓲᑎᒥᒃ ᖃᐅᔨᓴᕈᑎᒥᒃ ᑐᓂᓯᖃᑦᑕᓚᐅᖅᑐᑦ ᒥᕐᖑᐃᓯᕐᕕᒻᒧᑦ ᐳᓛᕆᐊᖅᑐᓄᑦ ᐊᓂᒐᐃᒻᒪᑕ ᒥᕐᖑᐃᓯᕐᕕᒻᒥᒃ ᐃᑲᔫᑎᒃᓴᒥᒃ ᑐᓴᐅᒪᔭᐅᖁᓪᓗᒍ ᓯᕗᓂᑦᑎᓐᓂ ᐳᓚᕋᑏᑦ ᐳᓛᕆᐊᖅᓯᒪᓂᕆᓚᐅᖅᑕᖏᓐᓂᒃ ᐊᑐᕋᑦᓴᓂᒃ.
  • ᓄᒃᑕᑎᑦᓯᔩᑦ ᑐᑭᓯᑎᑦᓯᒋᐊᕈᑎᖃᖃᑦᑕᓚᐅᖅᑐᑦ ᐊᕙᑖᓂ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᓕᐊᖅᐸᓪᓕᐊᑎᓪᓗᒋᑦ.
  • ᑕᐃᒪᙵᓂᒃ ᓴᖅᑭᖅᑕᐅᓚᐅᖅᓯᒪᒻᒪᓂᒃ ᐱᖃᓗᔭᐅᔭᖅ ᕿᑭᖅᑕᕐᔪᐊᒥ 2016-ᒥ, ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑏᑦ ᐃᑲᔪᕐᓂᖅᓴᐅᖃᑦᑕᕈᓐᓇᖅᓯᓯᒪᔪᑦ ᓄᓇᓕᓐᓂ ᐳᓚᕋᖅᑐᓕᕆᓂᕐᒧᑦ ᐊᐅᓚᓂᐅᔪᓂᒃ ᓲᕐᓗ ᐅᒥᐊᕐᔪᐊᒃᑯᑦ ᐳᓚᕋᑏᑦ ᑎᑭᖃᑦᑕᕐᓂᖏᓐᓂᒃ.
  • ᐳᓚᕋᑏᑦ ᑐᓂᔭᐅᖃᑦᑕᖅᑐᑦ ᐊᑕᐅᓯᕐᒥᒃ ᑕᓪᓕᒪᓄᑦ ᐅᓪᓗᓄᑦ ᐊᖅᑯᓵᕐᓂᕐᒥᒃ ᐊᒃᓵᔪᖅ ᐊᖅᑯᑎᖓᒍᑦ ᐊᑐᙱᖔᕐᓱᑎᒃ ᓯᑕᒪᐅᔪᖅᑐᓂᒃ ᖁᓕᓄᑦ ᐅᓪᓗᓂᒃ ᐱᓱᕋᔮᓐᓂᕐᒥᒃ ᐊᒃᓵᔪᖅ ᐊᖅᑯᑎᖓᒍᑦ.
  • ᓴᖅᑭᓚᐅᖅᑐᖅ ᐱᖁᑏᑦ ᖃᐅᔨᓴᖅᑕᐅᓂᖓᓂ (ᔫᓂ 2019), ᐊᐅᔪᐃᑦᑐᖅ ᑕᓯᖓᓂ ᑐᐊᕕᕐᓇᖅᑐᖃᑎᓪᓗᒍ ᐅᐸᒐᑦᓴᖅ ᐅᖅᑯᐊᓕᐊᕆᓯᒪᔪᖅ ᐊᒻᒪᓗ ᐊᓇᕐᕕᒃ ᓅᑕᐅᖁᓪᓗᒋᒃ ᓄᓇᖓ ᐱᓪᓗᒍ ᐊᐅᔪᐃᑦᑐᒦᙶᖅᑐᖅ ᑰᓐᓂᖓᓄᑦ.
  • ᖃᐅᔨᒪᔾᔪᑎᒃᓴᑦ ᓴᓇᔭᐅᓯᒪᓕᖅᑐᑦ ᐅᒥᐊᕐᔪᐊᑦ ᐳᓚᕋᑎᓂᑦ ᐅᓯᑲᑦᑕᐅᑎ ᑎᑭᖃᑦᑕᑐᐃᓐᓇᕆᐊᖃᕐᓂᖏᓐᓄᑦ ᓇᓪᓗᓯᐊᒧᑦ. ᓴᓇᔭᐅᓯᒪᔪᑦ ᐃᓚᒋᔭᐅᓪᓗᑎᒃ ᑐᑭᓯᑎᑦᓯᒋᐊᕈᑏᑦ ᐅᓂᒃᑳᑦ, ᑐᑭᓯᑎᑦᓯᒋᐊᕈᑏᑦ ᑎᑎᕋᖅᓯᒪᔪᑦ, ᒪᓕᒐᑦᓴᑦ ᐊᐅᓚᑦᓯᔾᔪᑏᓪᓗ ᐳᓚᕆᐊᖅᐸᑦᑐᓄᑦ ᐊᐅᔪᐃᑦᑐᒧᑦ, ᐱᖓᓱᓂᒃ−ᒪᑉᐱᒐᓕᒃ ᐱᓕᕆᐊᕆᔭᐅᓯᒪᓂᖓᓄᑦ ᑎᑎᕋᖅᓯᒪᔪᑦ ᐃᖅᑲᓇᐃᔭᖅᑎᓄᑦ, ᐊᒻᒪᓗ ᐊᑕᐅᓯᕐᒥᒃ−ᒪᑉᐱᒐᓕᒃ ᖃᐅᔨᒪᔾᔪᑎᒃᓴᖅ ᑎᑎᕋᖅᓯᒪᔪᖅ ᐳᓚᕋᑎᓄᑦ.

ᑐᕌᒐᖅ 2: ᐱᕚᓪᓕᕈᑎᒃᓴᖅ ᓄᓇᓖᑦ ᐱᓇᓱᐊᖃᑕᐅᓂᖏᓐᓄᑦ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᒪᕐᕉᒃ ᐃᖅᑲᓇᐃᔭᐃᓐᓇᖅᑑᒃ ᐱᓕᕆᓐᓇᐅᓂᖓᓂ ᐱᓕᕆᐊᓖᒃ ᕿᑭᖅᑕᕐᔪᐊᒦᙶᖅᑑᒃ ᐃᖅᑲᓇᐃᔭᖅᑎᑖᖑᓯᒪᓕᖅᑑᒃ ᐊᒻᒪᓗ ᐱᓕᕆᓐᓇᐅᓂᖓᓂ ᐃᖅᑲᓇᐃᔮᖏᒃ ᐅᐃᒍᔭᐅᓯᒪᓪᓗᑎᒃ ᐊᕐᕌᒍᓕᒫᒧᑦ ᐃᖅᑲᓇᐃᔭᖅᑎᐅᓕᖅᓱᑎᒃ.
  • 2018-ᒥᓂᒃ, ᒪᕐᕉᒃ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᓪᓚᕝᕕᖏᒃ ᕿᑭᖅᑕᕐᔪᐊᒥ ᐸᓐᓂᖅᑑᒥᓗ ᐃᖅᑲᓇᐃᔭᖅᑎᑖᖅᓯᒪᓕᖅᑑᒃ 100% ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᐅᖃᖃᑎᖃᕈᓐᓇᖅᑐᓂᒃ ᐃᓄᒃᑎᑐᑦ.
  • ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑎᖏᑦ ᐸᓐᓂᖅᑑᒥᒃ ᕿᑭᖅᑕᕐᔪᐊᒧᑦ ᐊᐅᓪᓚᖃᑦᑕᖅᑐᑦ ᒪᕐᕈᐊᑎᖅᓱᑎᒃ ᑎᑭᓪᓗᒍ ᓯᑕᒪᐃᖅᓱᓂᕐᒧᑦ ᐊᕐᕌᒍᒥ. 2019-20−ᒥ, ᐱᖓᓱᐊᖅᑎᓚᐅᖅᑐᑦ ᕿᑭᖅᑕᕐᔪᐊᓕᐊᖅᓱᑎᒃ.
  • ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᐅᓚᑦᓯᓚᐅᖅᑐᑦ ᒪᑐᐃᖓᑎᑦᓯᓪᓗᑎᒃ ᖃᐅᔨᒋᐊᕐᕕᒃᓴᒥᒃ ᕿᑭᖅᑕᕐᔪᐊᒥ ᒫᑦᓯ 2020. 25-ᓃᑦᑐᑦ ᑕᑯᔭᖅᑐᓚᐅᖅᑐᑦ.
  • ᒥᕐᖑᐃᓯᕐᕕᐅᑉ ᐅᓪᓗᖓ ᓇᓪᓕᐅᓂᖅᓯᐅᕈᑕᐅᓚᐅᖅᑐᖅ ᐸᓐᓂᖅᑑᒥ ᔪᓚᐃ 2019−ᒥ. 36-ᓃᑦᑐᑦ ᐅᐸᑦᓯᒪᓚᐅᖅᑐᑦ.
  • ᐱᖓᓲᓕᖅᑲᖓᔪᖅ ᐅᖃᐅᓯᖅ ᐃᓄᒃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐅᐃᕖᑎᑐᑦ ᖃᐅᔨᒪᔮᖑᒍᑎᒃᓴᖓᓄᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᑎᓐᓂᕐᓄᑦ ᐊᑐᕋᑦᓴᓂᒃ ᑎᑭᓴᖅᑕᐅᓚᐅᖅᑐᑦ ᐊᑐᖅᑕᐅᖃᑦᑕᓂᐊᖅᑐᓂᒃ ᓄᓇᓕᓐᓂ ᑲᑎᓐᓂᕐᓂ ᐊᒻᒪᓗ ᖃᐅᔨᒋᐊᕐᕕᒃᓴᓂ ᒪᑐᐃᖓᑎᑕᐅᔪᓂ ᐱᕚᓪᓕᕈᑎᒃᓴᖓᓄᑦ ᖃᐅᔨᒪᔮᖑᓂᖓ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᓄᓇᓕᓐᓂ ᐊᒻᒪᓗ ᓇᕆᐊᕆᔭᐅᓪᓗᑎᒃ ᓄᓇᓖᑦ ᐃᓄᖏᓐᓄᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᑎᑎᑦᓯᖃᑦᑕᕐᓂᖓᓄᑦ.
  • ᐱᐅᓂᖅᐹᒥᒃ ᐳᓚᕋᑏᑦ ᐳᓛᕆᐊᖅᓯᒪᖁᓪᓗᒋᑦ ᐃᓕᓐᓂᐊᑎᑦᓯᒍᑕᐅᓚᐅᖅᑐᖅ ᒥᕐᖑᐃᓯᕐᕕᒃ ᐃᖅᑲᓇᐃᔭᖅᑎᓕᒪᖏᓐᓄᑦ ᐸᓐᓂᖅᑑᒥ (7 ᐃᖅᑲᓇᐃᔭᖅᑏᑦ) ᐊᒻᒪᓗ ᕿᑭᖅᑕᕐᔪᐊᖅ (ᒪᕐᕉᒃ ᐃᖅᑲᓇᐃᔭᖅᑏᒃ) ᐊᐅᒡᒍᓯ 2019-ᒥ.

ᑐᕌᒐᖅ 3: ᐱᕚᓪᓕᕈᑎᒃᓴᒥᒃ ᐱᔪᒐᖅᓴᐅᑎᖃᑦᑕᓂᕐᒥᒃ ᒥᕐᖑᐃᓯᕐᕕᒻᒧᑦ ᐊᒻᒪᓗ ᖃᐅᔨᔭᐅᕙᓪᓕᐊᑎᑦᓯᓂᕐᒥᒃ ᐊᒃᑐᐊᔫᓐᓂ ᓄᓇᓖᓐᓂ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ ᐱᓕᕆᖃᑎᒋᔭᐅᓗᑎᒃ ᐳᓚᕋᖅᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᐱᖓᓱᑦ ᐊᑭᓐᓇᖓᓅᖅᑕᐅᓯᒪᔪᑦ ᖃᐅᔨᒋᐊᕐᕕᒃᓴᑦ ᐃᖃᓗᐃᑦ ᓄᓇᕐᔪᐊᒥ ᖃᖓᑕᓲᒃᑯᕕᖓᓂ ᖃᐅᔨᔭᐅᕙᓪᓕᐊᑎᑦᓯᒍᑎᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥᒃ. ᐊᑕᐅᓯᖅ ᐊᑭᓐᓇᒨᖅᑕᐅᓯᒪᔪᖅ ᖃᐅᔨᔭᐅᕙᓪᓕᐊᒍᑎᒃᓴᖅ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥᒃ ᐊᒻᒪᓗ ᐊᐃᑉᐸᖏᒃ ᒪᕐᕉᒃ ᐱᕚᓪᓕᑎᑦᓯᒍᑎᒃᓴᑦ ᐅᑭᐅᖅᑕᖅᑑᑉ ᑎᑎᕐᓂᖓᓂᒃ ᐊᒻᒪᓗ ᐅᓗ ᐊᒥᓱᓄᑦ ᐅᐸᑦᑕᐅᓯᒪᓂᐅᓲᑦ ᐅᓪᓗᐃᑦ ᐱᓱᕋᔮᑦᑐᓄᑦ.
  • ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓴᖅᑭᔮᖅᑎᑕᐅᓚᐅᖅᑐᖅ ᑐᕌᓐᑐ ᐊᓃᕐᓗᓂ ᓱᐃᓛᕿᓂᕐᒧᑦ ᑕᑯᑦᓴᐅᑎᑦᓯᓂᕐᒥ ᕕᕝᕗᐊᓕ 2020-ᒥ. 1000 ᐅᖓᑖᓃᑦᑐᑦ ᐳᓛᕆᐊᓚᐅᖅᑐᑦ ᑲᓇᑕᒥ ᒥᕐᖑᐃᓯᕐᕕᓐᓂᒃ ᓄᓇᕗᒻᒨᖓᔪᓂᒃ ᒪᑐᐃᖓᑎᑕᐅᔪᒥᒃ ᑐᓴᒃᑲᓐᓂᕈᒪᔪᓄᑦ, ᕿᒥᕐᕈᐊᓪᓗᑎᒃ ᐊᔾᔨᓂᒃ, ᐊᒻᒪᓗ ᓇᕆᐊᓕᐊᖑᓯᒪᔪᓂᒃ ᑎᑎᕋᖅᓯᒪᔪᓂᒃ, ᓂᐱᖅᑲᓐᓇᓕᓐᓂᒃ, ᐊᒻᒪᓗ ᓂᐱᑎᑖᓂᒃ ᑕᑯᑦᓴᐅᑎᑦᓯᔪᓂᒃ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥᒃ.
  • ᐱᖓᓱᓂᒃ ᐊᕐᕌᒍᓂᒃ (2017-2019) ᐱᓕᕆᖃᑎᒌᓐᓂᒃᑯᑦ ᑲᑐᔾᔨᓪᓗᑎᒃ ᑲᓇᑕᒥ ᒥᕐᖑᐃᓯᕐᕕᒃ ᐊᒻᒪᓗ Adventure Canada ᐋᖅᑭᓱᐃᓪᓗᑎᒃ ᐊᒻᒪᓗ ᒪᓂᒪᑎᑦᓯᓂᕐᒧᑦ ᐊᔾᔨᐅᖏᑦᑐᒥᒃ, ᓯᓚᕐᔪᐊᒥ ᐱᐅᓂᖅᐹᒥ ᐅᒥᐊᕐᔪᐊᒃᑰᖃᑦᑕᕐᓂᕐᒥᒃ ᐅᔾᔨᓇᖅᑎᑕᐅᔪᒥᒃ ᐅᑭᐅᖅᑕᖅᑐᒥ PCA ᒥᕐᖑᐃᓯᕐᕕᓐᓄᑦ ᐊᒻᒪᓗ ᓄᓇᓂᒃ ᐊᒻᒪᓗ ᑕᑯᑦᓴᐅᑎᑦᓯᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖓᓂᒃ ᐊᐅᓚᑕᐅᓚᐅᖅᑐᑦ. ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐅᒥᐊᕐᔪᐊᒃᑯᑦ ᐳᓚᕋᑎᑕᖅᑎᒧᑦ ᑐᕌᒐᐅᓚᐅᖅᑐᖅ ᒪᕐᕉᓐᓂ ᑖᒃᑯᓇᙵᑦ ᐱᖓᓱᓂᒃ ᐊᕐᕌᒍᓂᒃ, ᐃᓚᒋᔭᐅᓪᓗᓂ 2019.

ᑐᑭᒧᐊᒍᑎᒃᓴᖅ 2: ᑲᑎᖅᓱᐃᓂᖅ ᐊᒻᒪᓗ ᑐᓴᖅᑎᑦᓯᓂᖅ ᖃᐅᔨᒪᓂᐅᔪᓂᒃ ᑲᓱᖅᐸᓪᓕᐊᒍᑎᒃᓴᒧᑦ.

ᑐᕌᒐᖅ 1: ᐊᑐᕐᓂᖅ ᐃᓄᐃᑦ ᖃᐅᔨᒪᓂᖓᓂᒃ ᐊᒻᒪᓗ ᖃᓪᓗᓈᑦ ᖃᐅᔨᓴᖅᑎᕐᔪᐊᖏᓐᓄᑦ ᑎᑎᕋᖅᑕᐅᓯᒪᔪᓂᒃ, ᓇᐅᑦᓯᑐᕐᓂᕐᒧᑦ, ᐃᓕᓐᓂᐊᓂᕐᒧᑦ ᐊᒻᒪᓗ ᐳᓚᕋᑏᑦ ᐊᑐᓚᐅᖅᑕᖏᓐᓂᒃ ᐱᓕᕆᐊᒃᓴᓂᒃ ᒥᕐᖑᐃᓯᕐᕕᒻᒥ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᐆᑦᑐᕋᐅᑎ ᐃᓚᓕᐅᔾᔭᐅᒍᑎᒃᓴᖓᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᒥᕐᖑᐃᓯᕐᕕᒃ ᐊᕙᑖᓄᑦ ᓱᓕᔪᒥᒃ ᓇᐅᑦᓯᖅᑑᑎ ᑲᔪᓯᓂᖓᓂ. ᓇᐃᓈᖅᓯᒪᔪᑦ ᐃᓄᐃᑦ ᖃᐅᔨᒪᔭᑐᖃᖏᑦ ᖃᓄᐃᓐᓂᖓᓂᒃ ᒥᕐᖑᐃᓯᕐᕕᒃ ᐊᕙᑖ ᑐᓴᖅᑎᑦᓯᒍᑕᐅᓚᐅᖅᑐᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᔭᕆᐊᑭᓪᓕᑎᕆᔨᓂᒃ ᑐᓴᖅᑎᑦᓯᓪᓗᑎᒃ ᖃᓄᐃᓕᕐᓂᖓᓂᒃ ᒥᕐᖑᐃᓯᕐᕕᒃ ᖃᐅᔨᓴᖅᑕᐅᓚᐅᖅᑎᓪᓗᒍ 2015-2016. ᖃᓄᐃᓕᕐᓂᖓᓂᒃ ᒥᕐᖑᐃᓯᕐᕕᒃ ᖃᐅᔨᓴᖅᑕᐅᓂᖓ ᐱᐊᓂᒃᑕᐅᓚᐅᖅᑐᖅ ᓴᖅᑭᖅᑕᐅᓪᓗᓂᓗ ᐊᐅᔪᐃᑦᑐᖅ JPMC−ᑯᓐᓄᑦ 2019-ᒥ.
  • ᐱᕙᓪᓕᐊᑎᑕᐅᓂᖏᑦ ᐃᓕᖅᑯᓯᒃᑯᑦ ᐊᑐᖅᑕᐅᕙᑦᑐᑦ ᓇᐅᑦᓯᑐᖅᑕᐅᓂᖓᓄᑦ ᒪᓕᒐᑦᓴᓕᐊᖑᓯᒪᔪᑦ ᐃᑦᑕᕐᓂᓴᖃᕐᕖᓐᓄᑦ ᒪᒃᑕᒃ ᐊᒻᒪᓗ ᐸᓐᓂᖅᑑᖅ ᑲᖏᖅᑐᐊᓗᖏᓐᓂᒃ ᑲᒪᒋᔭᐅᖏᓐᓇᖅᑐᖅ.
  • ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑏᑦ ᓄᐊᑦᓯᓚᐅᖅᑐᑦ ᐃᒥᑦᓯᐊᕙᓐᓂᒃ ᖃᐅᔨᓴᕋᑦᓴᓂᒃ ᑲᑐᔾᔨᖃᑎᖃᖅᑐᑎᒃ ᐊᕙᑎᓕᕆᔨᒃᑯᓐᓂᒃ ᐊᒻᒪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᑲᓇᑕᒥ (ECCC), ᐃᒥᑦᓯᐊᕙᐅᒻᒪᖔᖅ ᓇᐅᑦᓯᑐᖅᑏᑦ ᐊᒻᒪᓗ ᖃᐅᔨᓴᖅᑐᓕᕆᔩᑦ 2019 ᐊᐅᔭᖓᓂ ᐱᓇᓱᐊᕐᓇᐅᓂᖓᓂ. ᐃᒥᑦᓯᐊᕙᐅᒻᒪᖔᖅ ᓇᐅᑦᓯᑐᕐᓂᖅ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ ᑲᑎᖅᓱᐃᒍᑕᐅᕙᑦᑐᖅ ᖃᐅᔨᓴᕈᑎᓂᒃ ᐊᕙᑖ ᖃᓄᐃᒻᒪᖔᖅ, ᓱᕐᕋᐃᑦᑑᓂᖓ ᐆᒪᒍᑎᖏᓐᓄᑦ ᐊᐅᓚᐃᓐᓇᕐᓂᖏᑦ ᑰᖕᓂ ᐊᒻᒪᓗ ᐊᓯᖏᓐᓂ ᐃᒪᕐᓂ, ᐊᒻᒪᓗ ᐊᒃᑐᐃᓯᒪᓂᖏᑦ ᓄᓇᕐᔪᐊᒥ ᐊᐅᓚᑦᓯᓂᐅᕙᑦᑐᑎᒍᑦ ᓱᕈᓐᓇᖅᑐᑖᖃᑦᑕᕐᓂᖏᓐᓂᒃ ᐃᒥᑦᓯᐊᕙᐃᑦ ᐊᕙᑎᖏᑦ ᒥᕐᖑᐃᓯᕐᕕᒻᒥ.
  • ᐃᓚᖓ ᖃᐅᔨᓴᕐᓂᕐᒧᑦ ᐱᔪᓐᓇᐅᑎ ᑐᓂᔭᐅᓚᐅᖅᑐᖅ ᒥᕐᖑᐃᓯᕐᕕᒻᒧᑦ 2019−ᒥ ᑐᑭᓯᓂᐊᖅᑎᓄᑦ ArcticNet 2019 ᐅᒥᐊᕐᔪᐊᒃᑯᑦ ᑲᓇᑕᒥ ᖃᐅᔨᓴᕈᑎ ᓯᑯᓯᐅᑦ CCGS ᐊᒪᓐᑦᓴᓐ. ᖃᐅᔨᓴᕈᑎ ᐅᒥᐊᕐᔪᐊᖅ ᐊᐅᓚᑦᓯᒍᓐᓇᐅᑎᑖᖅᑎᑕᐅᓚᐅᖅᑐᖅ ᒪᒃᑕᒃᒥ, ᑰᕈᓃᓴ, ᐊᒻᒪᓗ ᐅᐊᖕᓈᓂ ᐸᓐᓂᖅᑑᖅ ᑲᖏᖅᑐᖏᓐᓂ. ᑐᕌᒐᓪᓗᐊᑕᖓ ᖃᐅᔨᓴᕐᓂᕐᒧᑦ ᑐᑭᓯᓇᓱᐊᖅᑕᐅᓂᖏᓐᓄᑦ ᐊᓯᔾᔨᐸᓪᓕᐊᔪᑦ ᑕᕆᐅᖅ ᐊᕙᑖᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑭᒡᒍᑕᐅᔪᑦ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ. ᖃᐅᔨᓴᖅᑏᑦ ᑐᓴᕆᐊᕐᕕᖃᓚᐅᖅᑐᑦ ᓄᓇᓖᑦ ᐃᓄᖏᓐᓂᒃ ᕿᑭᖅᑕᕐᔪᐊᒥ ᑐᒃᓯᕋᐅᑎᒧᑦ ᐊᐅᓚᑦᓯᒍᒪᓂᕐᒧᑦ ᐊᒻᒪᓗ ᐃᖅᑲᓇᐃᔭᖅᑎᑖᖅᓱᑎᒃ ᐃᓄᒻᒥᒃ ᐃᑲᔪᖅᑎᐅᓂᐊᖅᑐᒥᒃ ᐸᓐᓂᖅᑑᒥᒃ. ᖃᐅᔨᓴᖅᑏᑦ ᑐᓂᓯᓚᐅᖅᑐᑦ ᓇᓕᖅᑲᖏᓐᓂᒃ ᐱᓕᕆᐊᒥᓄᑦ ᐅᓂᒃᑳᓂᒃ ᕼᐊᒻᓚᓄᑦ ᐊᒻᒪᓗ ᓄᓇᓕᓐᓂ ᐊᖑᓇᓱᑦᑐᓕᕆᔨᒃᑯᓐᓄᑦ ᑕᒪᒃᑮᓐᓂ ᓄᓇᓖᓐᓂ.
  • ᐊᐅᔭᒃᑯᑦ ᐃᓕᓐᓂᐊᖅᑎ ᐃᖅᑲᓇᐃᔭᖅᑎᑕᐅᓚᐅᖅᑐᖅ ᐸᓐᓂᖅᑑᒥ ᐱᖓᓱᓂᒃ−ᑕᖅᑭᓂᒃ ᐱᓕᕆᐊᖃᖅᑎᑕᐅᓪᓗᓂ ᐊᒻᒪᓗ ᐃᓚᒋᔭᐅᕙᑦᑐᓂ ᒥᕐᖑᐃᓯᕐᕕᒻᒥ ᖃᐅᔨᓴᖅᑎᓄᑦ ᐊᒻᒪᓗ ᐱᓕᕆᐊᒃᓴᓄᑦ.
  • ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑏᑦ ᐊᒻᒪᓗ ᓄᓇᓕᓐᓂ ᓄᒃᑕᑎᑦᓯᔩᑦ ᖃᕝᕙᕈᑕᐅᒃᑲᓂᖅᐸᑦᑐᑦ ᐳᓚᕋᑏᑦ ᐳᓛᕆᐊᖅᓯᒪᓂᖏᓐᓄᑦ ᑐᓴᖅᑎᑦᓯᖃᑦᑕᕐᓂᖏᑎᒍᑦ ᖃᐅᔨᒪᓂᕐᒥᓂᒃ ᒥᕐᖑᐃᓯᕐᕕᒻᒥ ᐊᑐᖅᐸᑦᑐᓂᒃ. ᐊᓯᖏᑦ ᓇᖕᒥᓂᖁᑕᐅᔪᑦ (ᐃᓚᒋᔭᐅᓪᓗᑎᒃ Adventure Canada, Arctic Kingdom ᐊᒻᒪᓗ Blackfeather) ᐃᓄᓐᓂᒃ ᐃᖅᑲᓇᐃᔭᖅᑎᑦᓯᖃᑦᑕᖅᑐᑦ ᐃᑲᔪᖅᑎᖃᖅᓱᑎᒃ ᐊᐅᓪᓚᖃᑦᑕᓂᕐᒥᓂ, ᐃᓕᖅᑯᓯᕐᒥᒃ ᖃᐅᔨᒪᔨᑕᕐᓂᒃ ᐅᕝᕙᓘᓐᓃᑦ ᐊᑦᑕᓇᐃᖅᓯᒪᓂᕐᒧᑦ ᐃᑲᔪᖅᑎᓂᒃ. ᑲᓇᑕᒥ ᒥᕐᖑᐃᓯᕐᕕᒃ ᐊᔭᐅᖅᑐᐃᖏᓐᓇᖅᑐᑦ ᐃᓄᓐᓃᙶᙱᑦᑐᓂᒃ ᑲᒻᐸᓂᓂᒃ ᐃᖅᑲᓇᐃᔭᖅᑎᑦᓯᖃᑦᑕᖁᔨᓪᓗᑎᒃ ᓄᓇᓖᑦ ᐃᓄᖏᓐᓂᒃ.

ᑐᕌᒐᖅ 2: ᓴᕐᖓᑎᑦᓯᒋᐊᕈᑎ ᑲᓲᒪᔾᔪᑎᒃᓴᖏᓐᓂᒃ ᒪᒃᑯᑦᑐᑦ ᐃᓄᐃᑦ ᐃᓕᖅᑯᓯᖓᓄᑦ ᐊᑐᖅᓯᒪᔭᖏᓐᓂᓪᓗ ᐊᒻᒪᓗ ᒥᕐᖑᐃᓯᕐᕕᒻᒥ ᓯᕐᒦᑦ ᐊᐅᔪᐃᑦᑐᑦ ᐊᕙᑎᖏᓐᓂᒃ ᑲᖏᖅᑐᓂᓪᓗ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐃᑲᔪᓚᐅᖅᑐᑦ (ᐊᑭᖏᓐᓄᑦ ᐅᒥᐊᒃᑰᖃᑦᑕᕐᓂᐅᔪᓂᒃ) ᓯᑕᒪᐅᔪᖅᑐᓂᒃ ᐃᓄᓐᓂᒃ ᒪᒃᑯᑦᑐᓂᒃ ᕿᑭᖅᑕᕐᔪᐊᒥ ᓄᓇᒥ ᐃᓕᓐᓂᐊᕈᑎᑎᒍᑦ ᓱᐃᓛᕿᒍᑎᒃᓴᓕᕆᔨᒃᑯᑎᒍᑦ (LEAP) ᐱᓱᕋᔮᑦᑎᓯᓪᓗᑎᒃ ᐊᒃᓵᔪᒃ ᐊᖅᑯᑎᖓᒍᑦ ᐊᐅᔭᖓᓂ 2019. ᑐᓴᐅᒪᔾᔪᑎᒃᓴᑦ ᐊᑐᖅᑕᐅᖃᑦᑕᖅᓯᒪᓂᖓᓂᒃ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐅᓂᒃᑳᖑᓚᐅᖅᑐᖅ ᐃᓕᓐᓂᐊᖅᑎᓄᑦ.
  • Xplorer ᒪᒃᑯᑦᑐᓄᑦ ᐅᖃᓕᒫᕋᑦᓴᕋᓛᓕᐊᖑᓚᐅᖅᑐᖅ 2019/2020 ᐊᒻᒪᓗ ᐱᐊᓂᒃᑕᐅᓂᐊᖅᑐᖅ 2020/2021. Xplorer ᐅᖃᓕᒫᕋᑦᓴᕋᓛᓃᖃᑕᐅᓂᐊᖅᑐᑦ ᕿᓂᕐᓂᖅ ᕿᓂᖅᑕᐅᖁᔭᐅᔪᓂᒃ ᑲᓇᑕᒥ ᒥᕐᖑᐃᓯᕐᕕᒻᒥ ᑐᕌᖓᔪᑦ ᐃᓕᓐᓂᐊᑎᑦᓯᒍᑎᓄᑦ ᒪᒃᑯᑦᑐᓂᒃ ᒥᕐᖑᐃᓯᕐᕕᐅᑉ ᐊᕙᑖᑕ ᒥᑦᓵᓄᑦ, ᐃᓕᖅᑯᓯᒃᑯᑦ ᐊᑐᖅᑕᐅᖃᑦᑕᑎᑐᓂᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓂᒃ ᐊᑐᖃᑦᑕᖅᓯᒪᔭᖏᓐᓂᓪᓗ.
  • ᐃᓄᐃᑦ ᐊᑦᓰᓯᒪᓂᖏᑎᒍᑦ ᓄᓇᓂᒃ ᓄᓇᙳᐊᖅ ᓴᖅᑭᔮᖅᑎᑕᐅᔪᖅ ᐊᓪᓚᕝᕕᖏᓐᓂ ᕿᑭᖅᑕᕐᔪᐊᒥ ᐊᒻᒪᓗ ᐸᓐᓂᖅᑑᒥ. ᐱᐊᓂᒃᑕᐅᓚᐅᖅᑐᖅ ᐃᓄᐃᑦ ᐊᑦᓰᓯᒪᓂᖏᑎᒍᑦ ᓄᓇᓂᒃ ᐊᑎᓕᕆᓂᖅ 2018/19, ᐃᓄᒃᑎᑑᖅᑐᑦ ᐊᑎᖏᑦ ᐃᓚᓕᐅᔾᔭᐅᓯᒪᓂᐊᖅᑐᑦ ᑕᒪᐃᓐᓂ ᐊᑐᕋᑦᓴᓕᒫᓂ ᒪᒃᑯᑦᑐᓄᑦ ᓯᕗᓂᑦᑎᓐᓂ, ᐃᓚᒋᔭᐅᓗᑎᒃ Xplorer ᐅᖃᓕᒫᒐᕋᓛᑦ.

ᑐᕌᒐᖅ 3: ᓴᕐᖓᑎᑦᓯᓂᖅ ᑲᓲᒪᔾᔪᑎᓂᒃ ᐊᓯᖏᓐᓄᑦ ᑲᓇᑕᒥᐅᓄᑦ ᐃᓄᐃᑦ ᐃᓕᖅᑯᓯᖓᓄᑦ ᐊᑐᖅᓯᒪᔭᖏᓐᓄᓪᓗ ᒥᕐᖑᐃᓯᕐᕕᒃ ᓯᕐᒥᖏᓐᓄᑦ ᐊᐅᔪᐃᑦᑐᓄᑦ ᓄᓇᖓᓂ ᑲᖏᖅᑐᖏᓐᓂᓪᓗ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᓄᓇᕗᒻᒥ ᕙᐃᔅᐳᒃᖓᓂ ᓴᖅᑭᔮᖅᑎᑕᐅᔪᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᖓᓅᖓᔪᑦ ᑎᑭᐅᑎᓚᐅᖅᑐᑦ 61,107 ᑕᑯᒋᐊᖅᓯᒪᔪᓄᑦ. ᒥᕐᖑᐃᓯᕐᕕᒃ ᓴᖅᑭᔮᖅᑎᑕᐅᓚᐅᕐᒥᔪᖅ 7−ᓂ ᖃᕆᓴᐅᔭᒃᑯᑦ ᐱᑐᑦᓯᒪᒍᑎᓂ ᑎᑎᕋᖅᑕᐅᓯᒪᔪᑦ, ᐃᓚᒋᔭᐅᓪᓗᑎᒃ ᒪᕐᕉᒃ ᐅᓂᒃᑳᓖᒃ ᐃᓄᐃᑦ ᑕᐃᒎᓯᖏᑦ ᓄᓇᐃᑦ ᐊᑎᖏᓐᓂᒃ ᓄᓇᙳᐊᒨᖅᑲᖅᑕᐅᔪᑦ ᓴᖅᑭᐅᒪᑎᑕᐅᓚᐅᖅᑐᑦ ᐃᑭᐊᖅᑭᕕᖓᓂ ParksNet ᐊᒻᒪᓗ ᓄᓇᕗᒻᒥ ᐱᕙᓪᓕᐊᔪᑦ ᐅᑭᐅᖅᑕᖅᑐᒥ.
  • ᐃᓄᐃᑦ ᓄᓇᐃᑦ ᐊᑎᖏᓐᓂᒃ ᓄᓇᙳᐊᒨᖅᑲᐃᓂᕐᒧᑦ ᐅᓂᒃᑳᖅ, ᓴᖅᑭᖅᑕᐅᓯᒪᔪᖅ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐃᑭᐊᖅᑭᕕᖓᓂ, ᑎᑎᕋᖅᑕᐅᓯᒪᓚᐅᖅᑐᖅ ᐃᓘᓐᓇᑎᒃ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᐊᑐᖅᑕᐅᓪᓗᑎᒃ ᐊᒻᒪᓗ ᐃᓄᒃᑎᑐᑦ − ᓯᕗᓪᓕᖅᐹᖑᔪᖅ ᒥᕐᖑᐃᓯᕐᕕᓕᕆᔨᒃᑯᑦ ᐃᑭᐊᖅᑭᕕᖓᓂ Parksnet.
  • ᐊᒃᓵᔪᖅ ᐊᖅᑯᑎ ᓴᖅᑭᔮᖅᑎᑕᐅᓚᐅᖅᑐᖅ ᐃᓚᒋᔭᐅᓪᓗᓂ ᑲᓇᑕᒥ ᓄᓇᑐᖃᐃᑦ ᓄᓇᐃᑦ ᐅᓪᓗᖓᓂ ᐃᓅᖃᑎᒌᓄᑦ ᑐᓴᕈᑎᓂ ᐊᔭᐅᖅᑑᑕᐅᔪᓂᒃ ᓴᖅᑭᔮᖅᑎᑕᐅᓚᐅᖅᑐᖅ ᔪᓚᐃ 2019 ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᓄᓇᕗᒻᒥ ᕙᐃᔅᐳᒃᑯᖓᓂ.
  • 2019-2020-ᒥ, PCA ᐊᖏᕈᑎᓕᐅᓚᐅᖅᑐᖅ ᐃᑲᔫᑎᓄᑦ ᐊᖏᖃᑎᒌᒍᑎᓂᒃ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒧᑦ ᐋᖅᑭᒋᐊᕈᑎᓄᑦ, ᓴᖅᑭᖅᑕᐅᒍᑎᓄᑦ ᐊᒻᒪᓗ ᖃᐅᔨᔭᐅᕙᓪᓕᐊᒍᑎᒃᓴᖏᓐᓄᑦ “ᓂᐱᖏᑦ ᕿᑭᖅᑖᓘᑉ”, ᐅᖃᓕᒫᒐᖅ ᓄᐊᑕᐅᓯᒪᔪᓃᙶᖅᑐᖅ ᐅᓂᒃᑳᖑᖃᑦᑕᖅᓯᒪᔪᓂᒃ ᐅᓂᒃᑳᖅᓯᐅᖅᑕᐅᑎᓪᓗᒋᑦ ᐃᓄᐃᑦ ᐸᓐᓂᖅᑑᒥᐅᑦ ᕿᑭᖅᑕᕐᔪᐊᒥᓗ. ᐅᖃᓕᒫᒐᖅ ᐱᐊᓂᒃᑕᐅᓂᐊᖅᑐᖅ 2020-2021.
  • ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐊᔾᔨᓕᐅᒐᕐᓂᒃ ᐅᔾᔨᓇᖅᑐᓂᒃ ᑲᑎᖅᓱᐃᕕᒃ ᓴᖅᑭᔮᖅᑎᑦᓯᒍᑕᐅᔪᖅ ᐊᔾᔨᓂᒃ ᐊᒻᒪᓗ ᓇᓗᓇᐃᕈᑎᓂᒃ ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑎᖏᓐᓃᙶᖅᑐᓂᒃ ᓴᖅᑭᖅᑕᐅᓚᐅᖅᑐᖅ ᐊᑐᖅᑕᐅᒍᓐᓇᖅᑎᑕᐅᓪᓗᓂ ᖃᐅᔨᒋᐊᕐᕕᒃᓴᓂ ᐱᓕᕆᐊᓄᑦ ᓯᓚᑖᓃᙶᖅᑐᓂᒃ ᑕᑯᓂᐊᖃᑦᑕᖅᑐᓂᒃ.

ᑐᕌᒐᖅ 4: ᐱᓇᓱᐊᖃᑎᖃᕐᓂᖅ ᓄᓇᓖᓐᓂᒃ ᐸᓐᓂᖅᑑᖅ ᐊᒻᒪᓗ ᕿᑭᖅᑕᕐᔪᐊᖅ ᐊᐅᓚᑦᓯᒍᑎᒃᓴᓂᒃ ᐃᓱᒫᓘᑕᐅᒐᔪᑦᑐᑦ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᐊᕐᕌᒍᑕᒫᑦ ᑐᓴᖅᑎᑦᓯᒍᑕᐅᕙᑦᑐᑦ ᐱᕙᓪᓕᐊᓂᖏᓐᓂᒃ ᒥᕐᖑᐃᓯᕐᕕᓕᕆᓂᕐᒧᑦ ᑐᓂᐅᖅᑲᖅᑕᐅᖃᑦᑕᖅᑐᑦ ᓄᓇᓖᓐᓄᑦ ᐸᓐᓂᖅᑑᒧᑦ ᕿᑭᖅᑕᕐᔪᐊᒧᓪᓗ ᑐᓴᖅᑎᑦᓯᒍᑕᐅᓪᓗᓂ ᐊᐅᔪᐃᑦᑐᖅ JPMC−ᑯᓐᓂᒃ ᐊᕐᕌᒍᑕᒫᖅᓯᐅᑎᒥᓂ ᑲᑎᒪᓂᕐᓂ ᒪᑐᐃᖓᖃᑦᑕᖅᑐᓂ ᑭᒃᑯᑐᐃᓐᓇᕐᓄᑦ. 2019-20−ᒥ, ᐊᐅᔪᐃᑦᑐᖅ JPMC ᒪᕐᕈᐃᖅᓱᑎᒃ ᑲᑎᙵᓪᓗᑎᒃ ᑲᑎᒪᓚᐅᖅᑐᑦ (ᔫᓂ 18-19, 2019 ᐊᒻᒪᓗ ᓯᑉᑎᒻᐱᕆ 24-25, 2019) ᐊᒻᒪᓗ ᓯᑕᒪᐃᖅᓱᖅᑐᑎᒃ ᐅᖄᓚᐅᑎᒃᑯᑦ ᑲᑎᒪᓪᓗᑎᒃ (ᒪᐃ 8, ᐆᑦᑑᑉᐱᕆ 29, ᑏᓰᒻᐱᕆ 10, 2019 ᐊᒻᒪᓗ ᔭᓐᓄᐊᓕ 28, 2020).
  • ᒥᕐᖑᐃᓯᕐᕕᓕᕆᔨᒃᑯᓐᓂ ᐃᖅᑲᓇᐃᔭᖅᑏᑦ ᖃᐅᔨᒋᐊᕐᕕᖃᓚᐅᖅᑐᑦ ᓄᓇᓕᓐᓂ ᐊᖑᓇᓱᑦᑐᓕᕆᔨᒃᑯᓐᓂᒃ ᕿᑭᖅᑕᕐᔪᐊᒥ ᐊᒻᒪᓗ ᐸᓐᓂᖅᑑᒥ ᓂᕐᔪᑎᓕᕆᓂᕐᒨᖔᔪᓂᒃ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ ᐊᒻᒪᓗ ᖃᐅᔨᒃᑲᐃᖃᑦᑕᖁᓪᓗᒋᑦ ᐊᓯᒥᓂᒃ ᓂᕐᔪᑎᓐᓂᐊᓂᕐᒧᑦ ᒪᑐᒐᐃᑉᐸᑕ ᒥᕐᖑᐃᓯᕐᕕᒻᒥ.
  • ᐊᑦᓯᓈᖃᑦᑕᖅᑐᑦ ᖃᖓᑕᔫᑦ ᒥᕐᖑᐃᓯᕐᕕᒻᒥ ᐃᓱᒫᓘᑕᐅᖏᓐᓇᖅᑐᑦ. ᐊᑦᓯᓈᖅᑐᖃᓚᐅᖅᑎᓪᓗᒍ ᖃᖓᑕᔫᒥᒃ ᐊᒻᒪᓗ ᒥᑦᑐᖃᓚᐅᖅᑎᓪᓗᒍ ᒥᕐᖑᐃᓯᕐᕕᒻᒧᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓂᒃ (DND) ᐊᕐᕌᒍᑦᑎᓐᓂ, ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᖃᑎᖃᖃᑦᑕᖅᓯᒪᓕᖅᑐᑦ DND−ᑯᓐᓂᒃ ᐋᖅᑭᒋᐊᕈᑎᒃᓴᒥᒃ ᖃᐅᔨᒃᑲᐃᖃᑦᑕᓂᕐᒥᒃ ᐊᒻᒪᓗ ᐱᕕᖃᑦᓯᐊᖅᑎᑦᓯᓗᑎᒃ ᐱᔪᓐᓇᐅᑎᓂᒃ ᑐᒃᓯᕋᖃᑦᑕᓂᕐᒧᑦ ᐃᑯᓪᓚᐅᒥᓯᒪᒍᑕᐅᒍᓐᓇᕐᓂᖓᓂᒃ ᐳᓚᕋᑎᐅᓇᔭᖅᑐᓂᒃ, ᐊᖑᓇᓱᑦᑎᒥᒃ, ᐊᒻᒪᓗ/ᐅᕝᕙᓘᓐᓃᑦ ᐊᕙᑎᒧᑦ ᐊᒃᑐᐃᓯᒪᓂᕆᖃᑦᑕᖅᑕᖏᓐᓄᑦ.

ᓄᓇ 1: ᐊᒃᓵᔪᒃ ᐊᖅᑯᑖ

ᑐᕌᒐᖅ 1: ᐊᑐᐃᓐᓇᐅᑎᑕᐅᓂᖅᓴᐅᖁᓪᓗᒋᑦ ᓱᓇᑐᐃᓐᓇᐃᑦ ᐊᒻᒪᓗ ᐱᓕᕆᐊᒃᓴᑦ ᐳᓚᕋᑎᓄᑦ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑏᑦ ᐸᓐᓂᖅᑑᒥ ᐃᑲᔪᖃᑦᑕᖅᑐᑦ ᖃᐅᔨᔭᐅᕙᓪᓕᐊᒍᑎᒃᓴᓂᒃ ᐋᖅᑭᐅᒪᒍᑎᒃᓴᓂᓪᓗ ᐅᐱᕐᖔᒃᑯᑦ ᐊᐅᔭᒃᑯᓪᓗ ᐅᓪᓗᐃᓐᓈᕆᐊᖅᑐᖃᑦᑕᖅᑐᓂᒃ ᐳᓚᕋᑎᓂᒃ ᐸᓐᓂᖅᑑᒥ. ᑖᒃᑯᐊ ᐊᐅᓪᓚᖃᑦᑕᕐᓂᐅᔪᑦ ᓴᖅᑭᐅᒪᑎᑕᐅᔪᑦ ᐱᔪᒐᖅᓴᐅᑎᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐃᑭᐊᖅᑭᕕᖓᓂ ᐊᒻᒪᓗ ᑕᑯᑦᓴᐅᑎᑕᐅᓪᓗᑎᒃ ᐊᑭᓐᓇᕐᒨᒐᕐᓂ ᐸᓐᓂᖅᑑᒥ, ᕿᑭᖅᑕᕐᔪᐊᒥ, ᐊᒻᒪᓗ ᐃᖃᓗᓐᓂ ᖃᖓᑕᓲᒃᑯᕕᖏᓐᓂ. ᐃᓚᖓᑦ ᑖᒃᑯᐊ ᐊᐅᓚᖅᓯᒪᓃᑦ ᐅᑭᐅᖅᑕᖅᑑᑉ ᑎᑎᕐᓂᖓᓂ ᖃᒧᑕᐅᔭᒃᑯᑦ ᐊᐅᓪᓚᐅᔾᔭᐅᓯᒪᓂᕐᒥᒃ ᓄᓇᓕᓐᓂ ᓄᒃᑕᑎᑦᓯᔨᒧᑦ ᐊᒻᒪᓗ ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑎᒧᑦ ᑭᓯᐊᓂᓕ ᒪᓂᒪᑎᑕᐅᒍᓐᓇᓚᐅᙱᑦᑐᖅ 2019-ᒥ ᐊᐳᑎᖃᙱᓗᐊᕐᓂᖓᓄᑦ. ᐊᐃᑉᐹᓂ ᐊᐅᓪᓚᖃᑦᑕᓂᕐᒧᑦ ᒪᓂᒪᑎᑕᐅᔪᖅ ᐊᐅᔭᒃᑯᑦ ᐅᓗ ᐅᐸᑦᑕᐅᖃᑦᑕᖅᓱᓂ ᐅᓂᒃᑳᕆᔭᐅᓪᓗᓂ ᐱᓱᕋᔮᓐᓂᒃᑯᑦ ᐊᐅᓚᑕᐅᖃᑦᑕᖅᑐᖅ ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑎᓄᑦ.
  • ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐊᓪᓚᕝᕕᖏᑦ ᕿᑭᖅᑕᕐᔪᐊᒥ ᐸᓐᓂᖅᑑᒥᓗ ᒪᓂᒪᑎᑦᓯᔪᑦ ᐊᔾᔨᒌᙱᑦᑐᓂᒃ ᐊᐅᔪᐃᑦᑐᒨᖓᔪᓂᒃ ᓂᐅᕕᐊᑦᓴᓂᒃ ᑖᒃᑯᑎᒎᓇᕋᑕᐅᔪᖅ ᑲᓇᑕᒥ ᒥᕐᖑᐃᓯᕐᕕᒻᒥ ᐊᑎᓕᐅᖅᑕᐅᓯᒪᔪᑦ ᐃᓚᒋᔭᐅᓪᓗᑎᒃ ᑎᖅᑭᐊᓖᑦ, ᐅᕕᓂᕈᐃᑦ, ᖁᖓᓯᕈᐃᑦ, ᐃᕐᖑᓰᑦ, ᐊᒻᒪᓗ ᑮᖃᐅᑏᑦ.
  • ᐳᓚᕋᑏᑦ ᒪᓂᒪᑎᑦᓯᕕᐅᕙᑦᑐᑦ ᐊᑕᐅᓯᕐᒥᒃ ᑕᓪᓕᒪᓄᑦ ᐅᓪᓗᓄᑦ ᐊᖅᑯᑎᖓᒎᖅᑎᑕᐅᓂᕐᒧᑦ ᐊᒃᓵᔪᖅ ᐊᖅᑯᑖᒍᑦ ᐱᓱᒍᒪᙱᑉᐸᑕ ᐊᒃᓵᔪᒃ ᐊᖅᑯᑎᓕᒫᖓᒍᑦ.
  • ᐊᑭᓐᓇᖏᓐᓅᖅᑕᐅᓯᒪᔪᑦ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᓴᖅᑭᔮᖅᑎᑕᐅᔪᑦ ᐃᖃᓗᓐᓂ, ᕿᑭᖅᑕᕐᔪᐊᖅ ᐊᒻᒪᓗ ᐸᓐᓂᖅᑑᒥ ᖃᖓᑕᓲᒃᑯᕕᖏᓐᓂ.

ᑐᕌᒐᖅ 2: ᐋᖅᑭᐅᒪᑦᓯᓂᕐᒧᑦ ᐃᓐᓂᕆᓚᐅᖅᑕᖓᓄᑦ ᐅᑎᖅᑎᑕᐅᓂᖓ ᐊᕙᑎ ᐸᖅᑭᔭᐅᑦᓯᐊᕐᓂᖓᓄᑦ, ᓴᐳᔾᔭᐅᓯᒪᓗᑎᒃ ᐃᓕᖅᑯᓯᒃᑯᑦ ᐊᑐᖅᑕᐅᖃᑦᑕᖅᑐᑦ ᐊᒻᒪᓗ ᐃᑉᐱᒋᔭᐅᑦᓯᐊᕐᓗᓂ ᐃᓄᐃᑦ ᐃᓕᖅᑯᓯᖓ ᐊᖑᓇᓲᓯᖓᓗ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᐊᕙᑎ ᐸᖅᑭᔭᐅᑦᓯᐊᕐᓂᖓᓄᑦ ᓇᐅᑦᓯᑐᖅᑕᐅᓂᖓ ᐊᐅᔪᐃᑦᑐᖅ ᐊᒻᒪᓗ ᓇᑎᕐᓇᖅ ᐊᕙᑖ ᐊᐅᓚᓂᖃᖃᑦᑕᖅᑐᖅ ᐊᕐᕌᒍᑕᒫᑦ ᐊᒃᓵᔪᖅ ᐊᖅᑯᑖᓂ ᐊᒻᒪᓗ ᐱᐊᓂ ᓯᕐᒥᒃ ᐊᐅᔪᐃᑦᑐᖅ. ᓇᑎᕐᓇᒥᒃ ᓇᐅᑦᓯᑐᕐᓂᐅᕙᑦᑐᖅ ᐱᐊᓂᒃᑕᐅᓚᐅᖅᑐᑦ ᔪᓚᐃ 29-ᐊᐅᒡᒍᓯ 4, 2019 ᐊᑯᓐᓂᖓᓂ. ᐊᐅᔪᐃᑦᑐᑦ ᓯᕐᒦᑦ ᓇᐅᑦᓯᑐᖅᑕᐅᓂᖏᑦ ᓄᖅᑲᖅᑎᑕᐅᒋᐊᖃᓚᐅᖅᑐᑦ ᐱᔾᔪᑕᐅᓪᓗᑎᒃ ᓯᓚᕈᔪᒃ, ᖁᓛᒎᓖᑦ ᐊᑐᐃᓐᓇᐅᖏᓐᓂᖏᑦ ᐊᒻᒪᓗ ᐊᐅᔪᐃᑦᑐᖅ/ᓯᕐᒥᖅ ᐊᑦᑕᓇᕐᓂᖓᓄᑦ ᒥᐊᓂᖅᓯᔩᑦ ᓈᖕᒪᓈᖅᓯᒪᓚᐅᙱᓐᓂᖏᓐᓄᑦ ᐸᕐᓇᓯᒪᔭᖏᓐᓄᑦ.
  • ᒥᕐᖑᐃᓯᕐᕕᒻᒥ ᐃᖅᑲᓇᐃᔭᖅᑏᑦ ᑎᑎᕋᖃᑦᑕᖅᑐᑦ ᑕᑯᔭᒥᓂᒃ ᐊᖅᑯᑏᑦ ᖃᓄᐃᒻᒪᖔᑕ ᐊᒻᒪᓗ ᐃᓕᖅᑮᓪᓕᕙᓪᓕᐊᓂᖓ ᓄᓇᖓᑕ ᐊᒃᓵᔪᖅ ᐊᖅᑯᑎᖓᓂ. ᐃᓕᖅᑮᓪᓕᒍᑕᐅᓗᐊᕐᓂᖅᐹᖑᓯᒪᒋᐊᖓ ᖃᐅᔨᔭᐅᓚᐅᖅᑐᖅ ᓄᓇ ᐊᐅᓚᓂᕆᓲᖓᓂᒃ, ᐱᓗᐊᖅᑐᒥ ᖄᒥᖃᑦᑕᕐᓂᖓᓂᒃ, ᐱᓱᕋᔮᕝᕕᐅᓗᐊᖃᑦᑕᒪᐅᙱᑦᑐᖅ.
  • ᑐᓴᐅᒪᔾᔪᑎᒃᓴᑦ ᒥᕐᖑᐃᓯᕐᕕᒃ ᐊᕙᑖᓂᒃ, ᐊᕙᑎ ᐅᐱᒋᔭᐅᓂᖓᓂᒃ, ᐊᒻᒪᓗ ᐱᖕᒪᕆᐅᓂᖓᓂᒃ ᐃᓕᖅᑯᓯᒃᑯᑦ ᐊᑐᖅᑕᐅᖃᑦᑕᓲᖅ ᐊᒃᓵᔪᖅ ᐊᖅᑯᑎ ᐊᒻᒪᓗ ᐅᐊᖕᓈᓃᑦᑐᖅ ᐸᓐᓂᖅᑑᖅ ᑲᖏᖅᑐᖓᓂ ᑐᓂᔭᐅᖃᑦᑕᖅᑐᑦ ᐳᓚᕋᑎᓄᑦ ᑐᓴᐅᒪᔾᔪᑎᒃᓴᓕᐊᖑᓯᒪᔪᓂ ᐊᒻᒪᓗ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐃᑭᐊᖅᑭᕕᖓᓂ.

ᓄᓇ 2: ᑰᕈᓃᓴᓐ ᑲᖏᖅᑐᖓᓂᒃ ᑎᑭᓪᓗᒍ ᓇᕐᐸᐃᖕ ᑲᖏᖅᑐᖓᑕ ᕿᕐᖑᐊᓄᑦ

ᑐᕌᒐᖅ 1: ᐊᑐᐃᓐᓇᐅᒋᐊᒃᑲᓐᓂᖁᓪᓗᒋᑦ ᓂᐅᕕᐊᒃᓴᑦ ᐱᓕᕆᐊᒃᓴᓪᓗ ᐳᓚᕋᑎᓄᑦ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᖃᐅᔨᒃᑲᐃᔾᔪᑕᐅᓚᐅᖅᑐᖅ ᐊᐅᔪᐃᑦᑐᖅ JPMC−ᓂᒃ, ᕿᑭᖅᑕᕐᔪᐊᒥ ᓄᒃᑕᑎᑦᓯᔨ ᑲᖏᖅᑑᓐᓅᕈᔾᔨᒍᓐᓇᖅᑎᑕᐅᓚᐅᖅᑐᖅ ᐳᓚᕋᑎᓂᒃ ᑰᕈᓃᓴ ᑲᖏᖅᑐᒧᑦ ᐊᒻᒪᓗ ᓇᕐᐸᐃᖕ ᑲᖏᖅᑐᒧᑦ; ᑭᓯᐊᓂᓕ, ᑐᒃᓯᕋᐅᑎᓃᖃᑕᐅᓚᐅᖅᑐᖅ ᓇᓄᐃᑦ ᓯᑎᖓᓂᒃ ᑕᑯᓂᐊᕈᒪᓂᕐᒧᑦ ᐊᖏᖅᑕᐅᓚᐅᙱᑦᑐᖅ ᒪᓕᓪᓗᒋᑦ ᐅᖃᐅᔾᔨᒋᐊᕈᑕᐅᓚᐅᖅᑐᑦ JPMC−ᑯᓐᓂᒃ.

ᑐᕌᒐᖅ 2: ᐋᖅᑭᐅᒪᑦᓯᓂᕐᒧᑦ ᐊᒻᒪᓗ ᐃᓐᓂᕆᓚᐅᖅᑕᖓᓄᑦ ᐅᑎᖅᑎᑕᐅᓂᖓ ᐊᕙᑎ ᐸᖅᑭᔭᐅᑦᓯᐊᕐᓂᖓᓄᑦ, ᓴᐳᔾᔭᐅᓯᒪᓗᑎᒃ ᐃᓕᖅᑯᓯᒃᑯᑦ ᐊᑐᖅᑕᐅᖃᑦᑕᖅᑐᑦ ᐊᒻᒪᓗ ᐃᑉᐱᒋᔭᐅᑦᓯᐊᕐᓗᓂ ᐃᓄᐃᑦ ᐃᓕᖅᑯᓯᖓ ᐊᖑᓇᓲᓯᖓᓗ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᑭᒡᓕᓕᐅᖅᑕᐅᓯᒪᓕᖅᑐᖅ ᐃᑲᔫᑎᒃᓴᒥᒃ ᐊᖑᓇᓱᓐᓂᕐᒧᑦ ᐊᒻᒪᓗ ᐱᖕᒪᕆᐅᔪᖁᑎᒋᔭᐅᔪᓄᑦ ᐃᓄᓐᓄᑦ ᐊᑐᖅᑕᐅᔭᕆᐊᖃᕐᓂᖓᒍᑦ IIBA-ᑯᑦ ᐱᖕᒪᕆᐅᓂᖏᓐᓄᑦ ᐃᓄᓐᓄᑦ ᓄᓂᕙᒋᐊᕐᕕᐅᖃᑦᑕᕐᒪᑦ ᐊᒻᒪᓗ ᑑᒑᓕᓐᓂᒃ ᕿᓚᓗᒐᕐᓂᐊᕐᕕᐅᖃᑦᑕᕐᒪᑦ. ᑖᒃᑯᐊ ᑭᒡᓕᓕᐊᖑᓯᒪᔪᑦ ᑐᓴᖅᑎᑦᓯᒍᑕᐅᖃᑦᑕᖅᑐᑦ ᐊᕐᕌᒍᑕᒫᑦ ᐱᓕᕆᓐᓇᐅᓂᖓᓂ ᒪᑐᔭᐅᖃᑦᑕᕐᓂᖏᑦ ᐊᖓᔪᖅᑳᕐᔪᐊᖅ ᑎᓕᓯᔾᔪᑎᖏᑎᒍᑦ ᐃᑉᐱᒋᔭᐅᑦᓯᐊᕆᐊᖃᕐᓂᖏᓐᓄᑦ ᐃᓄᐃᑦ ᐱᔪᓐᓇᐅᑎᖏᑦ ᑲᔪᓯᒍᑎᒃᓴᖓᓄᑦ ᓄᓂᕙᒋᐊᖃᑦᑕᕐᓂᖓ ᐊᒻᒪᓗ ᑐᒑᓕᓐᓂ ᕿᓚᓗᒐᕐᓂᐊᖃᑦᑕᕐᓂᖓ. ᐊᖓᔪᖅᑳᕐᔪᐊᖅ ᑎᓕᓯᔾᔪᑎᖏᑦ ᑐᓴᖅᑎᑦᓯᒍᑕᐅᖃᑦᑕᖅᑐᑦ ᐳᓚᕋᑏᑦ ᑐᓴᐅᒪᔾᔪᑎᒃᓴᖏᑎᖑᑦ, ᐳᓚᕋᑏᑦ ᑐᑭᓯᑎᑕᐅᒋᐊᕈᑎᖏᓐᓂ, ᒥᕐᖑᐃᓯᕐᕖᑦ ᐊᓪᓚᕝᕕᖏᓐᓂ ᕿᑭᖅᑕᕐᔪᐊᒥ ᐸᓐᓂᖅᑑᒥᓗ, ᒥᕐᖑᐃᓯᕐᕕᒻᒥ ᑐᐊᕕᕐᓇᖅᑐᓄᑦ ᐅᖅᑯᐃᕖᑦ, ᐊᒻᒪᓗ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᒃ ᐃᑭᐊᖅᑭᕕᖓᓂ.

ᓄᓇ 3: ᐅᑯᐊ ᑲᖏᖅᑐᒥᒃ ᑲᕕᑐᕇᓴᓐ ᑲᖏᖅᑐᐊᓄᑦ

ᑐᕌᒐᖅ 1: ᐊᑐᐃᓐᓇᐅᓂᖅᓴᐅᖁᓪᓗᒋᑦ ᓂᐅᕕᐊᒃᓴᑦ ᐱᓕᕆᐊᒃᓴᓪᓗ ᐳᓚᕋᑎᓄᑦ

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᐃᓕᖅᑯᓯᒃᑯᑦ ᐊᑐᖅᑕᐅᖃᑦᑕᖅᑐᓂᒃ ᐊᐅᓚᑦᓯᔩᑦ (CRM) ᐊᒻᒪᓗ ᐳᓚᕋᑏᑦ ᐅᖃᐅᓯᒃᓴᖏᓐᓄᑦ (VE) ᐃᖅᑲᓇᐃᔭᖅᑏᑦ ᐊᐅᓚᑦᓯᓚᐅᖅᑐᑦ ᓄᓇᓂᒃ ᖃᐅᔨᓴᕐᓂᕐᓂᒃ ᐳᓚᕋᑎᑕᖅᑐᓂᒃ ᐅᒥᐊᕐᔪᐊᓄᑦ ᓄᖅᑲᑕᕕᒃᓴᐅᔪᓐᓇᕋᔭᖅᑐᓂᒃ ᐱᓕᕆᖃᑎᖃᕐᓗᑎᒃ CRM ᐱᓕᕆᕕᒋᔭᐅᔪᒥ 2018−ᒥ ᐱᓕᕆᓐᓇᐅᑎᓪᓗᒍ ᐅᐊᖕᓈᓂ ᐸᓐᓂᖅᑑᖅ ᑲᖏᖅᑐᐊᓗᐊᓂ, ᒪᒃᑖᖅ ᑲᖏᖅᑐᖓᓂ, ᐊᒻᒪᓗ ᑰᕈᓃᓴᓐ ᑲᖏᖅᑐᒥ. VE ᐅᓂᒃᑳᓚᐅᖅᑐᑦ ᑖᒃᑯᓂᖓ ᐊᑐᖅᑕᐅᒍᓐᓇᖃᑦᑕᕋᔭᑐᓂᒃ ᐅᒥᐊᕐᔪᐊᓄᑦ ᐳᓚᕋᑎᑕᖅᑎᓄᑦ ᓄᖅᑲᖃᑦᑕᕕᒃᓴᐅᔪᓐᓇᕋᔭᖅᑐᑦ ᓄᓇᑦ ᐊᐅᔪᐃᑦᑐᖅ JPMC−ᖏᓐᓄᑦ 2019-2020 ᖃᐅᔨᒋᐊᕐᕕᖃᖅᓱᑎᒃ ᖃᓄᐃᓕᖓᖁᔨᒻᒪᖔᑕᓕ. ᐊᐅᔪᐃᑦᑐᖅ JPMC ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᑐᓴᕆᐊᕐᕕᖃᖁᔨᓯᒪᔪᖅ ᓄᓇᓖᓐᓂᒃ ᕿᑭᖅᑕᕐᔪᐊᖅ ᐊᒻᒪᓗ ᐸᓐᓂᖅᑑᖅ ᖃᐅᔨᓇᓱᐊᕐᓗᑎᒃ ᓄᓇᓖᑦ ᐃᓄᖏᑦ ᐃᑲᔪᖅᓱᐃᒻᒪᖔᑕ ᑖᒃᑯᓂᖓ ᐅᒥᐊᕐᔪᐊᓄᑦ ᐳᓚᕋᑎᑕᖅᑎᓄᑦ ᓄᖅᑲᕐᕕᐅᔪᓐᓇᖃᑦᑕᕋᔭᖅᑐᓂ ᓄᓇᓂ.

ᑐᕌᒐᖅ 2: ᑲᒪᒋᔭᐅᑦᓯᐊᖁᓪᓗᒋᑦ ᐃᓕᖅᑯᓯᕆᒋᐊᓕᖏᓐᓄᓪᓗ ᐊᐅᓚᓂᐊᖃᐃ ᓇᖁᓪᓗᒋᑦ ᐊᕙᑎᑦᑎᓐᓃᑦᑐᑦ ᓯᓚᑐᐃᓐᓇᕐᒥ, ᓴᐳᑎᔭᐅᖁᓪᓗᒋᓪᓗ ᐊᑐᕐᑕᐅᕙᑦᑐᑦ ᐃᓕᖅᑯᓯᐅᑉ ᐃᓗᐊᓂ ᐅᐱᒋᔭᐅᖁᓪᓗᒋᓪᓗ ᐃᓄᐃᑦ ᐃᓕᖅᑯᓯᖓ ᐊᖑᓇᓱᒍᓯᖏᓪᓗ.

ᐱᕙᓪᓕᐊᓯᒪᓂᐅᔪᑦ/ᐅᔾᔨᕐᓇᓗᐊᕐᓂᖏᑦ
  • ᖃᐅᔨᒋᐊᕐᕕᐅᓚᐅᖅᑐᑦ ᐊᐅᔪᐃᑦᑐᕐᒥ ᐸᕐᓇᐃᔨᐅᖃᑕᐅᔪᑦ ᐊᐅᓚᑦᓯᔨᐅᖃᑕᐅᓂᕐᒧᑦ ᑲᑎᒪᔨᕋᓛᖏᑦ ᐊᐅᓚᐅᑎᓖᑦ ᐊᑐᕐᑕᐅᔭᕆᐊᖃᕐᒪᖔᑕ ᐊᑐᕐᑕᐅᔭᕆᐊᖃᓐᖏᒻᒪᖔᑕᓘᓐᓂᑦ ᐅᐊᓐᓇᖔᖓᓂ ᒥᕐᖑᐃᕐᓯᕐᕕᐅᑉ, ᐱᓗᐊᖅᑐᒥᑦ ᐹᖓᓂ ᓇᓪᓗᑦᓯᐊᑉ ᑲᖏᕐᑐᖓᑕ.

ᐃᓱᓕᒍᑏᑦ − ᑭᖑᓪᓕᕐᒥ ᐊᓪᓗᕆᐊᕈᑎᐅᓂᐊᖅᑐᑦ

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᐊᐅᔪᐃᑦᑐᕐᒥ ᐸᕐᓇᐃᔨᐅᖃᑕᐅᔪᑦ ᐊᐅᓚᑦᓯᔨᐅᖃᑕᐅᓂᕐᒧᑦ ᑲᑎᒪᔨᕋᓛᖏᑦ ᓂᕆᐅᓐᓂᖃᑦᓯᐊᖅᐳᑦ ᐊᕐᕌᒍᓂᐊᖅᑐᖅ ᓱᓕ ᑲᔪᓯᑦᓯᐊᕐᓂᐊᕐᓂᖓᓂᑦ. ᐸᕐᓇᒍᑏᑦ 2020-21−ᒧᑦ ᐋᖅᑭᒋᐊᖅᑕᐅᕙᓪᓕᐊᖏᓐᓇᖅᑐᖅ ᐊᓯᔾᔨᖅᑎᑦᓯᕙᓪᓕᐊᓂᖓ ᐱᓪᓗᒍ ᓄᕙᕐᔪᐊᕐᓇᖅ−19 ᓯᓚᕐᔪᐊᕐᒥ ᓯᐊᒻᒪᖅᓯᒪᓂᖓᓄᑦ. ᓇᓗᓇᐃᔭᖅᓯᒪᔪᑦ ᐱᓕᕆᐊᖑᒍᒪᔪᑦ ᐊᕐᕌᒍᕆᓂᐊᖅᑕᑎᓐᓂ ᐱᖃᓯᐅᔾᔨᕗᑦ ᐅᑯᓂᖓ:

  • ᕿᒥᕐᕈᓗᒋᑦ 2010−ᒥ ᐊᐅᔪᐃᑦᑑᑉ ᑲᓇᑕᒥ ᒥᕐᖑᐃᕐᓯᕐᕕᓕᕆᔩᑦ ᐊᐅᓚᑕᐅᓂᖓᓄᑦ ᐸᕐᓇᒍᑎᐅᓚᐅᕐᓯᒪᔪᑦ ᐊᒻᒪᓗ ᓄᑖᑦ ᓴᖅᑭᖅᑕᐅᓯᒪᔪᑦ ᐊᐅᔪᐃᑦᑑᑉ ᒥᕐᖑᐃᕐᓯᕐᕕᓕᕆᓂᕐᒧᑦ ᐸᕐᓇᒍᑎᐅᔪᑦ ᐱᓕᕆᖃᑎᒌᓄᑦ. ᐊᐅᔪᐃᑦᑑᑉ ᒥᕐᖑᐃᕐᓯᕐᕕᓕᕆᓂᕐᒧᑦ ᐸᕐᓇᒍᑎᐅᔪᓂᑦ ᐱᓕᕆᖃᑎᒌᑦ ᓱᓕ ᑲᔪᓯᑎᑦᓯᓯᒪᓂᐊᖅᑐᑦ ᐊᐅᓚᑦᓯᓂᕐᒧᑦ ᐸᕐᓇᑕᐅᕙᓪᓕᐊᔪᑦ ᐃᖏᕐᕋᓂᖏᑦ ᒪᓕᓪᓗᒍ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔪᕈᑎᑦᓴᐃᑦ ᐊᖏᖃᑎᒌᒍᑕᐅᓯᒪᔪᑦ.
  • ᓴᖅᑭᖅᑎᑕᐅᖁᓪᓗᒋᑦ ᑐᑭᓯᒍᑏᑦ ᐃᓕᓐᓂᐊᕈᑎᑦᓴᐃᓪᓗ ᐊᒻᒪᓗ ᐱᓕᕆᐊᑦ ᒥᕐᖑᐃᕐᓯᕐᕕᓕᕆᓂᕐᒥ, ᐊᕙᑖᓃᑦᑐᑦ, ᐊᒻᒪᓗ ᐃᓄᐃᑦ ᐃᓕᖅᑯᓯᖓ ᑲᑐᔾᔨᖃᑎᒋᓗᒋᑦ ᐳᓚᕋᑏᑦ ᐊᒻᒪᓗ ᓄᓇᓖᑦ ᖃᐅᔨᒪᓂᕐᒥᑦ ᑎᒍᒥᐊᖅᑏᑦ. ᐃᓄᑦᑎᑐᑦ ᓄᓇᐃᑦ ᐊᑎᖏᑦ ᐊᑐᕐᑕᐅᓂᐊᕐᒥᔪᑦ ᓴᓇᔭᐅᔪᓂ.
  • ᐊᒥᓱᓕᐊᕆᓗᒋᑦ (1000−ᖑᓗᑎᒃ ᐊᔾᔨᖏᑦ) ᑐᓂᐅᖅᑲᕐᓗᒋᓪᓗ ᑭᖑᓪᓕᐹᖅᓯᐅᑏᑦ “ᐅᓂᑳᖅᑕᐅᓯᒪᔪᑦ ᕿᑭᖅᑖᓗᒻᒥᑦ” ᐃᓄᐃᑦ ᐅᖃᐅᓯᒃᑯᑦ ᐅᓂᒃᑳᖅᑐᐊᖏᑦ ᐅᖃᓕᒫᒐᓕᐊᖑᓗᑎᒃ ᐸᓐᓂᖅᑑᒥᑦ ᕿᑭᖅᑕᕐᔪᐊᒥᓪᓗ. ᐅᓂᒃᑳᑦ ᐊᐱᕐᓱᕈᑎᒥᓃᑦ ᑐᓴᕐᓴᐅᑎᑕᐅᓂᐊᕐᒥᔪᑦ ᓈᓚᐅᑎᒃᑯᑦ ᑖᒃᑯᓇᓂ ᓄᓇᓕᐅᔫᓐᓂ.
  • ᓴᖅᑭᖅᑕᐅᓗᑎᒃ ᒥᕐᖑᐃᕐᓯᕐᕕᐅᑉ ᐃᓕᖅᑯᓯᒃᑯᑦ ᖃᐅᔨᒪᒍᑎᖏᑦ ᖃᐅᔨᓴᕈᑎᐅᑯᓪᓗᒋᑦ ᖃᓄᖅᑑᕐᓂᒃᑯᑦ ᐱᓕᕆᐊᑦᓴᑎᒍᓪᓗ.

Related links

Date modified :